المساحات توقفت عن العمل

[ecybrarian]

موقف سخيف حصل قبل الشتا. المسحات توقفت عن العمل وفي رسالة بتقول Auto wipers fault. أنا مش مهتم بحساس المطر دلوقت لكن المفروض إن المساحات تشتغل يدوي برضه. الغريب إن حتى رشاش المياه Wash من شغال. الموضوع محتاج الميكانيكون العرب ولا أروح يقولوا لي حضرتك مش عارف تشغل المساحات صح

[momo10000]

ممكن يكون فيوز في وحدة اليو بي اس.

دي حاجة سهلة ... والتوكيل احسن حاجة ليك.

والحمد لله سهلة يا باشا.

[akmal_hamdi]

سهله لا تقلق

[ecybrarian]

المساحات اتصلحت

الحمد لله المساحات اتصلحت امس. اليكم التفاصيل:

رحت لفرنش موتوز الرحاب (م. خالد الزيني) قاموا فكوا موتور المساحات وكشفوا عليه لقوا انه متوقف عن الحركة.
لما سألت الموتور بكام قالي 1600 جنيه

المهم دفعت 400 جنيه تحت الحساب على اساس ادفع الباقي لما اركبه. وروحت البيت. وبعد شوية كلمني م. خالد وقالي انهم قدروا يصلحوا الموتور البايظ وقالي تعالى نركبه، قمت رايح لهم على طول ودفعت 240 جنيه بس. وكله تمام والحمد لله

انا ماعرفش هما عملوا ايه بالظبط في الموتور. بس على قد علمي ان مواتير الكهربا مادة اساسية في المدارس الصناعية في مصر (ناهيك عن كليات الهندسة) وإن اي صنايعي مؤهل ممكن يفك موتور ويلفه ويصلحه. إلا بقى لو ماتور المساحات في الميجان اختراع

صحيح نسيت اقول إن الرشاشات مش هاتشتغل لو الموتور متوقف علشان الديرة ما كملتش

[Ahmed Selim]

رحت لفرنش موتوز الرحاب (م. خالد الزيني) قاموا فكوا موتور المساحات وكشفوا عليه لقوا انه متوقف عن الحركة.
لما سألت الموتور بكام قالي 1600 جنيه

فى المقطم موتور قربة المياه ( المساحات ) ب 330 جم بدون ضرائب

[ecybrarian]

انا قصدي موتور المساحات نفسه إللي بيحرك دراعات المساحات على الزجاج الأمامي. لكن موتور قربة المياه ده بيشتغل الرشاشات بنفس فكرة الطلمبة. ولو حضرتك تقصد إللي انا اقصده يبقى في مشكلة وبكده هاتخليني أكلمهم في فرنش موتورز واسألهم ازاي يدوني فرق السعر الرهيب ده.

[Ahmed Selim]

لأ....يبقى أنا كده اللى فهمت غلط

ده ب 1500 جم فى المقطم

عليك وعلى الحرفيين يا باشا

[tamer_samy]

حمد لله علي سلامه المساحات