صيانة سانديرو 2014

[DarkKing]

السلام عليكم
معايا سانديرو 2014. مش بتتحرك كتير
اخر صيانه اتعملت من سنه كان فيها تغيير زيت و فلتر بس وكانت عامله 8000 كم
دلوقتي عامله 12000كم , ايه الصيانه المطلوبه دلوقتي غير تغيير الزيت و الفلتر؟
بالاضافه ان في صوت صفاره اماميه مع الفرمله, هل ده معناه ان تيل الفرامل الامامي محتاج يتغير؟
شكرا

[DarkKing]

في اي مساعده من فضلكم؟

[eye]

انا برضه معايا نفس العربية و عامله 10000 كيلو و في نفس الصفارة .... و لما كلمت التوكيل علشان صيانة العشرة قالولي لازم تعمل صيانة ال 3 سنوات و دي هيتغير فيها مجموعة السيور و الزيوت و البوجيهات و تربيطة العفشة و هتتكلف حوالي 8الاف و نص.

الصراحة المبلغ غالي اوي و خايف يكونوا بيضحكوا عليا وخلاص

[salam100100]

انا برضه معايا نفس العربية و عامله 10000 كيلو و في نفس الصفارة .... و لما كلمت التوكيل علشان صيانة العشرة قالولي لازم تعمل صيانة ال 3 سنوات و دي هيتغير فيها مجموعة السيور و الزيوت و البوجيهات و تربيطة العفشة و هتتكلف حوالي 8الاف و نص.

الصراحة المبلغ غالي اوي و خايف يكونوا بيضحكوا عليا وخلاص

10000 كم فى 3 سنوات - اعتقد تغيير الزيت والفيلتر يكفى
ملهاش لازمه تغيير البوجيهات
اما السيور اعتقد هو سير واحد اللى المفروض يتغير وهو سير المجموعه
انا لو مكانك هغير زيت وفيلتر فقط
8000 جم كتير على صيانه ال10000 كم
طبعا المركز بيحط نفسه فالامان وبيغير حسب الجدول الزمنى وليس الكم فى حالتك

بالنسبه للصفاره اللى فالفرامل- دى غالبا نوعيه خامه التيل ومفيش ضرر منها (انا بتكلم عن الصفاره الخفيفهغير مزعجه)
الضرر الوحيد هو ان الصفاره تكون بسبب تاكل التيل لدرجه انه بيحك فالطمبوره (صفاره مزعجه كانها حديد على حديد)

بالكشف على تخانه التيل الواحد يقدر يقرر محتاج يتغير او لا