رينو كادجار

[amrmaamon]

انا حاجز كيا سبورتاج هاي لاين بس لما لقيت البروشور بتاعة الكادجار ماشاء الله عربيه فيها كل حاجه السؤال ايه رأيكم بتوكيل رينو من حيث خدمات مابعد البيع وأخبار مراكز الصيانه المعتمده بتاعته ايه ؟

[beeronasr]

توكيل محترم جدآ و خايف اغير من رينو لأى نوع تاني لانى عارف انهم مش هيكونوا بمستوى توكيل رينو

[yasser100]

التوكيل محترم بس على فكره هو نفس وكيل الكيا emi ... رأيي خليك فى السبورتاج برغم انه انا شايف انها ما تستهلش سعرها ده خالص ... الكادجار تكاد تكون مش موجوده فى الشارع برغم انها عربيه محترمه جدا .

[hosamfares]

التوكيل محترم بس على فكره هو نفس وكيل الكيا emi ... رأيي خليك فى السبورتاج برغم انه انا شايف انها ما تستهلش سعرها ده خالص ... الكادجار تكاد تكون مش موجوده فى الشارع برغم انها عربيه محترمه جدا .

الكادجار لسه محدش استلمها فطبيعي ماتشوفهاش

[Colin Chapman]

رينو كادجار هى هى نفس العربية نيسان قشقاى !!

انا حاجز كيا سبورتاج هاي لاين بس لما لقيت البروشور بتاعة الكادجار ماشاء الله عربيه فيها كل حاجه السؤال ايه رأيكم بتوكيل رينو من حيث خدمات مابعد البيع وأخبار مراكز الصيانه المعتمده بتاعته ايه ؟

رينو كادجار هى هى نفس العربية نيسان قشقاى !!

[beeronasr]

لأ هى القاشقاى اصغر شوية فى الحجم و كمان الكادجار ١٣٠ حصان إنما القاشقاى اقل مع اوبشن اعلى لصالح الكادجار، بعد قراءة الكتالوج و الريفيوهات بتاعتها، بجد عربية مقنعة جدا، لكن السعر الرسمي و تاريخ نزولها مصر لم يتحدد بعد

[Colin Chapman]

الكادجار و القاشقاى

لأ هى القاشقاى اصغر شوية فى الحجم و كمان الكادجار ١٣٠ حصان إنما القاشقاى اقل مع اوبشن اعلى لصالح الكادجار، بعد قراءة الكتالوج و الريفيوهات بتاعتها، بجد عربية مقنعة جدا، لكن السعر الرسمي و تاريخ نزولها مصر لم يتحدد بعد

يعنى الميكانيكا كفتيس وكبالن وموتور وعفشة مش واحدة الكادجار و القاشقاى؟؟!

[aymanashmawy]

يعنى الميكانيكا كفتيس وكبالن وموتور وعفشة مش واحدة الكادجار و القاشقاى؟؟!

الاختلافات في ان الكادجار متضاف ليها تربو تشارجر بيولد قوة اعلى
و ال esp متضاف في الكادجار فبيعمل ثبات اكتر
و الحجم ده اساسي لان الكادجار suv انما القاشقاي crossover
بس انا دايما عند رايي ان الوكيل هو اللي بينجح او يفشل عربية في بلدنا اللي ما بتمشيش الا على الزيطة في اختيار سيارة
اخر نصيحة حط في اختياراتك سوبارو xv



------------------
السواقة فن

[beeronasr]

يعنى الميكانيكا كفتيس وكبالن وموتور وعفشة مش واحدة الكادجار و القاشقاى؟؟!

مظبوط، أغلب الميكانيكا واحدة و حتى خامات التابلوة واحدة و دى مش وحشة لان خامات القاشقاى رائعة و لكن الكادجار تزيد فى الحجم و التكنولوجيا و السعر !!

[beeronasr]

و شكلها احلى من القاشقاى بكتير

[Colin Chapman]

كادجار تعتمد نفس ميكانيكا نيسان جوك او قشقاى !!

مظبوط، أغلب الميكانيكا واحدة و حتى خامات التابلوة واحدة و دى مش وحشة لان خامات القاشقاى رائعة و لكن الكادجار تزيد فى الحجم و التكنولوجيا و السعر !!

يبقى مشاكل الفتيس بيخرب بسرعة وسعر الكبالن ال 20 الف جنيه زى جوك وقشقاى !كمان الكبالن بتبوظ بعد سنتين او ثلاثة بالكتير!

[peranha]

الكادجار اطول من القاشقاي 7.5 سم وشنطتها اكبر

[peranha]

انا حاجز كادجار اعلي فئه ولسه منزلتش مصر وهتوصل هذا الشهر والتسليم اول نوفمبر

[peranha]

ابني عنده سوبارو اعلي فئه وهي عربيه تحفه لكن الكادجار اوبشاناتها اكتر وفيها ركن اتوماتيك وكشافات حساسه للضوء ومساحات حساسه للمطر وجنوط 19 والمرايات بتبين المنطقه الميته في الرؤيه ودي مهمه جدا وشنطه اكبروانا راي انها احسن من السوبارو رغم انها ارخص

[peranha]

ابني عنده سوبارو اعلي فئه وهي عربيه تحفه لكن الكادجار اوبشاناتها اكتر وفيها ركن اتوماتيك وكشافات حساسه للضوء ومساحات حساسه للمطر وجنوط 19 والمرايات بتبين المنطقه الميته في الرؤيه ودي مهمه جدا وشنطه اكبروانا راي انها احسن من السوبارو رغم انها ارخص