العربية مفيهاش عزم خالص ال rpm بيأخذ وقت علي ما بيرفع

[New Soft]

أنا عندي مشكلة كده يا جماعة غريبة جدا
أنا عربيتي ميجان 2006 زي ما إنتوا عارفين المهم نخش في الموضوع وأنا ماشي بيها اليوم علي الدائري وكان واقف وأنتم عارفين وقفة الدائري العربية بطلت دورتها ومبقاش فيها عزم غير بعد شوية أدوس جامد العربية تتحرك وتبقي زي الفل المهم ركزت شوية لقيت إنوا لما بقف ال rpm بيوصل ل أقل من 500 ممكن ل 200 كمان ولما ده بيحصل العزم بيقل لكن لما بتبقي عادي 900 العربية تمام حد عارف هو ليه ال rpm بينزل كده أنا حصل معايا حوار انعدام العزم ده كذا مره لكن لسه واخد بالي من حوار ال rpm ده إنهارده وتابعته كذا مره لحد ما تأكدت من ده يا تري أيه السبب

[ahmed.biso13]

ممكن تكون طلمبة البنزين ضعفت
او موبينة اللاكترونى

[New Soft]

أعتقد لو كانت طرمبة البنزين كانت هتفضل مخنوقة علي طول

[volociximab]

سيارتى نفس القصة
بعد زحام شديد لما تقوم تحس ان العربية مربوطة فى الارض و فجأة تنطلق بعد الدوس على البنزين فترة
الار بى ام عادى
اعتقد الديسك(بالنسبة لحالتى)

[New Soft]

أنا لاأعتقد إنه الديسك أصلا
لكن ممكن يكون فيحمل علي الموتور مثرممكن يكون في بوجيه فاصل أو الكويل بتاعه

[salam100100]

كان فى عضو عنده مشكله قريبه من دى- هو معاه فورد مونديو- كان العيب عنده حساس الMAP "Manifold air pressure" نظفه والعربيه اتحسنت

http://www.nilemotors.net/Nile/488811-a.html

بنسبه كبيره هو عيب كهرباء وليس ميكانيكا لو لمبه الcheck engine منوره اكشف علطول بدل التخمين والتجارب

ياريت لما تعرف السبب وتتحل المشكله إن شاء الله بلغنا بالجديد

[New Soft]

والله يا ريس أنا لي موفتش المشكلة دي وخصوصا إنها مش بتحصل بشكل مستمر أو بتحصل علي مسافات طويلة

بس أنا دلوقتي عندس مشكلة أكبر بكثير أنا صحيت اليوم لقيت زيت الموتور كله في الأرض والموتور من تحت بينقط الزيت أنا كنت للأسف أكلت بيها مطب جامد المطب مخبطتش العربية من تحت بس تقدر تقول العربية كإنها طارت ونزلت لتحت كده لأنو كنت سريع والمطب كان عالي

[م أحمد]

حساس ال map فيه مشكلة او عندك تشريخ او كسر فى مانفولد دخول الهوا

بالنسبة للمطب كارتيرة الزيت كدا اتشرخت...الحمها لو ينفع ليها لحام و اختبرها ببنزين مش مياه ......او اشترى الاصلى او الاستيراد مع ملاحظة اول زيت تحطه يكون نوعية رخيصة علشان لو فى تسريب جديد ظهر الزيت ما يروحش بلاش

كمان بص على المساعدين لو لقين زيت نازل من عند اكس المساعد يبقى هو كمان ضرب

و كل سنة و انت طيب !!!

[New Soft]

وإنت طيب يا ريس

أنا والله كنت بقول أشتريها لكن الميكانيكي قال لي لا هنلحمها وخلاص وبيني وبينكم أنا مش معايا فلوس الشهر ده وخصوصا إنو سألت عليها قالوا جديدة ب 750 وإستيراد ب 600 ده غير جوان ب 75 كمان

بس أعتقد إن تسريب الزيت من الشرخ فقط علي حسب ما شوفت مفيش زيت غير من بعد الشرخ وربنا يسترها إن شاء الله هنحاول نعملها الجمعة أو السبت

بالنسبة للخفة بتاعة العزم أنا كنت متخيل إنو في بوجيه قاطع لكن تقريبا فلتر الهواء والبوابعه عايزين تنظيف هنظفهم وبالمرة الرشاشات وأكيد البوجيهات كمان هيا كده كده واقفة يبقي صيانة شاملة بالمرة

وإدعولي تبطل تعمل الحركات النص كم دي لأنوا خلاص

[ADM]

مع أحترامى لكل الردود - المشكلة فى رشاش بيقطع - فول الناتك و حط منظف رشاش

[New Soft]

أنظف الرشاشات إذاي