ميجان 2 بتحدف يمين

[habib47]

السلام عليكم
الميجان 2 غلبتني قوي..بتحدف يمين جامد جدا, مع العلم اني غيرت العفشة بالكامل استيراد ماعدا المقصات اشتريت جديد, و برضه لسة بتحدف, لفيت علي 3 محطات ظبط زوايا موبيل و توتال و وطنية و رحت ل 2 بتوع زوايا و اتزان و كلهم قالو ان الزوايا مظبوطة علي الجهاز 100 في 100 و قمنا بتبديل الكاوتش يمين و شمال و ورا و قدام و برضه مفيش فايدة.!؟
مع العلم ان مرة الباور الكهرباء فصل و رحت للكهربائي طلع ان الفيشة بتاعته في علبة الفيوز وسعت و تم اصلاحها.

اعمل ايه لو سمحتوا ؟؟

[pepo2011]

ياباشا مش ممكن اكيد في سبب
ممكن غير ملحوظ في الجهاز لكن لابد من وجود سبب ممكن لوحة في الركبة او الشاسية لازم تراجع علي كل حاجة

[habib47]

اشكرك علي الرد, و لكن والله راجعت علي الكلام ده و قالولي فيه حاجة اسمها (N2) بتبان علي الجهاز لو في لوحة او العربية محتاجة زرجينة لكن الحمد لله مفيش.
لسة من شوية واحد قال لي ان الميجان فيها حساس زوايا..!!!!؟ و بيتعمله ريست (reset) حد سمع عنه؟

[pepo2011]

اه طبعا بيبان عالجهاز
ولو الموضوع لسة موجود ومتحلش تروح التوكيل

[asemelsaid]

انا عندي نفس المشكلة وربنا يسامحة واحد بتاع ظبط زوايا قلي العجلة مأخرة 1 سنتي وده طبعا علشان زهق منى بسبب اني كل شوية ارحلة واقلة لسة بتحدف .. وطبعا رحت لاكثر من واحد ظبط زوايا وطلعت العربية تمام وطبعا كنت مغير عفشة العربية كاملة المهم خلاصة الكلام المشكلة عندك لاما ترصيص العجل او في رفة في العجل نتيجة عوجاج بسيط في الجنط ولازم تعمل استعدال حتى لو كنت بديلت العجل احتمال يكون العجل كله به عوجاج خصوصا لو الجنط الاصلي وحش جدا
اشرفكو مرة قلي اغلب شغل استعدال الجنوط بيجيلي من الميجان والاسبرانزا

[asemelsaid]

انا عندي نفس المشكلة وربنا يسامحة واحد بتاع ظبط زوايا قلي العجلة مأخرة 1 سنتي وده طبعا علشان زهق منى بسبب اني كل شوية ارحلة واقلة لسة بتحدف .. وطبعا رحت لاكثر من واحد ظبط زوايا وطلعت العربية تمام وطبعا كنت مغير عفشة العربية كاملة المهم خلاصة الكلام المشكلة عندك لاما ترصيص العجل او في رفة في العجل نتيجة اعوجاج بسيط في الجنط ولازم تعمل استعدال حتى لو كنت بديلت العجل احتمال يكون العجل كله به عوجاج خصوصا لو الجنط الاصلي وحش جدا
اشرفكو مرة قلي اغلب شغل استعدال الجنوط بيجيلي من الميجان والاسبرانزا وانا كنت رايح الحم واستعدل الجنط بتاعي

[habib47]

متشكر علي رد حضرتك
ويا تري بعد الاستعدال الزوايا اتظبطت ؟
انا فعلا عندي الجنوط معوجة و رحت لحسن يوسف في الصحفيين قالي الواحد 140 جنيه...!!!
السعر ده طبيعي ؟

[asemelsaid]

متشكر علي رد حضرتك
ويا تري بعد الاستعدال الزوايا اتظبطت ؟
انا فعلا عندي الجنوط معوجة و رحت لحسن يوسف في الصحفيين قالي الواحد 140 جنيه...!!!
السعر ده طبيعي ؟

انا فاكر ان السعر عند اشرفكو كان بحوالي 120 او 130 بس نصيحة الاول لو الاعوجاج مش باين بالعين المجردة اعمل ترصيص الاول لان انا اعتقد ان الاستعدال ده كلام فاضي لانه بعد ما بيعمل استعدال بيرصص لان الاستعدان لم يعد الجنط على الحالة الاصلية ابدا ...