Tweet
السلام عليكم
كنت من فترة ليست بالقليلة ( حوالى سنتين ) كانت العربية فى الضمان وحصل معايا مشكلة فى الكويلات....ونظراً لأنى كنت أعرف مدير خدمة ما بعد البيع فى ذلك الوقت ( مستر تونى ) فقد قمت بالأتصال به وأخبرنى أن أذهب تانى يوم الى توكيل المقطم لحل هذه المشكلة.....وقد تم ذلك بعد مقابلة تونى وتسليم السيارة مع العلم أنى أخدت عربية تونى وسيبتلهم عربيتى.....و قابلت تونى نفس اليوم بليل سلمنى العربية وقالى أن كان فيه كويل واحد بايظ وغيرولى الأربعة.
لحد هنا ممكن يكون الكلام مكرر لبعض الناس منكم.....طب أيه الجديد ؟؟؟
من حوالى 3 شهور كنت بعمل صيانة ال 75 ألف فى الميكانيكيون العرب وواقف جنب العربية المهم ببص لقيت الكويلات الوانهم مختلفة ( واحد بنى\أحمر والباقى رمادى ) ومن المعروف أن الرمادى هوه اللى كان بينزل فيها.....يعنى لما غيروا غيروا واحد بس وقالوا أنهم غيروا الأربعة.
مش عارف ليه ساعتها قعدت أكلم نفسى و أقول أشتكى و لا لأ ( مع العلم أن تونى كان أترقى وبقى مدير خدمة ما بعد البيع فى رينو وكيا معاً ) وكان الى حد كبير بقى مشغول ومش فاضيلى.....المهم من هنا لهنا قولت خلاص ما هى ماشية و أن شاء الله مش هحتاجلهم.....ولو حصل يبقى ربنا يسهل.
النهاردة وأنا ماشى من الشغل حوالى الساعة 6 لقيت العربية بترعش جامد وعرفت أنها مشكلة كويل تانى.....المهم كلمت 16202 وقالولى هنبعتلك مهندس وجالى بعدها ب أقل من 30 دقيقة ( بالمناسبة المهندس اللى بيقولو عليه مبيبقاش خريج هندسة يعنى بس بيبقى فاهم قوى فى العربية )
و أنا مستنى المهندس قولت أكلم تونى أحكيله وقد تم......الراجل قالى أصبر لحد لما المهندس يجيلك ويتأكد وبعد كده نشوف........المهم المهندس جه ولقينا كويلين بايظين.....واحد قاطع تماماً والتانى بيطلع شرارة من برة و جوة ( الطبيعى من جوة بس )
طيب يا باشمهندس التكلفة كام قالى 1350 تمن الأتنين + مصاريف الأتنقال + المصنعية والضريبة ( تمن القطعة بس 550 جم )....المهم قلتله طب أستنى....كلمت تونى قولتله.....قالى هو مين اللى معاك قلتله فلان الفلانى قالى أستنى هكلم مديره المباشر أقوله عشان ميضياقش أنى أخدت قرار من غير ما أرجعله عشان دى مبقتش من ضمن مسؤلياتى....قفلنا على كده....كلم المدير.....تليفونه مش بيرد.....طب أيه العمل ؟؟؟؟
قالى أنت ملكش دعوة دى مش مشكلتك.....دى مشكلتنا أحنا و أنا هتصرف مع المدير بكره لو أضايق....أدينى المهندس اللى معاك وأنا هقوله بالاش ( غيرها ببلاش يعنى ) عشان دى الكلمة العربى اللى أعرفها :)
أنا طبعاً خليت المهندس يكلمه والراجل قاله كلمتين كده عربى على أنجليزى بسيط وقاله بالاش فى الأخر
طبعاً نظراً لأن المهندس ده عمره ما كلم تونى قبل كده...فكان مش متأكد وخايف تكون أشتغاله.....المهم كلم واحد تانى من توكيل المقطم وقاله حصل كذا كذا فقاله مش العميل كلمه قدامك...قاله أه.....قاله خلاص غير ببلاش.....وقد كان.
جيت أدى المهندس أكرامية رفض تماماً وقالى ده شغلى أنا معملتش حاجة.
بعد الموضوع ما خلص بربع ساعة لقيت خدمة العملاء بيكلمونى يتأكدوا أن المهندس وصل وحل المشكلة وأنى معنديش مشاكل تانى مع العلم أنهم ميعرفوش أن الكويلين أتغيروا ببلاش ولا أنى كلمت تونى.
شكراً رينو مصر والشركة العالمية للسيارات على معاملتكم الرائعة مع العملاء حتى بعد خروجهم من الضمان.
