فلوانس ام كابتشر؟؟!!!

[M_sa3d]

السلام عليكم
انا كنت حاجز فلوانس E3 و بسبب شوية لخبطة كدة في التوكيل اتحجز باسمي E2 مش E3 و لو عايز E3 ممكن استني الدفعة اللي جاية او اخدها من اي موزع باوفر برايس....المشكلة ان العربية مش موجودة عند الموزعين واللي موجود E3 plus....المهم وانا موجود في التوكيل حد هناك اقترح عليا آخد الكابتشر و الاستلام فوري وبصراحة العربية عجبتني قوي .... انا عارف ان مينفعش اقارن سيدان بكروس اوفر بس انا مش فارق معايا حجم العربية....انا دلوقتي محتاج النصيحة آخد الكابتشر ولا الفلوانس ال E3 plus مع العلم ان اللي مخوفني من الكابتشر:-
١-العربية لسة جديدة و مش متجربة قوي ومحدش عارف ال resale بتاعها حيبقي عامل ازاي بس متهيقلي الناس اصحاب الخبرة هنا ممكن تتوقع العربية حتنجح ولا لأ؟؟
٢-العربية ١٢٠٠ سي سي تيربو فهل البنزين ال ٩٢ حيسببلها مشاكل؟؟
٣-هل توكيل رينو كويس في موضوع توافر قطع الغيار ولا زي بعض التوكيلات التانية اللي ممكن تنزل عربية ومعندهاش قطع غيارها؟؟
٤-قطع الغيار اكيد غالية بس حتبقي اغلي من الفلوانس بكتير يعني ولا قريبة منها؟؟
٥- بما ان العربية ١٢٠٠ سي سي موضوع الغاء الجمارك عنها ممكن يعني كمان كام شهر الاقي العربية نزلت ٥٠ او ٦٠ الف جنيه؟؟
الرجاء من اصحاب الخبرة مع رينو المساعدة و شكرا مقدما.....

[modyballack]

السلام عليكم
انا كنت حاجز فلوانس e3 و بسبب شوية لخبطة كدة في التوكيل اتحجز باسمي e2 مش e3 و لو عايز e3 ممكن استني الدفعة اللي جاية او اخدها من اي موزع باوفر برايس....المشكلة ان العربية مش موجودة عند الموزعين واللي موجود e3 plus....المهم وانا موجود في التوكيل حد هناك اقترح عليا آخد الكابتشر و الاستلام فوري وبصراحة العربية عجبتني قوي .... انا عارف ان مينفعش اقارن سيدان بكروس اوفر بس انا مش فارق معايا حجم العربية....انا دلوقتي محتاج النصيحة آخد الكابتشر ولا الفلوانس ال e3 plus مع العلم ان اللي مخوفني من الكابتشر:-
١-العربية لسة جديدة و مش متجربة قوي ومحدش عارف ال resale بتاعها حيبقي عامل ازاي بس متهيقلي الناس اصحاب الخبرة هنا ممكن تتوقع العربية حتنجح ولا لأ؟؟
٢-العربية ١٢٠٠ سي سي تيربو فهل البنزين ال ٩٢ حيسببلها مشاكل؟؟
٣-هل توكيل رينو كويس في موضوع توافر قطع الغيار ولا زي بعض التوكيلات التانية اللي ممكن تنزل عربية ومعندهاش قطع غيارها؟؟
٤-قطع الغيار اكيد غالية بس حتبقي اغلي من الفلوانس بكتير يعني ولا قريبة منها؟؟
٥- بما ان العربية ١٢٠٠ سي سي موضوع الغاء الجمارك عنها ممكن يعني كمان كام شهر الاقي العربية نزلت ٥٠ او ٦٠ الف جنيه؟؟
الرجاء من اصحاب الخبرة مع رينو المساعدة و شكرا مقدما.....

