بخصوص تخفيضات الجمارك 2016

[hugan]

نفسي اعرف فين التخفيضات اللي الكل بيتكلم عليها

[yasser100]

نفسي اعرف فين التخفيضات اللي الكل بيتكلم عليها

انسى , الدولار ب 8.90

[som3aa]

التخفيض على السيارات ذات المنشأ الاوروبى بغض النظر جاية منين . المهم يبقى معاها شهادة منشأ اوروبى الكلام دا اتقال من فترة

[gamal_sharaf]

الخصم 10 % من تمن العربيه اول سنه ، و 5 % لكل سنه بعدها بحد أقصى 50 % يعنى بعد 9 سنين مش هاترخص تانى

يعنى لو العربيه مثلا بما يعادل 100 الف جنيه هاتدفع عليهم 65 الف جمرك

بعد سنه تنزل 10 % تبقى قيمتها 90 الف تدفع عليها جمرك 58.5 الف

بعد سنتين تنزل 15 % تبقى 85 الف تدفع عليها 55 الف

لحد 9 سنين نتنزل 50 % تبقى ب 50 الف وتدفع 32 الف جمرك

الفلوونس اللى في الخليج مختلفه عن اللى في مصر وتقفيل كورى

التخفيضات دى تخص المعاقين فقط مش كدة؟
لأن اللى انا عارفة ان مش من حق حد يجيب عربية مستعملة من الخارج إلا للمعاقين فقط
اما الاسوياء فلازم يجيبها موديل السنة ، او يكون مالك اول ليها في بلادها ويجيب شهادة من المرور تفيد ذلك

صح ولا انا بتكلم غلط؟
ممكن نوضح المعلومة كاملة عشان الكل يستفيد

[Hosam_Optrawy]

التخفيض على السيارات ذات المنشأ الاوروبى بغض النظر جاية منين . المهم يبقى معاها شهادة منشأ اوروبى الكلام دا اتقال من فترة

شهادة اليورو دى بتتعمل منين وازاى ؟

في زميل لنا في المنتدى نزل بى ام 316 من السعوديه السنه اللى فاتت ودفع الجمارك كامله ووقفت عليه اغلى من تمنها في مصر

التخفيضات دى تخص المعاقين فقط مش كدة؟
لأن اللى انا عارفة ان مش من حق حد يجيب عربية مستعملة من الخارج إلا للمعاقين فقط
اما الاسوياء فلازم يجيبها موديل السنة ، او يكون مالك اول ليها في بلادها ويجيب شهادة من المرور تفيد ذلك

صح ولا انا بتكلم غلط؟
ممكن نوضح المعلومة كاملة عشان الكل يستفيد

لا انا ماقصدش معاقين ، انا اقصد في حالة انك هاتنزل العربيه بعد كذا سنه من شرائك ليها زيرو

من حقك تنزل عربيه مستعمله لو انت المالك الأول ليها وشاريها زيرو في نفس سنة الموديل

اما المعاقين قصه مختلفه

[باسم الصاوي]

تخفيض الجمارك يسرى على المنتج الأوروبى و حسب شهادة المنشأ اللى جاى بيها
يعنى بغض النظر عن ماركة العربية، المهم منشأ السيارة المستوردة دى إيه؟
بمعنى: تويوتا ماركة يابانية 100% و لكن يتم تصنيع الكورولا فى تركيا....يبقى تسرى عليها التخفيضات الأخيرة لأنها ذات منشأ أوروبى.

مشكلة الفلوانس اللى حضرتك بتفكر تجيبها من الخليج أنها تصنيع كورى....إذا شهادة منشأها كوريا و لذلك لا تخضع للتخفيض

تحياتى

كلامك مفيد جداً ،بس معلش انا خبرتي قليلة جداً في الرينو هل الفلونس 2011 بس هي اللي كوري ولا كله لحد موديل السنه دي ؟ ، وأيه هي العربيات المحترمة من حيث الشكل والرفاهية والأمكانيات و يكون برضه سعرها حنين زي الفلونس ؟

[karim yakout]

مكنش حد غلب
الوكلاء جبابرة

[Mostafa Esmail]

معلش عندى استفسار .. دلوقت انا مشلول و عايز اجيب عربية مرسيدس من المانيا 1600cc و عايز اعرف مسموح لحد موديل كام و الجمارك و كدة و اعمل اية بعد كشف القومسيون