كنت من فترة ليست بالقليلة ( حوالى سنتين ) كانت العربية فى الضمان وحصل معايا مشكلة فى الكويلات....ونظراً لأنى كنت أعرف مدير خدمة ما بعد البيع فى ذلك الوقت ( مستر تونى ) فقد قمت بالأتصال به وأخبرنى أن أذهب تانى يوم الى توكيل المقطم لحل هذه المشكلة.....وقد تم ذلك بعد مقابلة تونى وتسليم السيارة مع العلم أنى أخدت عربية تونى وسيبتلهم عربيتى.....و قابلت تونى نفس اليوم بليل سلمنى العربية وقالى أن كان فيه كويل واحد بايظ وغيرولى الأربعة.
لحد هنا ممكن يكون الكلام مكرر لبعض الناس منكم.....طب أيه الجديد ؟؟؟
من حوالى 3 شهور كنت بعمل صيانة ال 75 ألف فى الميكانيكيون العرب وواقف جنب العربية المهم ببص لقيت الكويلات الوانهم مختلفة ( واحد بنى\أحمر والباقى رمادى ) ومن المعروف أن الرمادى هوه اللى كان بينزل فيها.....يعنى لما غيروا غيروا واحد بس وقالوا أنهم غيروا الأربعة.
مش عارف ليه ساعتها قعدت أكلم نفسى و أقول أشتكى و لا لأ ( مع العلم أن تونى كان أترقى وبقى مدير خدمة ما بعد البيع فى رينو وكيا معاً ) وكان الى حد كبير بقى مشغول ومش فاضيلى.....المهم من هنا لهنا قولت خلاص ما هى ماشية و أن شاء الله مش هحتاجلهم.....ولو حصل يبقى ربنا يسهل.
النهاردة وأنا ماشى من الشغل حوالى الساعة 6 لقيت العربية بترعش جامد وعرفت أنها مشكلة كويل تانى.....المهم كلمت 16202 وقالولى هنبعتلك مهندس وجالى بعدها ب أقل من 30 دقيقة ( بالمناسبة المهندس اللى بيقولو عليه مبيبقاش خريج هندسة يعنى بس بيبقى فاهم قوى فى العربية )
و أنا مستنى المهندس قولت أكلم تونى أحكيله وقد تم......الراجل قالى أصبر لحد لما المهندس يجيلك ويتأكد وبعد كده نشوف........المهم المهندس جه ولقينا كويلين بايظين.....واحد قاطع تماماً والتانى بيطلع شرارة من برة و جوة ( الطبيعى من جوة بس )
طيب يا باشمهندس التكلفة كام قالى 1350 تمن الأتنين + مصاريف الأتنقال + المصنعية والضريبة ( تمن القطعة بس 550 جم )....المهم قلتله طب أستنى....كلمت تونى قولتله.....قالى هو مين اللى معاك قلتله فلان الفلانى قالى أستنى هكلم مديره المباشر أقوله عشان ميضياقش أنى أخدت قرار من غير ما أرجعله عشان دى مبقتش من ضمن مسؤلياتى....قفلنا على كده....كلم المدير.....تليفونه مش بيرد.....طب أيه العمل ؟؟؟؟
قالى أنت ملكش دعوة دى مش مشكلتك.....دى مشكلتنا أحنا و أنا هتصرف مع المدير بكره لو أضايق....أدينى المهندس اللى معاك وأنا هقوله بالاش ( غيرها ببلاش يعنى ) عشان دى الكلمة العربى اللى أعرفها :)
أنا طبعاً خليت المهندس يكلمه والراجل قاله كلمتين كده عربى على أنجليزى بسيط وقاله بالاش فى الأخر
طبعاً نظراً لأن المهندس ده عمره ما كلم تونى قبل كده...فكان مش متأكد وخايف تكون أشتغاله.....المهم كلم واحد تانى من توكيل المقطم وقاله حصل كذا كذا فقاله مش العميل كلمه قدامك...قاله أه.....قاله خلاص غير ببلاش.....وقد كان.
جيت أدى المهندس أكرامية رفض تماماً وقالى ده شغلى أنا معملتش حاجة.
بعد الموضوع ما خلص بربع ساعة لقيت خدمة العملاء بيكلمونى يتأكدوا أن المهندس وصل وحل المشكلة وأنى معنديش مشاكل تانى مع العلم أنهم ميعرفوش أن الكويلين أتغيروا ببلاش ولا أنى كلمت تونى.
شكراً رينو مصر والشركة العالمية للسيارات على معاملتكم الرائعة مع العملاء حتى بعد خروجهم من الضمان.
Comment