انا عندي نفس استفساراتك مع اختلاف حالتي , عشان انا عاوز انزلها من الخليج خصوصا انها ب 60000 ريال فل اوبشن و انا عندي تجربه طويله ممتازه مع الرينو سافران

[Hany Saad]

للأسف و حسب معايير السوق:
- ال resale بتاع الكابتشر هيبقى ضايع ده غير صعوبة بيعها لأن اللى هيشتريها لازم يكون غاويها و عايزها بالأسم.
- مبيعات العربية و هى زيرو شحيحة جداً و لا تتعدى بضع عشرات.
- الموضوع ملهوش دعوه بالتوكيل و لكن بحجم المبيعات، و طالما المبيعات ضعيفة جداً يبقى قطع الغيار هتبقى شحيحة و غالية، اغلى من الفلوانس لندرة طلبها و خاصة فى ظل شح الدولار الأخير
- على الجانب الإيجابى، فيه حد كان جربها مع بنزين ٩٢ و الدنيا كانت شغالة معاه بدون مشاكل
- الخلاصة، لو عايز تريح دماغك هات فلوانس اما لو غاوى قوى و هتستحمل سعر إعادة بيع متدنى و شح و غلو قطع غيار يبقى هات الكابتشر

تحياتى

[scientist9508]

فلوينس بكل تأكيد أفضل و بفارق كبير

[M_sa3d]

للأسف و حسب معايير السوق:
- ال resale بتاع الكابتشر هيبقى ضايع ده غير صعوبة بيعها لأن اللى هيشتريها لازم يكون غاويها و عايزها بالأسم.
- مبيعات العربية و هى زيرو شحيحة جداً و لا تتعدى بضع عشرات.
- الموضوع ملهوش دعوه بالتوكيل و لكن بحجم المبيعات، و طالما المبيعات ضعيفة جداً يبقى قطع الغيار هتبقى شحيحة و غالية، اغلى من الفلوانس لندرة طلبها و خاصة فى ظل شح الدولار الأخير
- على الجانب الإيجابى، فيه حد كان جربها مع بنزين ٩٢ و الدنيا كانت شغالة معاه بدون مشاكل
- الخلاصة، لو عايز تريح دماغك هات فلوانس اما لو غاوى قوى و هتستحمل سعر إعادة بيع متدنى و شح و غلو قطع غيار يبقى هات الكابتشر

تحياتى

متشكر جدا علي اهتمام حضرتك
كلام حضرتك معقول جدا....بس التوكيل بيقول ان فيه اهتمام بالعربية دي السنة دي و هنا في اسكندرية بيقلولي ان عندهم اكتر من ١٠٠ عربية و كلهم اتحجزو حتي انهارده في التليفون حد من التوكيل قالي ان انهاردة بس اتحجز ٤ عربيات حتي الللون اللي انا عايزه كان متوافر من ٣ ايام و دلوقتي لا
هل كلامهم ده ممكن نعتبره بداية نجاح للعربية ولا ده مجرد كلام؟؟؟
انا اللي مستغرب منه ان العربية ناجحة جدا بره و لما دورت علي الانترنت لقيت مبيعاتها في اوربا عالية جدا....انا عارف اننا في مصر تقديرنا للعربيات سيئ جدا لكن من كتر ما العربية عجباني باعشم نفسي انها حتنجح و حتنتشر خصوصا ان في اتجاه في مصر دلوقتي للكروس اوفر و للعربيات العالية عن الارض بصفة عامة و بعد ما رينو اكلت السوق في فئة العربيات الصغيرة ( اللوجان و السانديرو ) متهيقلي ده الوقت المناسب انهم يركزو مع الفئة دي....
عموما انا متشكر للمرة التانية لاهتمام حضرتك

[M_sa3d]

فلوينس بكل تأكيد أفضل و بفارق كبير

شكرا علي الرد

[Hany Saad]

متشكر جدا علي اهتمام حضرتك
كلام حضرتك معقول جدا....بس التوكيل بيقول ان فيه اهتمام بالعربية دي السنة دي و هنا في اسكندرية بيقلولي ان عندهم اكتر من ١٠٠ عربية و كلهم اتحجزو حتي انهارده في التليفون حد من التوكيل قالي ان انهاردة بس اتحجز ٤ عربيات حتي الللون اللي انا عايزه كان متوافر من ٣ ايام و دلوقتي لا
هل كلامهم ده ممكن نعتبره بداية نجاح للعربية ولا ده مجرد كلام؟؟؟
انا اللي مستغرب منه ان العربية ناجحة جدا بره و لما دورت علي الانترنت لقيت مبيعاتها في اوربا عالية جدا....انا عارف اننا في مصر تقديرنا للعربيات سيئ جدا لكن من كتر ما العربية عجباني باعشم نفسي انها حتنجح و حتنتشر خصوصا ان في اتجاه في مصر دلوقتي للكروس اوفر و للعربيات العالية عن الارض بصفة عامة و بعد ما رينو اكلت السوق في فئة العربيات الصغيرة ( اللوجان و السانديرو ) متهيقلي ده الوقت المناسب انهم يركزو مع الفئة دي....
عموما انا متشكر للمرة التانية لاهتمام حضرتك

