الفرامل مش شغالة يا جماعة في ميجان 2006

[New Soft]

السلام عليكم ورحمة الله وبركاته

أنا الفرامل مش شغالة يا جماعة في ميجان 2006 أنا كنت راكن العربية سليمة والصبح بشغلها لقيتها كده مش عارف أيه إلي حصل التيل كويس سليم يعني

أرجو سرعة مساعدتي

[Colin Chapman]

محمد زبيده لاصلاح جميع مشاكل الفرامل

السلام عليكم ورحمة الله وبركاته

أنا الفرامل مش شغالة يا جماعة في ميجان 2006 أنا كنت راكن العربية سليمة والصبح بشغلها لقيتها كده مش عارف أيه إلي حصل التيل كويس سليم يعني

أرجو سرعة مساعدتي

القاهرة
محمد حنفى لاصلاح جميع مشاكل الفرامل
شهرته محمد زبيده
23916988
0101503355
امام مدرسة الخديوية الثانوية بنين
اول مدخل شارع مجلس الامة من ناحية الحلمية الجديدة

[New Soft]

أنا كلمته بس هو عايز يشوف العربية وأنا في المنوفية أنا عايز حتي يبقي فيها فرامل تسافر دا أنا لو مشيت علي 20 متفرملش تهدي بس

[ahmed.biso13]

شوف بتاع فرامل قريب منك
اوتجيب ونش ينقلك العربية من المنوفية الى القاهرة وترجع بيها

[New Soft]

أنا كنت عايز أعرف هل لل abs أو ال ebd أي دخل في المشكلة دي؟

أنا أكثر من مرة كنت لما أفصل البطارية كانت بتحصل نفس المشكلة دي كنت فقط بدوس علي الدواسة يعني دقيقة كده أو دقيقة ونصف وكانت بترجع طبيعية لكن المرة دي بدون ما الكمبيوتر يفصل
فأنا لما لقيتها كده فصلت البطارية شوية ووصلتها وحاولت أعمل زي كل مرة لكن فضلت زي ما هيا

أنا كلمت كام واحد كان صاحب العربية أعطاني رقمهم قال لي إنو العيب في الماستر الرئيسي فهل حد عنده فكرة؟

أرجو يا جماعة تساعدوني أنا هنا الصنايعية أول ما بتعرف نوع العربية يقول لك مبنشتغلش فيها وبتوع القاهرة يقول لي هاتها لي والونش طبعا حضراتكم عارفين بيتكلف كام والصنايعي لما أقول له تعالي يطلب رقم مبالغ فيه آخر حاجة أنا عايز بس أشغلها ولو نص شغل بس تمشيني لحد ما أروح عند حد بيفهم فيها

[bluemail]

عندي نفس مشكلتك في عربيه جيلي
اكتر من صنايعي شافها ومافيش فايده
اخر واحد قالي جهاز الabs عاوز يتغير لانه بيخلط الزيت علي بعض علي حسب كلامه
ربنا يسهل والاقي حد بيفهم يظبطها

[New Soft]

هو أيه علاقة ال abs بالزيت

[bluemail]

هو أيه علاقة ال abs بالزيت

ولا اعرف، دي فتوى الدكتور الفرملجي
بص هو اللي عمله فتح خزان زيت الفرامل والصبي فضل يكارك (يدوس علي الفرامل) بصيت علي الخزان لقيت زي فوران ( فقاعات هواء صغيرة بتطلع ) كأن حاجة بتغلي
ثم أفتي الفتوى سابقة الذكر

[New Soft]

ده بالضبط إلي حاصل عندي بس أنا أعتقد إن ده معناه إن في هواء في دايرة الفرامل أنا كلمت صديق ليا قال لي إنه ده ممكن يحصل لو في رواسب في الزيت وده لو حصل ممكن يخلي الدايرة يدخل فيها هواء

أنا لسه هغير تيل الفرامل وأخذ الهواء ونشوف

شوف الفيديو ده بيشرح ال ABS بكده https://www.youtube.com/watch?v=8G4SL-aINDg

[New Soft]

أنا حابب أقول لكم إنو الحوار طلع في الزيت فقط نزلنا الزيت القديم وغسلنا الماستر وجربنها تمام

[Colin Chapman]

أنا حابب أقول لكم إنو الحوار طلع في الزيت فقط نزلنا الزيت القديم وغسلنا الماستر وجربنها تمام