16202 .. لا تعليق

[Gel]

السلام عليكم ورحمة الله وبركاته

معايا رينو لوجان شاريها شهر سابعة اللى فات وباطلع من المهندسين يوميا للتجمع الخامس رايح جاى (60 كيلو توتال) .. المهم خلصت ال5000 كيلو "من زماااان" .. وكاى شخص عادى باتصل ب16202 بتوع رينو عشان احجز ميعاد للصيانة ..

اول مكالمة

اخدوا تفاصيل العربية والاسم والموبايل والكلام ده وقالولى انت فى المهندسين روح ورا مسرح البالون عند يوسف موتورز. تمام

اتصلت فى اليوم اللى هاروح فيه باتأكد ..قالولى مين اللى قاللك تروح يوسف موتورز؟ يوسف موتورز ده معتمد وكل حاجة بس مش للصيانة كده هتدفع وانت المفروض الصيانة مجانية .. طب اعمل ايه؟ هاتروح المقطم تعمل الصيانة هناك (الكلام ده قبل العيد اللى فات على طول) .. ولازم بالحجز .. طب عايز احجز لو سمحت .. قالولى ميعاد طلع مش مناسب عشان الكلية وبعدين قالوا مفيش حجز غير فى ده وكلمنا بعد العيد. اتكلمت بقى اول امبارح .. حضرتك تروح المقطم لييييه مانت جنبك مسرح البالون فى يوسف موتورز وده بتاعنا وحبيبنا روح اعمل الصيانة هناك ومجانا ومفيش اى مشكلة بس انت اسال على المهندس "سيد توفيق" (مش فاكر الاسم بالضبط) وادونى نمرة التليفون واتكلمت حجزت وتعالى الساعة 4 .. المهم رايح بقى النهاردة وكلى امل خصوصا ان الناس قالت ان الصيانة بتفرق اوى فى العربيات (اول عربية لي) وبمنتهى الثقة دخلت للمهندس قالى انت مين قالك تيجى؟!!! احنا مش عارف اول 100 عربية بس ده غير ان العربيات الجديدة مفيهاش صيانة 5000 اصلا بس ممكن نغيرلك فلتر وزيت مش عارف بكام.

سؤال يطرح نفسه ..

مين اللى بيسمح ان الناس اللى فى 16202 يطلعوا عين البنى ادم؟ يعنى كل مكالمة بمعلومة عكس اللى قبلها. والعربية دلوقتى عاملة 6500 كيلو ومعملتش الصيانة لسة!!!

... حبيت بس احكى اللى حصلى عشان الناس بتقول توكيل رينو تحفة ومعاملة رائعة .. ادى اللى حصل بقى وليكم الحكم.

(اسف لو كان الموضوع لهجته فيها نرفزة او حاجة)

سلام عليكم

[amr123]

بص يا باشا
مش دفاعا عن التوكيل ...بس الى حصل مع حضرتك ده غريب جدا
حضرتك ممكن تعمل الصيانة مكان ما تحب انا عملت صيانة 3 مرات هناك عمر ما حد اعترض على المكان ابدا

و افضل حاجة من وجهة نظرى هو التوكيل نفسه مش المراكز المعتمدة
خاصة و العربية لسه فى الضمان

انا رأى تتصل بيهم و تحاول توصل لحد مسؤول تحكيله الى حصل و تشد عليهم عشان ميتكررش مع حد تانى من ملاك رينو
و بعدين تصر على مكان الصيانة الى انت عايزه فى الموعد المناسب ليك

و ابقى طمنا عليك
سلامى للجميع

[Ahmed Selim]

معلش هزود حاجة كمان على كلام عمرو باشا....

