سؤال لاصحاب الميجان

[topgear]

اولا : كل سنه وانتم طيبين بمناسبة عيد الاضحى المبارك
ثانيا : انا كان عندى سؤالين
1- الشاشه عندى بتقولى change oil soon والعربيه لسه ماشيه 47 الف فانا مش عارف اغير الزيت دلوقتى ولا فى صيانة ال 50 والمشكله انوا انا العربيه هتسافر علشان العيد فانا خايف وانا فى البلد تروح قايللى حاجه تانيه وانا برضه عايز اغيروا فى ميعادوا
فارجو افدتى
2- انا كنت عايز اشترى جوز مساعدين امامى وبعد كده سمعت انوا الاسعار هترخص بسبب الازمه العالميه فقلت اسال اهل الخبره هل الكلام ده صحيح ولا اى حاجه

[Ahmed Selim]

كل سنة وأنت طيب يا باشا

بص يا باشا.... أنت ممكن يكون صاحب العربية القديم كان بيغير الزيت على فترات غير معتادة شوية.......يعنى مثلاً يروح يعمل صيانة ال 20 والعربية عاملة 21500 ....وبعد كده فى صيانة ال 30 يروح على 32.....كده يعنى.
أسلم حل أنك تشوف مقياس الزيت و تطلعه وتشوف الزيت لونه كويس ولا لونه محروق ( مدى على بنى كده )....لو محروق غيره و حاول بعد كده تظبط مواعيد الصيانات لو مش محروق يبقى أصبر لحد صيانة ال 50 ألف و أفتكر أنك تخليهم يصفرولك عداد الصيانة.

بالنسبة للأسعار للأسف مش هقدر أفيدك فيها بس قولى هو حضرتك أتأكدت أن المساعدين بايظين من مين؟؟

أنا عندى طقم ماشى 8 ألاف كم ( كان بتاع عربيتى ) بس شيلته عشان جيبت مساعدين رياضية.

[topgear]

شكرا يا احمد باشا
وفعلا انا فضلت ادور فى الورق بتاع الصيانه اللى ادهولى الراجل ولقيتوا عامل صيانة ال 40 فى 38660 بس كشفت على الزيت لقيتوا لسه مفحمش انا هفضل لحد ال 50 علشان ابقى منتظم احسن
وبالنسبه للمساعدين توكيل العبور هوا اللى قالى فى صيانة ال 45 وصحيح هوا المساعدين الرياضيه عامله كام واللى الطقم اللى عندك ناوى تبيعهم ولا ايه يا باشا

[Ahmed Selim]

العفو يا باشا.....وفعلاً أفضل أنك تستنى لحد ال 50

المساعدين الرياضية كانو عاملين 3200 جم من 3 سنيين للطقم كامل بس هما ناشفين عن العادى قوى بس فى الثبات ممتازين.

الطقم اللى عندى هشوفه الأول عشان هو مركون فى المخزن من ساعتها بدل ما يكون حد رماه ولا حاجة......أصلهم ساعات بيشوفوا أن الحاجات دى كراكيب ملهاش لازمة ويروحو رامينها :)

هارد عليك بكرة أن شاء الله

[ecybrarian]

عايز فيهم كام (بس من الآخر يا أبو حميد..)

[Ahmed Selim]

بص يا باشا
أنا لسه كنت بقول أنا هشوف هما لسه فى المخزن ولا حد نقلهم حتة تانية أو يمكن رموهم على أعتبار أنهم بايظين ولا حاجة :)

أتأكد الأول و هقولكم أن شاء الله

[momo10000]

انا شاري ب 550 جنية يا معلم ... الجوز ...

[Ahmed Selim]

انا شاري ب 550 جنية يا معلم ... الجوز ...

يا كبير يوصلو لحد عندك ببلاش..........بس تبقى تشربنى كانز من الكشك اللى على أول الشارع :)

[momo10000]

الله يباركلك يا باشا ...... دا انا افتحلك فرع لبيبسي جوا بيبتي يا باشا بس انت تنورني...