رينو كادجار الجديدة

[ALshahba]

لا تقلق من نوع الفتيس ده ..... يعتبر الافضل في فئته , ويعي اداء رياضي مرضي

[ALshahba]

الرينوهات الوحيده اللى سعرها مازال ثابت لم يتغير من فتره طويله

[ALshahba]

يا جماعه سمعنا ان الرينوهات كلها نزلت حوالى 30 الف ج ...... الكلام ده صحيح ولا اشاعات !!!!

[ds55]

اكتر من الفين مشاهدة ومفيش حد يرفع تقرير يجماعة

[SCSA]

اكتر من الفين مشاهدة ومفيش حد يرفع تقرير يجماعة

السلام عليكم.
أنا لسه مستلم الكدجار الفئه الرابعه ومشاء الله العربيه محترمه وشكلها جميل. رأي عن العربيه كالتالي:

مميزات العربيه:
- العفشه ناعمه بجد في المطبات بالجنط ال 19. ماتحسش بأي خبطه تسّمع في التابلو مثلا، كإنك ماشي على جنط 16 او 17.
- الماتور مالوش صوت خالص بالبنزين 92 زي ما بسمع مع القشقاي. مدير خدمة العملاء فرع الشروق اللي استلمت منه العربيه اكد لي انها متضبطه على بنزين 92 عكس ال قشقاي مع العلم ان رينو شاريه اسهم في شركة نيسان ونفس الشركه هي ال مصمماهم. سحبها حلو بالماتور 1.2 وخاصتا لما تمشي فوق سرعة ال 40. بتشد معاك.
- اضاءة الانوار الرئيسيه الاماميه ال LED بتفرش معاك على الطريق باليل افضل من الزينون ومافيش فانوس اضاءته اعلى من التانيه في المستوى على الارض.
- حساسات حوالين العربيه في كل مكان و بتنبهك وانت ماشي على الطريق مش بس لما تركن.
- الشاشه بتاعت العداد ديجيتال وفي امكانية تغير الوان الخلفيه وشكل العداد واظهار ضغط الهواء لكل فردة كاوتش على حده و استهلاكك لل hp وال torque وحاجات تانيه مش فاكرها.
- طبعن الاوتو بارك جميل بس مش بعتمد عليه عشان انجز في الركنه في ظل الزحمه وال blind spot ميزه حلوه للكشف عن السيارات ال جايا منوراك على الجانبين ومش شايفها.
- في زرار eco لإلزام العربيه لتقليل استهلاك البنزين بس مدير خدمة العملاء حذرني من استخدامه على طول لانه بيخنق العربيه وبيأثرعليها على المدى البعيد ونصحني باستخدامه في الزحمه لما يكون البنزين في التانك قليل.

تعقيبي على العربيه:
- العربيه مش حساسه لدواسة البنزين في الطالعه سواء لما تجيب الفتيس على ال D او R. يعني مثلا لو راكن في مطلع وعايز تجيب ال D وتطلع، لازم تدوس جامد عشان تلحق العربيه قبل ما تنزل منك لورا وللأسف هاتلاقي العربيه بتنطت منك قدام فلازم مايكنش حد قدامك عشان ماتخبطوش.
- هي حاجه بسيطه بس كان نفسي تكون موجوده، زراير الشبابيك مابتنورش مع نور التابلو.

[hgaber]

محتاجين تفاصيل اكتر و صور لو امكن

[ياسر شقو]

انا معايا كيا كارينز 2015 فيتس cvt
بسم الله ما شاء الله اكثر من رائع

[mohsensaad]

عن تجربه يا جماعه الكادجار ممتازة ما شاء الله وبجد الماتور التربو مع فتيس الدولكلتش 7 سرعات حاجه من الأخر بأداء رياضى مذهل

[ALshahba]

الحمد لله التقرير الاول بدأ ينزل