كرسي السواقة فى ميجان 2006

[blackhorse17]

سلام عليكم يا شباب محدش عندة فكرة عن توطية قعدة الميجان شوية زى العربيات الالمانى وزى الفلوانس و الميجان الجديدة؟
لان الموضوع ده خانقنى جدا ومش بكون مرتاح ولا مظبط قعدتى مع ابعاد العربية حتى لما بوطى الكرسى على الاخر برضو ببقى ققريب جدا للسقف و ديه بصراحة نقطة رخمة جدا فى الميجان

[blackhorse17]

هو محدش عنده فكرة عن الموضوع ده ولا هو مالوش حل؟

[blackhorse17]

كل المشاهدات ديه ومحدش عنده رأى فى المنتدى ده؟

[M.Radwan]

انا بصراحة شفت شكاوى كتير وقليل بس عمري ما شفت حد اشتكى من الكرسي!
انت متأكد إنه مضبوط وبيطلع وينزل لغاية آخر المدى بتاعه؟
انت طول حضرتك على كده أكيد معدي ال 190 بحبة كويسين

[blackhorse17]

ههههههههههه لا والله خالص انا طولى 178 و الكرسى مفيهوش مشاكل بينزل للاخر عادى انما الفكرة انى ما يعرفش لرجع ضهر الكرس لورا لانى عندى غضاريف و ظهرى بيتعبنى
ده غير انى كنت راكب بريليلنس جالينا و بعدها اوكنافيا a5 ( الاوكتافيا عالية لكن قعدتها مناسبة بتبقى قاعد فى مستوى التابلوه)
و بعديهم اوبل فيكترا c 2008 و حاليا ميجان 2006 بس كل العربيات اللى قلت عليهم دول قعدنهم حلوة جدا وتبقى بعيد عن السقف بصراحة مش خانقنى فى الميجان غير قعدتها و ممكن ابيعها للسبب ده لو ما لققيتش تعديل

[M.Radwan]

ههههههههههه لا والله خالص انا طولى 178 و الكرسى مفيهوش مشاكل بينزل للاخر عادى انما الفكرة انى ما يعرفش لرجع ضهر الكرس لورا لانى عندى غضاريف و ظهرى بيتعبنى
ده غير انى كنت راكب بريليلنس جالينا و بعدها اوكنافيا a5 ( الاوكتافيا عالية لكن قعدتها مناسبة بتبقى قاعد فى مستوى التابلوه)
و بعديهم اوبل فيكترا c 2008 و حاليا ميجان 2006 بس كل العربيات اللى قلت عليهم دول قعدنهم حلوة جدا وتبقى بعيد عن السقف بصراحة مش خانقنى فى الميجان غير قعدتها و ممكن ابيعها للسبب ده لو ما لققيتش تعديل

انا رأيي برضه تجرب كرسي تاني في عربية ميجان تانية لأن عندي بيطلع وينزل لمسافة طويلة كافية لأي حد يستريح فيه.
أما لو نفس المشكلة حصلت يبقى الحل إما تبيع العربية، أو توفق لها كرسي استيراد من العربيات اللى بتستريح فيها، بس أشك إنك تلاقي الأبعاد المظبوطة ع العربية

[تامر.محمد]

انا اطول من حضرتك حاجة بسيطة و باحب انزل الكرسي برده
و مش بارجع ضهر الكرسي ورا
و السقف مش قريب من راسي خالص !!

[blackhorse17]

شكرا اولا على الرد
ثانيا:
هو الكرسى عندى مفيهوش مشكلة وبينزل للآخر فعلا واحنا عندنا ميجان تانية 2009 بتاعة والدى و بركبها بلاقى نفس الموضوع لكن اخويا عنده فليوانس 2011 قعدتها مناسبة جدا وبعيد عن السقف ومستوى نظرك بيبقى فى نص الزجاج الامامى لكن الميجان بصراحة قعدتها تخنق بيبقى مستوى نظرك عند اول الزجاج من فوق
انا حشوف سروجى يحللى الموضوع ده ولو ما نفعش حبيعها
على فكرة اعرف ناس عندهم تويوتا ياريس برضو بيتضايقوا من نفس الموضوع

[تامر.محمد]

معلش سؤال غلس لكن في صلب الموضوع و الله

هو حضرتك مليان شوية ؟

[blackhorse17]

هههههههههه شوية بس ايه العلاقة ؟