احترس ... بيبيعوا داستر 2017 على انها 2018

[samysharaf]

احترس ... بيبيعوا داستر 2017 على انها 2018

احب اوضح ان الداستر الحالية اللي بتتباع في مصر دي
اتوقفت بره ونزل منها موديل 2018 غير الحالي خالص
وفيها تغييرات جذرية داخل وخارج العربية

((ملحوظة العربية ظاهرة في الفيديو بالعلامة الاصلية للشركة المنتجة
وهى شركة داتشيا واللي اشترتها رينو بس رينو بتنزلها برة بنفس العلامة
الاصلية وبتنزلها هنا بعلامة رينو على اساس ان داتشيا المستهلك المصري
مكنش هيثق في شرا العربية لو العربية نزلت بعلامتها))

حاول تعرف اكبر عدد من معارفك
الدال على الخير كفاعله
حرام حد يتدبس في عربية موديل قديم اتوقف
وهو فاكر انها موديل السنة
شير لينك الموضوع على الفيسبوك والواتس ... الخ

ودا فيديو ليها

https://www.youtube.com/watch?v=JtqxN2gLYg8

[samysharaf]

شير يا جماعة ...
حرام نسيب الناس
تدبس في موديل قديم
صراحة الموديل الجديد طلقة
شكلا وموضوعا والتابلوه تحفة ...
وكمان اعتقد الصالون أوسع

[ali ashraf]

السلام عليكم انا بحاول اجمع تفاصيل عن موديل 2018 و المعلومات شحيحة على النت و المتاح خليجى بحجم محرك و مواصفات غير السوق المصرية يا ريت حضرتك توضح المزيد و شكرا

[samysharaf]

المعلومات متوافرة

حضرتك المعلومات مش شحيحة ولا حاجة
لو ركزت في أول الفيديو هتلاقي اللينك بتاع الموقع الرسمي للشركة
Dacia-cz.cz
وعلى فكرة ده الفيديو الرسمي اللي الشركة رفعته لو شفته على اليوتيوب
هتقدر اشوف باقي الفيديوهات اللي الشركة رفعاها على اليوتيوب
بالنسبة لاختلاف المواصفات في أوروبا والدول الخليجية عن اللي بينزل مصر
دا شئ طبيعي
لان الوكيل بيطلب من الشركة أنها تنزل بموتور ميتجمركش كتييبر علشان
كده ممكن تلاقي العربية بره الأساسي فيها ٢٠٠٠ سي سي او اكتر وممكن متلاقيش
اي ذكر للموتور ال ١٦٠٠ سي سي اصلا وبينزل حسب رغبة الوكيل ودا شئ بيتم بالاتفاق بين الوكيل والشركة
ومش مع الداستر بس دا بيحصل في كل التوكيلات

[Silent Storm]

بلد وسخه حاجه تقرف

[samysharaf]

فعلا حاجة تقرف

فعلا حاجة تقرف

واحب أوضح كمان أن الحركة القذرة دي مش بتتعمل في الداستر فقط
دي معمولة في اكتر من ماركة

ومن ضمنها شيري تيجو العربية نازلة فيس ليفت جديد خالص
ونازلة في السعودية والإمارات من ٢٠١٧
وبها تغييرات جذرية ايضا في الشكل الخارجي والداخلي
ولأن الوكيل عنده راكد مركون بسبب الظروف الاقتصادية
وعدم الإقبال على شراء السيارات كما كان قبل تعويم الجنيه
فلم ينزل الشكل الجديد حتى الآن حتى يصرف الموديل القديم
لو عاوز تشوف شكلها انا عامل موضوع في منتدى شيري
ليه غبور بيبيع شيري تيجو الشكل القديم

[samysharaf]

الدال على الخير كفاعله

يا ريت يا جماعة متحسيسونيش اني باحرت في البحر
يا ريت نشير الموضوع مع أكبر عدد من الناس
اعمل نسخ لرابط الموضوع من فوق وسيره مع اصحابك ومعارفك على الفيس
الواتس الانستجرام. الخ
انا مش هاكسب فلوس من ورا دا ولا انت
فقط الثواب من عند ربنا أن احنا ممكن حد يستفيد من كلامنا وميروحش يبيعوله موديل قديم
على أنه موديل السنة

[samysharaf]

سبحان الله وبحمده سبحان الله العظيم

سبحان الله وبحمده
سبحان الله العظيم

[samysharaf]

الدال على الخير كفاعله

[samysharaf]

لا حول ولا قوة إلا بالله

[samysharaf]

الله

[samysharaf]

يا جماعة في اول بوست للموضوع فوق على الشمال هتلاقي جملة انشر الموضوع في وجانبها ايقونات فيسبوك توينر واتس
استخدم اي واحدة تعجبك لنشر الموضوع مع اصحابك ومعارفك
وشكرا لك من ساهم في توعية من حوله

[samysharaf]

انا مش قلت لكم اهو كلامي طلع صح
الشركة نزلت الشكل الجديد اللي انا كنت باتكلم عنه

https://www.contactcars.com/articles/details/1416/%D8%B1%D9%8A%D9%86%D9%88-%D8%AA%D8%B7%D8%B1%D8%AD-%D8%AF%D8%A7%D8%B3%D8%AA%D8%B1-2018-%D8%A7%D9%84%D8%AC%D8%AF%D9%8A%D8%AF%D8%A9-%D9%81%D9%8A-%D9%85%D8%B5%D8%B1-%D8%A8%D8%A3%D8%B3%D8%B9%D8%A7%D8%B1-%D8%AA%D9%86%D8%A7%D9%81%D8%B3%D9%8A%D8%A9

[samysharaf]

الحمد لله يارب اكون قدرت بموضوعي ده افيد ناس كتير كان ممكن يتدبسوا في الموديل القديم