نأمل و نتعشم أن ده اللى يحصل و لكن.......شخصياً لا أتوقع نجاح لهذه السيارة للأسباب التالية:

1- أنا زى حضرتك أسكندرانى، يا ترى فيه كام كابتشر شوفتها لحد دلوقتى من ساعة ما العربية نزلت....شخصياً مشفتش و لا واحدة فى إسكندرية و شوفت واحدة فقط فى التجمع الخامس فى القاهرة.
2- الفئة اللى العربية دى بتنافس فيها....أصلاً فئة مش ماشية كويس فى مصر و هى فئة الكومباكت كروس أوفر....تنافسها فيها البيجو 2008....يا ترى ما هو حجم مبيعات البيجو 2008 أصلاً؟ برده بسيط جداً
3- السوق فى مصر مش بيحب المواتير الصغيرة 1200 سى سى (حتى لو تربو)....بيقول عليها ضعيفة.
4- السوق فى مصر مش بيحب المواتير التربو علشان مشاكله مع البنزين
5- سوق السيارات داخل على ركود لم و لن يشهده من قبل للأسباب الأتية:
- شح توافر الدولار فى البنوك
- حد الإيداع الشهرى الأقصى 50 الف دولار
- تغطية قيمة الشحنة ب 100% من تمنها بدل 50%
- تشديد إجراءت القروض و تقليل قيمة القسط الشهرى إلى حد أقصى 35% من صافى المرتب بعد خصم الضرايب و التأمينات.
- منع الشراء بالقسط للغير....يعنى مينفعش أب يشترى لبنته أو زوجته بالقسط.
- إجراءات حد الأستيراد الأخيرة هتأثر على السوق ككل، و هتزود البطالة و بالتالى إحجام كثير من الناس على الشراء

أسف على هذا التحليل التشاؤمى و لكن من كل ما سبق، يتضح أن صعب الكابتشر مبيعاتها تزيد....بالعكس العربية الوحيدة اللى ممكن مبيعاتها تزيد هى اللوجان و إخواتها لأنها الشريحة الوحيدة اللى كتير من الشعب يقدروا يشتروها و بتحقق المطلوب منها مع سعر معقول بالنسبة للسوق

أتمنى لك التوفيق فى الأختيار

تحياتى

[Colin Chapman]

٥٠ او ٦٠ الف جنيه

السلام عليكم
انا كنت حاجز فلوانس E3 و بسبب شوية لخبطة كدة في التوكيل اتحجز باسمي E2 مش E3 و لو عايز E3 ممكن استني الدفعة اللي جاية او اخدها من اي موزع باوفر برايس....المشكلة ان العربية مش موجودة عند الموزعين واللي موجود E3 plus....المهم وانا موجود في التوكيل حد هناك اقترح عليا آخد الكابتشر و الاستلام فوري وبصراحة العربية عجبتني قوي .... انا عارف ان مينفعش اقارن سيدان بكروس اوفر بس انا مش فارق معايا حجم العربية....انا دلوقتي محتاج النصيحة آخد الكابتشر ولا الفلوانس ال E3 plus مع العلم ان اللي مخوفني من الكابتشر:-
١-العربية لسة جديدة و مش متجربة قوي ومحدش عارف ال resale بتاعها حيبقي عامل ازاي بس متهيقلي الناس اصحاب الخبرة هنا ممكن تتوقع العربية حتنجح ولا لأ؟؟
٢-العربية ١٢٠٠ سي سي تيربو فهل البنزين ال ٩٢ حيسببلها مشاكل؟؟
٣-هل توكيل رينو كويس في موضوع توافر قطع الغيار ولا زي بعض التوكيلات التانية اللي ممكن تنزل عربية ومعندهاش قطع غيارها؟؟
٤-قطع الغيار اكيد غالية بس حتبقي اغلي من الفلوانس بكتير يعني ولا قريبة منها؟؟
٥- بما ان العربية ١٢٠٠ سي سي موضوع الغاء الجمارك عنها ممكن يعني كمان كام شهر الاقي العربية نزلت ٥٠ او ٦٠ الف جنيه؟؟
الرجاء من اصحاب الخبرة مع رينو المساعدة و شكرا مقدما.....