رينو لوجان عامله كام النهارده ؟

[gemy1990]

يارب تكونوا بخير جميعا ...
نويت ان شاء الله اجيب رينو لوجان لسه مكلم الليثي قالي عامله 136 مانيوال كل حاجه بس طاسات ومن غير شاشه كنت عايز اعرف احسن مكان اجيب منه و لو عايزها كامله جنوط و شاشه بكام و لو كل حاجه ما عدا الشاشه بكام و هل الشاشه دي بتتباع في التوكيل لو حبيت اركبها قدام و بكام و معلش اخر حاجه لو حبيت انا اركب حاجه على مزاجي هتزبط مع التاره المالتي ولا لا

[gemy1990]

بعدين معارض تقولي الفئه دي فيها abs ومعارض تقولي لا مفيهاش هي الفئه دي فيها ولا مفيهاش اصل لو مفيهاش كدا الواحد يفكر في حاجه تانيه !!

[Silent Storm]

تقريبا أعلى فئه داخله على 140 ألف الاوتوماتك
ونصيحه هات أعلي فئه بكل الكماليات علشان مش تندم بعدين, وقصدي هنا النافيجيشن
+
الabs ضروري جدا في أي اختيار ,
انا معرفش الفئة اللي حضرتك بتتكلم عليها

,
اجابة على سؤال المالتي , لا للاسف يكاد يكون مستحيل تركب سي دي من بره وتشتغل على طاره العربية

[gemy1990]

اعلى فئه اوتو حضرتك وصلت ١٦١ :d
واعلى فئه مانيوال مفيهاش abs و ب ١٣٥ :)
مستعمل وخلاص حرام المبلغ دا بالمواصفات دي :(

[gemy1990]

الي بتكلم عليها بيسموها e2

[Mohamed Desoky]

اللوجان وصلت 140 الف ج معقول انا فاكر اول مانزلت مصر كانت 55 الف معقوله تنط كل ده ؟؟؟؟؟؟ هيا حلوه زى البيجو والسيتروين واللى سعرهم اغلى من الرينو بمراحل مش فاهم مع ان كلهم صناعه فرنسى ايش معنى الرينو ارخص من البيجو والسيتروين مش كلهم فرنساوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[keep smile]

هات اللوجان اوتوماتك الفئة الثانية ( e2 ) كانت عاملة من اسبوعين 143 الف ممكن يكون سعرها زاد مش عارف
المهم التارة المالتي في الفئة التالتة
ووجهه نظري انها مالهاش لازمة لان مافيهاش غير محدد سرعة ومثبت سرعة بس ودول عمرنا ما هنستخدمهم في مصر
عموما كل اللوجان فيها دراع ورا الدركسيون للتحكم في الكاسيت

[Markmek]

المانيوال حاليا مفيهوش abs.الاوتو فقط فيه .لكن للعلم فيها مكان مجهز فاضى فى حوض الموتور غالبا ممكن يتركب لو عاوز

[gemy1990]

المشكله كمان ان معامله اغلب الموزعين مش حلوه بيتكلموا دا اذا ردوا من مناخرهم دا انا بسأل على عربيه ممكن اشتريها زبون يعني مش كدا يعني بيخزنوا العربيات علشان بتغلى وكمان معامله وحشه :d
المعامله تخليك تقفل من الجديد اصلا

[keep smile]

المشكله كمان ان معامله اغلب الموزعين مش حلوه بيتكلموا دا اذا ردوا من مناخرهم دا انا بسأل على عربيه ممكن اشتريها زبون يعني مش كدا يعني بيخزنوا العربيات علشان بتغلى وكمان معامله وحشه :d
المعامله تخليك تقفل من الجديد اصلا

الصراحة ماقابلتش حد اتكلم من مناخيره او حاول يخزن او ياجل بيع العربيات عشان تغلا غير معرض واحد
الباقي كانوا كويسين
اساسا السيلز بيبوسوا ايدك لو لاقوك جد في شراء العربية عشان ياخد العمولة والتارجت من بيع العربية وهتلاقيه بيتصل بيك يصبح ويمسي عليك عشان تروح تشتري منه

[gemy1990]

بص انا اغلبهم كانت الموبايلات مقفوله والي رد عليا بتاع ٥ فيه منهم ٢ قالوا هنبقى نكلمك ومن الاتنين واحد قالي فيه واحده سوده هشوفهالك لسه موجوده ولا لا واختفى عايز اتصل اطمن عليه احسن يكون جراله حاجه :d و اتنين كان الكلام مش ظريف تحس انه عايز يقفل معاك و الاخير هما الي كانوا محترمين الصراحه بس المشكله اني اتصلت بكتير ف مش فاكر علشان اقلك دا مين ولا دا مين المهم جبت كيا ريو هاتش باك الحمد لله ربنا يسترها علينا جميعا وشكرا على الردود انا لو اعرف ان الناس بتساعد بعض هنا بالشكل دا كنت تمسكت ب الرينو عن كدا :)

[peranha]

المعارض دائما بتبيع اغلي من التوكيل ب 10000 الي 15000 جنيه نظير تسليمك في الحال لكن توكيل رينو انا شفت انهارده لوجان واقفه في المعرض ..روح اي توكيل رينو واسأل هيدلوك