دوران العجل الامامي بدون غيار - كليو ٢٠٠٣

[Sameh00]

العربية عندي النهاردة ولعت بسبب ان غطا جوان التكهات بيسرب زيت بقاله فترة كبيرة (و انا سايبه لحد الصيف بس ملحقتش )
و كنت مسافر ف الزيت كان جامد اوى لدرجة انو ولع ف العازل الحراري اللى جوا و العازل و لع خراطيم البنزين بس لحقنا العربية و طفينها وكدا بعدها غيرت خراطيم البنزين كلها بس وصلت للاتى

العربية و هى مرفوعة ع الكوريك العجلة اليمين بتلف من غير غيار بسرعة جداا و بتعمل زي طرقعة كدا و هى بتلف و لما بنزل العربية ع الارض صوت الموتور يعلي اوى لأنى منعت حركة العجلة و لو سيبت العربية من غير فرامل اليد بتمشي شوية لوحدها ببطئ كدا , طبعا دى اول مرة اشوف حاجة زى دى و معنديش اي فكرة عنها

كل السينسورات تقريبا مش شغالة لأن النار كلت سلوك كهرباء كتير

الفرامل ضعفت جدااااااااااااااا مش عارف اذا كان ممكن يكون الخرطوم بتاعه ساح منه شوية ولا دا ليه علاقة بالعجل نفسه

المهم يعنى عايز النصيحة علشان اعرف امشي اازى ف الموضوع دا .

رينو كليو ٢٠٠٣ ـ ١٢٠٠ cc

[عبدالله برعى]

- ناقل الحركة يدوي ام اوتو؟؟؟؟؟؟
في كل الاحوال
حركة الاطار اثناء الرفع مشكلة اسطوانة و(ديسك) يجب الكشف عليهم او محول العزم
الفرامل يجب تغيير الدورة وتغيير الحساسات او الكشف لو كان بها abs

[Sameh00]

- ناقل الحركة يدوي ام اوتو؟؟؟؟؟؟
في كل الاحوال
حركة الاطار اثناء الرفع مشكلة اسطوانة و(ديسك) يجب الكشف عليهم او محول العزم
الفرامل يجب تغيير الدورة وتغيير الحساسات او الكشف لو كان بها abs

يدوي ، لا مفيش abs
طيب لو الأسطوانة و الديسك هما المشكلة لازم يتغيروا مبيتصلحوش ؟
تاني حاجة تقريبا كدا التكلفة تكون في حدود آيه ؟

[Sameh00]

النهاردة رحت انضف العربية علشان تبقي جاهزة للتصليح ان شاء الله
دي صورة قبل و بعد

ورفعت العربية اجرب موضوع العجل تانى لقيت حاجة اغرب.
الموضوع دا بيحصل مع الفردة اليمين بس نحية الشمال مبتتحركش خالص و العربية دايرة من غير غيار ولا حتى بأيدي كأنها مكلبشة فرامل .

ياريت يا جماعة حد يفهمنى ايه القصة علشان مروحش لحد يشتغلنى

العربية بتمشي على فكرة بس في صوت احتكاك فى العجل طبعا و بطيئة شوية و كمان مش بتلف كويس ناحية اليمين

[lad]

موضوع لف الكاوتش عادى و طبيعي فى اى عربية مش فاكر التفسير هجيبه و اقولك بس دا طبيعي لا تقلق

[Sameh00]

موضوع لف الكاوتش عادى و طبيعي فى اى عربية مش فاكر التفسير هجيبه و اقولك بس دا طبيعي لا تقلق

لا طبعا مش عادي بقول لحضرتك فردة اليمين بتلف بسرعة جدا و الشمال و اقفة تماما و مش بتتلف لو حتي بالايد !

آيه يا جماعة مفيش اي ردود كدة
أنا كانت بستشيركم قبل ماروح لميكانيكي و بقالي يومين مستني حد يفيدني بس شكلي هروح لميكانيكي و امري لله .

