مشكلة في ثبتت سير باور Renault Clio

[Sameh00]

كان عندي مشكلة في طرمبة الباور ورحت لحد طلع عيني و رجعتله آكتر من ١٦ مرة علي عيوب مختلفة

المهم في الاخر وصل الحال انها بقت شغالة بس السير مرحل عن مكانه شمال كدا لان الطرمبة مش مظبوطة
موضح في الصورة

ياتري أيه المشاكل إليّ ممكن تنتج عن الموضوع دة غير تقليل عمر السير
يعني انا قيل لي ان السير دة بيقعد ٢-٣ سنين بالطريقة دي هيقعد سنة بالعافية هل في مشاكل تانية ؟؟
أنا ممكن اروح اخليه يعدل المكنة بس تكلفة المشوار رايح جي حوالي ٥٠ ج و غير تكلفة الزيت إللي هينزل للمرة ال ١٠ ( اشتريت بحوالي ٣٠٠ ج زيت باور الفترة اللي فاتت )و الكلام دة لو عمله من اول مرة و دة أشك فيه طبعا يعني هتدخلها ف ١٥٠ ع الاقل ف لو السير مش هيأثر في حاجة و هتبقي كل المشكلة في قلة عمره و بس خلاص ساعتها نمشي علي كدا لحين ما اغير الطرمبة دي كلها .. ارجوا الإفادة .

[ahmed.zahra]

كان عندي عيب شبه ده قبل كدة بس كان مع سير الدينامو و عربية مش رينو و كانت الننتيجة ان السير بتقطع كل شهر تقريبا لغاية ما وصلت لكهربائي و غبر بلية الشداد بتاع الدينامو و الدنيا اتظبطت

[Sameh00]

تم حل المشكلة بضبط الطرمبة لان فعلا السير ماكنش هيتحمل اكتر من شهر شكرًا أستاذ احمد علي ردك