أنت لو مش لاقى حجز مناسب فى المقطم ممكن تحجز فى العبور...بما أنك كده كده بتروح التجمع الخامس فبالتالى العبور مش هيكون بيعد عنك قوى.....مع العلم أن العبور فاضى أكتر من المقطم.
ده غير أنك لازم تكلم 16202 وتطلب أنك تكلم حد مسؤل وتقوله على اللى حصل........خصوصاً انى بعمل الصيانة فى مركز خدمة معتمد معظم الوقت وعمر ما حد قالى هتدفع فلوس فى الصيانة المجانية.....وعلى فكرة أول مرة أسمع عن يوسف موتورز ده.......كل اللى أعرفهم فى القاهرة 3 أو 4 مش منهم يوسف موتورز.

[chato_eg]

60 كيلو فى اليوم يعنى أقل من 2000 كيلو فى الشهر
لو الصيانة كل 5000 كيلو....يبقى هتروح كل 10 أسابيع مرة تعمل صيانة
أفتكر يوم كل 10 أسابيع تقضيه فى المقطم و لا حتى العبور علشان الصيانة مش مشكلة كبيرة
كان لازم تصر على إنك تعمل صاياناتك عند EIM و لو فى ميعاد بعيد شوية....مالك انت و مال يوسف موتورز ؟؟!!!!!
هما (EIM) كويسين و كل حاجة لكن برضه انت لازم تعرف مصلحتك و تخلى بالك من نفسك......إيه اللى يخليك تتعامل مع مركز خدمة و التوكيل موجود و العربية لسه فى الضمان بل و دى أول صيانة للعربية
أنا لا أرفع اللوم عنهم لكن انت اللى استسهلت و فضلت تروح للقريب.....
مالكش حق يا Gel ...العربيات دى زى الفل لكن عايزة تاخد حقها فى الصيانة فى ميعادها....قبل ما توصل ميعاد الصيانة ب 500 كيلو مثلا كلمهم و خد ميعاد بعيد ( بعد اسبوع مثلا) تكون عارف إنه مناسب ليك...مش تستنى يا راجل يا طيب لما توصل ال 5000 كيلو و بعدين تكلمهم...
على كل حصل خير و آديك عرفت و هى الدنيا كلها تجارب و أخطاء و مبروك على العربية و إن شاء الله الموضوع ما يتكررش

[Gel]

60 كيلو فى اليوم يعنى أقل من 2000 كيلو فى الشهر
لو الصيانة كل 5000 كيلو....يبقى هتروح كل 10 أسابيع مرة تعمل صيانة
أفتكر يوم كل 10 أسابيع تقضيه فى المقطم و لا حتى العبور علشان الصيانة مش مشكلة كبيرة
كان لازم تصر على إنك تعمل صاياناتك عند EIM و لو فى ميعاد بعيد شوية....مالك انت و مال يوسف موتورز ؟؟!!!!!
هما (EIM) كويسين و كل حاجة لكن برضه انت لازم تعرف مصلحتك و تخلى بالك من نفسك......إيه اللى يخليك تتعامل مع مركز خدمة و التوكيل موجود و العربية لسه فى الضمان بل و دى أول صيانة للعربية
أنا لا أرفع اللوم عنهم لكن انت اللى استسهلت و فضلت تروح للقريب.....

لا خالص المشكلة مش فى المكان انا باطلع التجمع الخامس كل يوم تفتكر هاستخسر يوم فى صيانة العربية؟ :) بس هم اللى قالولى فى 16202 كل شوية يقولوا مكان شكل ..

مالكش حق يا Gel ...العربيات دى زى الفل لكن عايزة تاخد حقها فى الصيانة فى ميعادها....قبل ما توصل ميعاد الصيانة ب 500 كيلو مثلا كلمهم و خد ميعاد بعيد ( بعد اسبوع مثلا) تكون عارف إنه مناسب ليك...مش تستنى يا راجل يا طيب لما توصل ال 5000 كيلو و بعدين تكلمهم...
على كل حصل خير و آديك عرفت و هى الدنيا كلها تجارب و أخطاء و مبروك على العربية و إن شاء الله الموضوع ما يتكررش

الله يبارك فيك :) وعلى فكرة العربية مريحانى جداااا وتحفة وعجبانى .. يعنى انا بالنسبة لى انا شفت العربيات اللى فى الrange بتاعى ومقتنع تماما انى اخترت صح .. بالنسبة انى مستنى على نفسى لأن ال4200 بالضبط كملوا فى ميعاد الميد ترمات فصعب جدا اتكلم وجه العيد فضعت بقى :K_crying[1]:

معلش هزود حاجة كمان على كلام عمرو باشا....