[windofchange]

راجع علي خراطيم هوا الموتور والفرامل وراجع علي ماستر الفرامل اللي فالعجلة اليمين والشمال

[windofchange]

وبلي العجل الامامي راجع عليه برضه

[albasha]

باشا أنت حددت هتروح لمين الأول

ثانياً المشكله عندك واضحه في مشكله في الضفيره الكهربه كلها ساحت علي بعض بمعني انت عندك حاله خاصه محدش تعرض لها
أول حاجه شوف الضفيره
ثانياً مفيش مشكله في الدسك والإسطوانه ولا حاجه ولا عندك مشكلة ميكانيكا
المشكله كنترول كهرباء وضفيره
وبعد كده يدخل الميكانيكي يغير الجوان وتعمل عزل تاني علشان الحراره بس يثبت جيداً

[Sameh00]

باشا أنت حددت هتروح لمين الأول

ثانياً المشكله عندك واضحه في مشكله في الضفيره الكهربه كلها ساحت علي بعض بمعني انت عندك حاله خاصه محدش تعرض لها
أول حاجه شوف الضفيره
ثانياً مفيش مشكله في الدسك والإسطوانه ولا حاجه ولا عندك مشكلة ميكانيكا
المشكله كنترول كهرباء وضفيره
وبعد كده يدخل الميكانيكي يغير الجوان وتعمل عزل تاني علشان الحراره بس يثبت جيداً

غيرت الجوان و فعلا الأسطوانة و الديسك مفيهومش مشكلة ، الكوبلن كان فيه مشكلة و اتصلح ، الضفيرة اتصلحت .
ناقص الفرامل لان الفلوس كانت خلصت ، تفتكر آيه اللي ممكن يتعمل ف الفرامل ؟
و شكرًا ع الرد

[Sameh00]

من بعد ما غيرت الجوان و لسا فيه بردو دخنة بتطلع من ورا الموتور من عند الفرن كدة لما امشي مسافة طويلة شوية علي سرعة (حوالي ١٠ كيلو علي ١٢٠ )، هي اقل من الاول بس لسا موجودة ، دة طبيعي ولا آيه ؟

[albasha]

ايه الأخبار

[Sameh00]

ايه الأخبار

لحد النهاردة العربية مرجعتش ل طبيعتها صرفت قرب ال ٢٠٠٠ ج

صلحت الفرامل , و الضفيرة
بعد شوية لقيت فى صوت عالى مع اللف طلع من الباور علبة الدريكسيون فيها خرطوم او جزء ساح من الحريق و زيت الباور نزل كله ع الارض و ماكنة الباور فضل مفيهاش زيت فترة طويلة لحد ما باظت , غيرتها و صلحت العلبة .

بس لسا فى كام مشكلة ,
صوت العربية مش طبيعي , فى زى صوت نفخ مع البنزين يعني لو زودت جامد ووقفت عند الموتور اسمع صوت نفخ هوا كدا من الموتور برده مش طبيعي ومش فاهمه , فى خرطوم طخين اتحرق ساعة الحريق دا ولما سألت الميكانيكي دا ايه او نجيبه منين فضل يراجع ع الحراطيم قالى تلقيه بتاع الفايظ ولا ايه حاجة مفيش خراطيم ناقصة مش عارف هل دا ممكن يكون مسبب النفخ دا ولا ايه .

والعربية صوتها بقي خشن كدا مع انى لسا مغير زيت من اسبوع .

و النهاردة كنت ماشي بيها و بعدين بأوقف و مش مديها غيار و اول ما وقفت قامت بطلت لوحدها مع انى مش مفيش غيار ولا دبرياج ولا اي حاجة . دى اول مرة تحصل و مش عارف اذا كان ليها علاقة ولا لأ .

[windofchange]

اكشف كمبيوتر..صوت اللي بتسمعه ممكن يكون تنفيث هوا من المانيفولد اللي ف وش المكنة من عند حساس ال tps او خراطيم الهواء الفاكيوم..روح لميكانيكي و كهربائي كليو هيريحك

[Sameh00]

اكشف كمبيوتر..صوت اللي بتسمعه ممكن يكون تنفيث هوا من المانيفولد اللي ف وش المكنة من عند حساس ال tps او خراطيم الهواء الفاكيوم..روح لميكانيكي و كهربائي كليو هيريحك

منا وحت لميكانيكيا كتير لحد ما فلست ، لو في طريقة اختبر أنا يبقي ممكن تقولهالي يبقي أحسن .
ولو مفيش ياريت ترجح ميكانيكي شاطر تكون انت لتعاملت معاه اروحله ينجز مش يعد يجرب في العربية زي الإخوة اللي فاتوا كل واحد اروحله اول كلمة يقولها غير كذا و ف الاخر ميطلعش هو المشكلة . شكرًا