رينو فلوينس ... صوت غريب يصدر من الإطارات

[عبدالله المصرى]

السلام عليكم و رحمة الله و بركاته ،

أثناء قيادة السيارة ظهر صوت غريب بالمواصفات التالية:
# الصوت يصدر من الجانب الأيسر (جانب السائق) للسيارة ، و أعتقد أن مصدره الإطار الخلفى.
# الصوت مشابه لصوت ناتج عن ضرب الأسفلت بقطعة من الكاوتش ،
أو كصوت ناتج عن وجود بقعة من مادة لاصقة (غراء مثلا) على الإطار و يصدر الصوت عند ملامستها للأسفلت ثم إنفصالها عنه نتيجة دوران الإطار.
# الصوت يكون على شكل تك.....تك.....تك.....تك ، و يزداد تردد الصوت مع زيادة سرعة السيارة و بالتالى سرعة دوران الإطار ليكون على شكل تك..تك..تك..تك.

# الصوت غير مسموع عند غلق نوافذ السيارة.
و قد تم علاج المشكلة و إختفى الصوت تماما عندما قمت بقيادة السيارة لمدة دقيقتين على الطريق السريع.

كان ذلك منذ 3 شهور تقريبا ، و لكن ظهر هذا الصوت مرة أخرى منذ يومين و لم يختفى عندما حاولت علاجه كما فعلت فى المرة السابقة.

أرجو من الإخوة الأعضاء مساعدتى لمعرفة السبب المحتمل لذلك الصوت. (مع العلم أن عداد السيارة لم يتجاوز 3000 كم)

شكرا مقدما.

[pepo2011]

طيب هو حضرتك عملت ايه المرة السابقة؟؟
احتمال يكون زلطة او حصوة دخلت بين الكاوتش عادي يعني

[عبدالله المصرى]

طيب هو حضرتك عملت ايه المرة السابقة؟؟
احتمال يكون زلطة او حصوة دخلت بين الكاوتش عادي يعني

كما ذكرت ، فقد إختفى الصوت فى المرة السابقة عندما قمت بقيادة السيارة لمدة دقيقتين على الطريق السريع (بسرعة 90 كم/ساعة تقريبا).
هل يمكن فعلا أن يكون السبب زلطة محشورة فى النقش المحفور على الإطار؟ أرجو ذلك لأنى أخشى أن يكون السبب شىء ما فى عفشة السيارة.
سأقوم بفحص الإطار عندما أعود من السفر إن شاء الله ، ولكن هل هناك أى أسباب أخرى محتملة لحدوث هذا الصوت؟

[pepo2011]

هاتروح لميكانيكي وترفع العربية ويلف العجلة لوحدة لو الصوت مسموع يبقي في العربية نفسها
بس غالبا هايكون في الكاوتش

[Mecha]

طب ماتركب الاستبن وتشوف ، يمكن اللي فيها متيله

[amr011111]

الصوت ده عادى جدا
وهتسمعه غالبا لما تكون ماشى جنب رصيف او قريب منه

[dr_mohamed16]

ده صوت عادي جداااا فعلا هتسمعه لما تكون ماشي بسرعة جنب رصيف او جزيره عاليه او حتى حيطة
لو بطئت الصوت هيروح
لو جريت بنفس السرعة في طريق واسع برضه الصوت هيروح و مش هتسمعه
متقلقش ده لان صوت خبط العجل فى الارض بينعكس لما تكون ماشي جنب الرصيف زي ما قلنا .. و في الغالب اللي بيعمل الصوت ده بتكون حصوة صغيرة شبكة في العجل

[عبدالله المصرى]

هاتروح لميكانيكي وترفع العربية ويلف العجلة لوحدة لو الصوت مسموع يبقي في العربية نفسها
بس غالبا هايكون في الكاوتش

طب ماتركب الاستبن وتشوف ، يمكن اللي فيها متيله

الصوت ده عادى جدا
وهتسمعه غالبا لما تكون ماشى جنب رصيف او قريب منه

ده صوت عادي جداااا فعلا هتسمعه لما تكون ماشي بسرعة جنب رصيف او جزيره عاليه او حتى حيطة
لو بطئت الصوت هيروح
لو جريت بنفس السرعة في طريق واسع برضه الصوت هيروح و مش هتسمعه
متقلقش ده لان صوت خبط العجل فى الارض بينعكس لما تكون ماشي جنب الرصيف زي ما قلنا .. و في الغالب اللي بيعمل الصوت ده بتكون حصوة صغيرة شبكة في العجل

الحمد لله .. تم إكتشاف السبب و هو وجود "بِلْيَة" صغيرة محشورة فى النقش المحفور على الإطار ، و قد إختفى الصوت تماما بمجرد التخلص منها.
شكرا جزيلا لكل الأعضاء المحترمين الذين حاولوا مساعدتى ، و شكر خاص للعضو المحترم "pepo2011".