أنت لو مش لاقى حجز مناسب فى المقطم ممكن تحجز فى العبور...بما أنك كده كده بتروح التجمع الخامس فبالتالى العبور مش هيكون بيعد عنك قوى.....مع العلم أن العبور فاضى أكتر من المقطم.
ده غير أنك لازم تكلم 16202 وتطلب أنك تكلم حد مسؤل وتقوله على اللى حصل........خصوصاً انى بعمل الصيانة فى مركز خدمة معتمد معظم الوقت وعمر ما حد قالى هتدفع فلوس فى الصيانة المجانية.....وعلى فكرة أول مرة أسمع عن يوسف موتورز ده.......كل اللى أعرفهم فى القاهرة 3 أو 4 مش منهم يوسف موتورز.

هو المشكلة مش فى المكان والله المشكلة فى التحوير والبعت اللى بيحصل من اللى فى 16202 دول .. يعنى تقولى ليه اروح والمكان مش بتاعكوا اصلا؟

ده فى شارع مدينة الاعلام باين ورا مسرح البالون .. قالولى روح هناك وادونى العنوان ونمرة التليفون وكل حاجة

بص يا باشا
مش دفاعا عن التوكيل ...بس الى حصل مع حضرتك ده غريب جدا
حضرتك ممكن تعمل الصيانة مكان ما تحب انا عملت صيانة 3 مرات هناك عمر ما حد اعترض على المكان ابدا

و افضل حاجة من وجهة نظرى هو التوكيل نفسه مش المراكز المعتمدة
خاصة و العربية لسه فى الضمان

انا رأى تتصل بيهم و تحاول توصل لحد مسؤول تحكيله الى حصل و تشد عليهم عشان ميتكررش مع حد تانى من ملاك رينو
و بعدين تصر على مكان الصيانة الى انت عايزه فى الموعد المناسب ليك

و ابقى طمنا عليك
سلامى للجميع

هو اكيد طبعا التوكيل نفسه احسن وانا كنت فاكر انهم هيبعتونى التوكيل بس مش عارف بقى ..

بالنسبة للاتصال بمسئول انا هاجرب احجز اخر مرة لعل وعسى .. ولو حصل مشاكل هابقى اكلم حد كبير هناك واقوله وربنا يسهل

[maro1986]

اخى الكريم Gel
اريد ان اسئلك عن العربية لوجان بعد 5000 الف كيلو
هل هى عربية كويسة
وما هى مميزتها وعيوبة
والف شكر اخى الكريم

[akmal_hamdi]

اول مره اسمع الموضوع ده على العموم انا هشوف لك الموضوع ده يوم الأحد مع Eimوأرد عليك

[Gel]

اخى الكريم Gel
اريد ان اسئلك عن العربية لوجان بعد 5000 الف كيلو
هل هى عربية كويسة
وما هى مميزتها وعيوبة
والف شكر اخى الكريم

انا استخدامى للعربية عموما فى المسافات الطويلة يوميا 60 كيلو على الاقل (من المهندسين للتجمع الخامس) ده غير بالليل بالف بيها فى البلد.

العربية الحمد لله مريحانى جدا ومفيهاش مشاكل تقريبا غير بس ساعات اما احب اجيب الاول عشان اطلع باحس ان الفتيس تقيييل اوى .. غير كده العربية عالية عن الارض وبتشيل كتير (بيقعد فيها 3 على الكنبة اللى ورا مستريحين) وواسعة وكله زى الفل الحمد لله

اول مره اسمع الموضوع ده على العموم انا هشوف لك الموضوع ده يوم الأحد مع Eimوأرد عليك

شكرا دكتور اكمل =)