ظهور لمبه check gear box فى تابلوه رينو سمبول

[Eng. Raafat]

السلام عليكم ورحمه الله وبركاته
لو سمختم ياجماعه انا معايا رينو سمبول 2010ز مشكلتى انى الصبح لما بدور ويكون اليوم برد . اول لما اتحرك وازود السرعه فوق 50 كم/ساعه تظهر لمبه check gear box ولما اطفى العربيه واشغلها وامشى بسرعه اقل من 50 كم/ساعه لمده من 5-10 دقايق لا تظهر اللمبه. وذهبت وكشفت على العربيه بجهاز الاعطال قالى ان مافيش حاجه بس سخن الصبح كويس وامشى 5 دقابق تحت 50 كم/ساعه. سوالى هل حد يعرف ايه المشكله وازى اعالجها اسف على الاطاله ولكم جزيل الشكر.

[م/أحمد عبد الفتاح]

لو مكنتش غيرت زيت الفتيس يبقى تغيره بالنوع اللى مكتوب فى الكتالوج بالظبط - ولو كنت غيرته قريب اتأكد انك غيرت بنفس النوع المكتوب فى الكتالوج - ولو كنت شاريها قريب ومش عارف المالك السابق غيره امتى وايه النوع يبقى برضه تغيره بالنوع المكتوب فى الكتالوج .

[Eng. Raafat]

شكرا باشمهندس احمد على الرد
انا لسه شارى العربيه من سنه وهى فتيس اوتوماتيك وعامله 92000كم حتى الان وانا شاريها من صاحبى وقالوله فى التوكيل ان زيت الفتيس الاوتوماتيك بيتغير على ال120 الف كيلو. فهل اغيره دلوقتى ولا اكشف على الحساسات
وشكرا

[م/أحمد عبد الفتاح]

شكرا باشمهندس احمد على الرد
انا لسه شارى العربيه من سنه وهى فتيس اوتوماتيك وعامله 92000كم حتى الان وانا شاريها من صاحبى وقالوله فى التوكيل ان زيت الفتيس الاوتوماتيك بيتغير على ال120 الف كيلو. فهل اغيره دلوقتى ولا اكشف على الحساسات
وشكرا

هو يستحسن تبدأ بالحاجات السهلة يعنى تغيير الزيت على ٩٢ الف بدل ١٢٠ الف مش مشكلة - كمان محدش عارف اللى راكب العربية قبلك عمل ايه هل غير الزيت ولا زوده بزيت تانى غير المكتوب فى الكتالوج - الله أعلم .
وبعدين فيه حاجه مهمة فى أى زيت إنه يحتفظ بخواصة كلها فى مختلف ظروف التشغيل سواء بارد أو ساخن واللى بيحصل معاك إنه بيفقد خواصه فى احد ظروف التشغيل وهى التشغيل البارد فده إن شاء الله إحتمال كبير يروح بتغيير الزيت - بس أهم حاجه لاتتنازل عن النوع المكتوب فى الكتالوج

[Eng. Raafat]

هو يستحسن تبدأ بالحاجات السهلة يعنى تغيير الزيت على ٩٢ الف بدل ١٢٠ الف مش مشكلة - كمان محدش عارف اللى راكب العربية قبلك عمل ايه هل غير الزيت ولا زوده بزيت تانى غير المكتوب فى الكتالوج - الله أعلم .
وبعدين فيه حاجه مهمة فى أى زيت إنه يحتفظ بخواصة كلها فى مختلف ظروف التشغيل سواء بارد أو ساخن واللى بيحصل معاك إنه بيفقد خواصه فى احد ظروف التشغيل وهى التشغيل البارد فده إن شاء الله إحتمال كبير يروح بتغيير الزيت - بس أهم حاجه لاتتنازل عن النوع المكتوب فى الكتالوج

شكرا لاهتمام حضرتك ياباشمهندس أحمد