لوجان 2013 الشكل القديم

[ahmedalramy]

انا الحمد لله اشتريت لوجان 2013 الشكل القديم
عامله 106 الف
ممكن يا جماعه حد يقولى ايه اهم الحاجات اللى لازم اغيرها اول ما اركب العربيه و ايه اهم حاجه اخلى بالى منها
يا ريت سرعة الرد يا شباب لأن دى اول عربيه موديل حديث اركبها ولسه ما اعرفش فيها حاجه

[ramy_gamal]

الف مبروك
الاول تغير طقم سيور ...ولو كان صاحبها منتظم فى الصيانه الدوريه يبقى بعد كدا تعمل صيانه ال 110 وهكذا
لو مش منتظم يبقى تغير مع السيور الفلاتر والزيت والبوجيهات
اهم حاجه تخلى بالك ان تانك البنزين ميقلش عن الربع دة بيحافظ على طلمبه البنزين
لما تيجى تدور العربيه افتح الكنتاكت واستنى اللمض تتطفى وبعدين دور
اى استفسار تحت امرك والف مبروك مرة تانيه وربنا يديك خيرها ويكفيك شرها

[bluemail]

اولا الف مبروك العربيه
ثانيا لو اللي انت جايب منه العربيه ثقه اسئله علي اخر صيانه عملها ايه
لو جايب العربيه من السوق يبقي لازم تعمل لها صيانه كامله
سير وبلية الكاتينه ، سير الدينامو ، فلتر هواء، فلتر بنزين، بوجيهات
زيت وفلتر الزيت "شوف اللزوجة المطلوبه في الكتالوج"
تيل فرامل وتبص علي الطنابير
لو الفتيس اوتوماتيك، تغير زيت وفلتر الفتيس
تربط عفشه وتراجع علي اليايات والمساعدين
بالتوفيق

[ahmedalramy]

الف مبروك
الاول تغير طقم سيور ...ولو كان صاحبها منتظم فى الصيانه الدوريه يبقى بعد كدا تعمل صيانه ال 110 وهكذا
لو مش منتظم يبقى تغير مع السيور الفلاتر والزيت والبوجيهات
اهم حاجه تخلى بالك ان تانك البنزين ميقلش عن الربع دة بيحافظ على طلمبه البنزين
لما تيجى تدور العربيه افتح الكنتاكت واستنى اللمض تتطفى وبعدين دور
اى استفسار تحت امرك والف مبروك مرة تانيه وربنا يديك خيرها ويكفيك شرها

الله يبارك فيك و متشكر على الرد :-)

[ahmedalramy]

اولا الف مبروك العربيه
ثانيا لو اللي انت جايب منه العربيه ثقه اسئله علي اخر صيانه عملها ايه
لو جايب العربيه من السوق يبقي لازم تعمل لها صيانه كامله
سير وبلية الكاتينه ، سير الدينامو ، فلتر هواء، فلتر بنزين، بوجيهات
زيت وفلتر الزيت "شوف اللزوجة المطلوبه في الكتالوج"
تيل فرامل وتبص علي الطنابير
لو الفتيس اوتوماتيك، تغير زيت وفلتر الفتيس
تربط عفشه وتراجع علي اليايات والمساعدين
بالتوفيق

ربنا يخليك و متشكر جدا على الرد
انا بصراحه ما اعرفش اللى اشترتها منه
ان شاء الله هخلينى فى المضمون و اغير
بس حضرتك ما تعرفش الحاجات دى ممكن تكون تكلفتها كام

[ahmedalramy]

يا جماعه انا كنت عند اتوفرانس النهارده بسأل على الحاجات اللى هتتغير
قابلت واحد محترم جدا هناك قالى روح الاول لميكانيكى لان ممكن مش كل الحاجات محتاجه تتغير
فإيه رايكم