مشكلة في رينو فلوانس 2014

[خالد علي احمد]

انا معايا فلوانس 2014 اشتريتها من شهرين وعاملة 37500 كيلو متر .وفي أول تجربة سفر كانت ليا بيها من يومين روحت بيها الغردقة. حاولت أزود السرعة عشان أتعرف عليها في السرعات العاليه حصل الآتي. ..من سرعة 150 كيلو متر حتي سرعة160 كيلو متر اخدت وقت طويل للوصول للسرعة دي وكمان شميت ريحة شياط أو حاجة بتتحرق اول ماوصلت ال160 وكمان كانت علي 5000 لفة. وكمان كان فيه زنة في ناحية اليمين في الطابلون كأنها زنة مكنة حلاقة كهربا ودي ظهرت بعد سرعة 80 كيلو في الساعة ومش بتختفي إلا لما اقلل السرعة مع العلم اني كنت مشغل التكيف. ارجو الرد سريعا مع حل للمشكلة وشكرا

[scientist9508]

بسم الله الرحمن الرحيم

الزميل خالد علي احمد

أولآ و قبل كل شىء أرحب بحضرتك معنا فى المنتدى.

أما عن مشكلة حضرتك فإليك ما أرى

1 - صدور صوت زنه أو تكتكته أو تزييق فى التابلوه (فى سياره و لا أقصد الرينو بعينها) قد يسببه أى من الإحتمالات الآتيه

أ - مسامير أو كلبسات تثبيت التابلوه تحتاج لربط أو تغيير الكلبس المكسور أو المشروخ

ب - فحص قواعد المحرك لأنها هى المسؤوله عن عزل إهتزازت المحرك عن جسم السياره (إذا كان هناك خلل فى القواعد فإن إهتزازات المحرك تصل لجسم السياره بقوه أكبر مما قد يسبب هذا الصوت)

ج - وجود شىء ما فى التابلوه مخلخل جزئيآ (مثال للتوضيح: أن يكون أى من المكونات المثبته فى التابلوه و غير ظاهره للعين غير مثبته فى مكانها بإحكام)

د - السبب الأبسط على الإطلاق وهو وجود شىء فى درج التابلوه يسبب هذه الضوضاء بزيادة الإهتزاز عند زيادة السرعه

مثل هذه المشاكل الصغيره تجهد الوكيل و عادة لا يتم حلها بسرعه و لا من أول مره . . . و أيضآ هذا النوع من المشاكل أصبح منتشر فى ماركات كثيره . . فلا تحزن من ذلك

2 - أما عن مشكلة رائحة الشياط . . فأيضآ هناك إحتمالات مسببه لهذه المشكله

1 - تأكد يقينآ من أن رائحة الشياط فى سيارتك أنت و ليست فى أى شىء خارج سيارتك و ذلك بتكرار القياده على نفس السرعه و مراقبة الوضع

3 - قبل تكرار التجربه تأكد من أنك تقود السياره بلا أى أخطاء أو عوائق مثل أن تكون فرامل اليد مشدوده جزئيآ ولو بمقدار قليل

2 - إن تأكد لك يقينآ أن رائحة الشياط هذه عندك و فى سيارتك فإليك الإحتمالات

1 - قم بفحص جميع مكابح السياره (المكابح الجديده أو المتحجره تسبب عارض مشابه) . . ربما يكون هناك خلل فى منظومة الفرامل

2 - المحركات الضعيفه تخرج رائحه الشياط عند زيادة السرعه فتأكد من ميكانيكا المحرك بفحص المحرك

سلمك الله من كل أذى و شر

السلام عليكم ورحمة الله و بركاته

[خالد علي احمد]

شكرا الف شكر لزوق حضرتك ولردك الواضح والجميل وانا هتابع المشاكل دي عند صيانة ال40000

[mosaad mohsen]

السلام عليكم
ا/ خالد
بالنسبه لريحة الشياط اتاكد ان مفيش حاجه بلستك علي الجكمان دي بتسبب ريحه الشياط
مع الاسباب الي ذكرها لك ا/scientist
وان شاء الله خير

[خالد علي احمد]

شكرا أستاذ مسعد ها شوف الشكمان وان شاء الله تطلع بسيطة بس هي ليه بتاخد وقت طويل من ال 150 لل160؟

[mosaad mohsen]

ممكن تتاكد من البوجهات انها كلها شغاله ده اولا ولو هي استيب ترونك سقطلها غيار وشوف هتوصل ل160 بعد اد ايه ولو الفتيس اوتماتك بس جرب كده انك تديه كيك داون علشان انا شاكك في الفتيس بس نتاكد من البوجهات الاول
ان كلها شغاله وبعد كده نجرب الفتيس هنحرق علي الغيار شويه بس هنقدر نحدد العيب فين العيب ده كان عندي في التويوتا كرولا 2008 وغيرت tcm واظبطت

[mosaad mohsen]

وان شاء الله خير متقلقيش

[yasser100]

إتأكد من الفرامل تكون قفشه و دى اللى مقلله الوصول للسرعه و عامله ريحة شياط

[خالد علي احمد]

الحمدلله يا جماعة ريحة الشياط راحت جربت العربية مع المهندس بعد صيانة ال40 الف ووصلت لسرعة 175 ماكنش فيه أي ريحة. الغريبة ماعرفناش سبب ظهورها اوسبب اختفاءها وشكرا لكل شخص حاول يساعد