رينو سيمبول الجديده

[عمرو عمارة]

علي فكرة هي 16v مش 8v ودا زي ما مكتوب في كتيب السيارة هحاول انزلة و 98 حصان

والله دي تبقى تحفة يا باشا على السعر ده

أنا جبت المعلومات دي من موقع رينو تركيا الي المفروض تركيا هي الي هاتنزل العربيات دي

[عمرو عمارة]

العربيه شكلها مش وحش ولا حاجه من رأيى شكلها احلى من الياريس و بعدين العربيه ممكن يكون ناقصها شويه حاجات بس ده مش معناه انها وحشه العربيه حلوه و فى الفئه السعريه بتاعتها تعتبر كويسه و على فكره انا حجزت تيست درايف يوم الحد اللى جاى ان شاء الله 28/12 و اعملكوا تقرير مفصل عنها ان شاء الله

ربنا يجزيك خير......ياريت لو أمكن تصور العربية يبقى عظمة:k32:

[eng.khater]

اكيد طبعا و مكدبش عليك العربية عجباني بس انا مستني الهوندا الستي 2009 الجديدة عشان اعمل مقرنة بينهم و نشوف سعرها هيبقي كام
و هحاول ارفعلكو الكتلوج بتعها

[M.Moustafa]

انا شوفتها امبارح اول مرة ماشية في الاتوستراد واعتقد انها ممكن تكون تيست وعجبتني والله شكلها حلو بس يا ريت اعرف حاجة هيا بتشتغل بالكارت زي الميجان ولا مفتاح عادي؟

[eng.khater]

مفتاع عادي

[M.Moustafa]

كده ممكن يا شاركي ما تكونش كليو Iii لاني كنت شوفتها في السعودية والمفروض انها هتشتغل بالكارت فممكن تكون دي بديل للكليو Ii بحاجة افخم شوية وانتو برضه ادرى مني

[Sharky]

دى بديل للكليو II سيدان لكن الكليو III هاتشباك نازلة من 2005 بره و لسه شغالة

[عمرو عمارة]

كده ممكن يا شاركي ما تكونش كليو Iii لاني كنت شوفتها في السعودية والمفروض انها هتشتغل بالكارت فممكن تكون دي بديل للكليو Ii بحاجة افخم شوية وانتو برضه ادرى مني

محمد حبيبي...إزيك

الكليوIII الهاتش باك الفرنساوي هي الي نازلة بمفتاح كارت
أما السيدان التركي فهي موديل مختلف تماماً في الشكل والإمكانيات

[M.Moustafa]

كده يبقى كلامك صح يا شاري لاني بقولك اللي انا شوفتها كانت كليو Iii وكانت بالكارت وكانت قريبه قوي في تصميمها من جوا للميجان

[M.Moustafa]

محمد حبيبي...إزيك

الكليوiii الهاتش باك الفرنساوي هي الي نازلة بمفتاح كارت
أما السيدان التركي فهي موديل مختلف تماماً في الشكل والإمكانيات

حبيب قلبي واحشني والله انت وباقي الشباب كلامك لحد دلوقتي مظبوط برده لاني اللي شوفتها كانت هاتشباك وما شوفتش السيدان منها بس هيا في العموم انا لما شوفتها شكلها حلو قوي من بره سواء قدام او ورا طيب ايه يا شباب ما نروح نعملها تيست ولا ايه النظام

[أبو كنوز]

اه......أنا كدة فهمت...... يبقى الميجان والكليو الي هنا مصر مضروبين ومش أصلي....خدو بالكوا يا جماعة!!!!....

لا أكيد مش مضروبين يا عم عمرو .أكيد رينو مش فتحه دكانه في تركيا.بس أنا حبيت أقول اللي أنا شايفه و عرفه.و لما ربنا يسهل و أرفع الصور هاتشوف بعينك.

[mbisar]

لو حد عايز يعمل تيست درايف يدخل على الموقع بتاع رينو و يحجز التيست درايف و التيست درايف يتاع رينو تقريبا100 كيلو ده اللى مكتوب فى الموقع انا حجزت امبارح على الحد اللى جاى ان شاء الله
و ده اللينك http://www.renault.com.eg/services/s4.html

[عمرو عمارة]

لا أكيد مش مضروبين يا عم عمرو .أكيد رينو مش فتحه دكانه في تركيا.بس أنا حبيت أقول اللي أنا شايفه و عرفه.و لما ربنا يسهل و أرفع الصور هاتشوف بعينك.

يا باشا ماتزعلش مني أنا كنت بهزر بس

المعلومات الي عندك كلها إحنا عارفنها كويس أوي من زمان ولو تابعت المواضيع المثبتة هاتلاقي الصور كلها بتاعت الهاتشباك الفرنساوي والسيدان التركي موجودة

[أبو كنوز]

ودي صور الكليو http://www.imgall.org/images/491_images_3_.jpg http://www.imgall.org/images/370_images_2_.jpg بس معلش الصور صغيره. و أنا مش زعلان يا عمورا بس زي ما تقول لسه صاحي.

[hemaf16]

ههههه لامش مضروبين ولا حاجه هو بيكلم صح مالكليو كلسيك ديه تركى حضرتك وفى فرنسا مفيش كليو بشنطه فعلا بس الميجان لا عادى بس الكليو مفيش انا ابن عمى فى فرنسا ولما شاف الكيليو اللى عندنا استغرب لان مش عندهم لانها ببساطه تركى شكرا