فتيس فلوانس 2016

[zoro almaz]

السلام عليكم
انا ان شاء الله ناوي احجز فلوانس
بس كنت عايز اسأل ملاكها علي فتيسها ال cvt هل هو معمر ولا لأ
لان ملاك نيسان بيشتكوا من الفتيس وانه بيضرب منهم علي 80 و 40 الف كيلو

[tasaka]

نفس السؤال ؟؟

بس الملحوظه هنا .. ان الشكوى كانت من الجوك و القشقاى .. و العربيتين موش سيدان

فهل ظهرت الشكوى دى فى الفلونس السيدان ؟؟

[yasser100]

حتى الان ما فيش شكوى من فتيس الفلوينس و على فكره ال cvt فى اكتر من عربيه و فى التيوتا كورولا و الهوندا ... المفروض انه ال cvt اكتر فتيس معمر لانه تكنولوجيته لا تعتمد على تروس و بيوصل عمره الافتراضى ل 400 الف كم ... مش عارف ممكن عربيات النيسان فيها عيب تصنيع من ناحية الفتيس او تقفيل .

[tasaka]

حتى الان ما فيش شكوى من فتيس الفلوينس و على فكره ال cvt فى اكتر من عربيه و فى التيوتا كورولا و الهوندا ... المفروض انه ال cvt اكتر فتيس معمر لانه تكنولوجيته لا تعتمد على تروس و بيوصل عمره الافتراضى ل 400 الف كم ... مش عارف ممكن عربيات النيسان فيها عيب تصنيع من ناحية الفتيس او تقفيل .

العربيه عملت كام الف كيلو حتى الان ؟

كان فيه شكوى فى السعوديه من فتيس نيسان ( سنترا على ما اعتقد .. بس موش متأكد ) .. ان الفتيس بيسخن فى المسافات الطويله بسرعات عاليه

الكلام ده كان فى بدايه ظهورها .. و ما اعرفشى هل نيسان حلت المشكله دى لاحقا ام لا ؟

هوندا فى السعوديه تجنبت الموضوع ده بتبريد اكبر للفتيس

[ALshahba]

حتى الان لم اجد احد يشكو من اعطال الفتيس في الفلواس علي وجه الاخص

[moaman talaat]

في ناس تجاوزت ال 120 الف كيلو بدون مشاكل خالص

[tito85]

الحمد لله مسمعتش حاجة عن الموضوع ده لا في الفلوانس او السنترا

[ALshahba]

طيب وتحجز دوقت الفلوانس ليه ......استني شويه لان فلوانس الجديده بالموتور التوربو tce تازله خلاص
لسه سائل عليها امبارح التوكيل
مونور توربو 1200cc قدرة حصانيه 120 او 130 حصان ذات عزم دوران حوالى 200 ن.م عند 2000 دوره فقط ..... وكماليات متنوعه وعاليه حاجه رهييبه يعني

[abdallasoliman]

فتيس الفلونس من نيسان فية عيب تصنيع

[abdallasoliman]

الفتيس الفلونس 2015 cvt طلع فية عيب بعد 47الف كيلو وغيرتة بالتوكيل واتحملت 15% من ثمنة لأن خرجت من الضمان من شهرين والشركة اتحملت نسبة كبيرة لعيب تصنيع