Tweet
تقييم رينو داستر اوتوماتك 2000 سي سي موديل 2015
تقريبا العربية لحد دلوقتي ما نزلتش مصر
المميزات :
عالية عن الارض وبمشي بيها فوق الرصيف وفي الطرق المكسرة والمطبات وبركنها في اي حته عايزها
شنطتها واسعة وبتشيل حاجات كتير اوي
الكرسي بيطلع وينزل
العيوب :
الثبات ضايع بمعني الكلمة فوق سرعة 130 ولو رياح بتوديك وتجيبك
زمارة الانذار بيزمر علي سرعة 130 مش 120 وطبعا ده بيلبسك مخالفات تجاوز سرعة
درج العربية من جوه مافيهوش لمبة
تابلوه العربية بيزيق لوحدة والصوت بيروح لوحده في شوية حاجات بلاستيك
مافيش مسند يد غير في اعلي فئة والمسند عرة ورفيع عامل زي مسند البيجو 301 ويمكن اصغر
مكان وضع الكوبايات عمقة صغير فكل ما حط ازازة ماية ولا بيبسي تقع
لو مش لابس حزام الامان هاتفضل تزمر نص ساعة وبصوت مزعج جدا
الاضائة ضعيفة جوة العربية تنك البنزين صغير
عموما العربية كانت حلوة ولذيذة وراضي عنها وعن اداءها مقابل تمنها
ولو موجودة في مصر كنت هاجبها برده
Comment