موقف حصللى مع زجاج الشباك اليمين للكليو

[lion99990]

بصراحه و سلاسه كده انا كان عندى مشكله رخمه فى ازاز العربيه اليمين امامى كل ماكنت اجى افتحه طبعا هو كهربا كان يقوم ناطط لبره و هوا بينزل يعمل برده رجرجه من مكانه أ تطر اقوم زقه لجوه بايدى و ده كان و انا بنزل الايزاز لكن لما ارفعه عادى مافيش مشكله المشكله ديه بقالها سنه تقريبا طيعا انتو فاكرنى كنت سايبها كده ابدا واللهى ده من سنه كده لما لاقتها بتعمل كده و ديتها التوكيل و كنت بعمل الصيانه الدوريه للعربيه طبعا انا عايز اقولكم ان من كتر ماكنت بزق الازاز بايدى لجوه الكلبسه اللى فى الازاز اتكسرت فطبعا وانا فى الصبانه المهندس سامر اخذ العربيه و المهم غيرلى الكلبسه و قالى كده تمام ماعدتش حيطلع تانى من مكانه طبعا انا جربته كان تمام يس ماكنش عاجبنى اقوى بس كان كويس المهم مشيت من عندهم و كنت مبسوط ان كله تمام بعديها بيوم واحد فقط رجعت ريمه لعادتها القديمه و طلع من مكانه و الكلبسه اتكسرت اتصلت بخدمه العملاء اقالوللى تعالى و حنصلحه على فكره انا اول مره دفعت تقريبا 30 جنيه فى هذه الكلبسه تانى مره وصلت مركز الصيانه اللى فى العبور مهندس سامر اخد العربيه و غيرلى الكلبسه وقالى بدون فلوس المره ديه المهم و انا بكشف عليه معاه اولتله ده برده فيه رجرجه و مش ثابت فى مكانع بيزق لبره بس ماكنش بيطلع من مكانه رد عليا المهندس سامر و قاللى ده بسبب الكاوتش اللى حوالين الازاز مش مظبوط فعشان يتظبط الازاز لازم يتغير لو تحب بقلب جامد رديت عليه ماشى يتغير لو ده العيب قاللى طيب حنشوفه فى المخزن عندهم بص ملاقهوش و رد عليا هوا حيتكلف 800 جنيه تغييره طبعا انا اتخضيت من الرقم ده و حمدت ربنا ان هما ملقهوش عندهم فى المخزن المهم مشيت بالعربيه و بعد 5 ايام تقريبا الزاز بفى بيطلع لبره بس الكلبسه ماتكسرتش قولت لو سافرت بورسعيد ابق اشتريها استعمال خارج المهم بقالى سنه على الموال ده لغايه اول امبارح كان فبه واحد صاحبى معاه لانوس بيظبط عربيته عفشه و دهان و شويه تظبيط طبعا فى منطه عبدالسلام عارف فى المنصوره المنطفه دبه فيها سمكريه وورش كتيره فى كله المهم اقولت اسال واحد وانا مع صاحبى عن المشكله ديه اقالى حاضر شاف المنظر بتاع الازاز و سمع الرجرجه ام فاكك فرش الباب عشان يبص على المكنه طبعا انا كان قلبى خايف لانى بحب اعمل كل حاجه صح ياعنى توكبل و بس بس مش عارف انا جتلى الجرأه ازاى اوافق على كده المهم بدأ يقك فى مسامير الباب وانا طبعا تعبان اوى خايف بصراحه المهم فك الباب وكانت المفاجأه مسمار مفكوك من حوامل الازاز ماكنش موجود راح الراجل جاب مسمار و ربطه فى الحامل و ربط الفرش فى الباب تانى و الازاز رجع تمام و مفهوش اى مشكله و بعد الموقف ده انا مستغرب اوى ودماغى متلخبطه ازاى فى التوكيل ميعرفوش ده ديه طلعت حاجه بسيطه و هما ماوصلوش للعيب امال لو فيه حاجه كبيره حيعملو ايه
انا الكلام ده حبيت اوضح الصوره عشان غيرى يعرف و مع كل كلامى ده انا برده بحترم النوكيل بس المفروض يبقى عندهم عنايه فى اختيار الكفائات المؤهله و الكوادر العلميه الممزوجه بالخبره لان الخبره طلعت مهمه جدا و انتوا طبعا شفتوا ازاى ايه اللى حصل و اسف على التطويل بس اردت الافاده للجميع

[Abdo_Eldesokey]

مشكلة التوكيل إنه شغال بالورقة والقلم ، فبالتالي أي عيب جديد مش هيعرفوا يوصلوله لأنهم بيريحوا دماغهم

الصنايعي الي برة ملوش في كده ، لازم يقعد يفك ويشوف المشكلة فين ، لو الصنايعي فاهم يبقى هيقوم بالواجب أحسن من التوكيل

لكن لو عجلاتي يبقى قول السلام على الباب الي اتفك

[mahmoud_nov1985]

خليك مع التوكيل

[ringoo84]

بعد الموقف ده انا مستغرب اوى ودماغى متلخبطه ازاى فى التوكيل ميعرفوش ده ديه طلعت حاجه بسيطه و هما ماوصلوش للعيب امال لو فيه حاجه كبيره حيعملو ايه

لا انا اوعدك ان لو في حاجه كبيره التوكيل هيعملهالك بسهوله ..............
وفعلا مصر فيها صنايعيه كويسه جداااااااااااااا وتلاقي ناس بالذات فالحرفيين .........وغيرها كانو شغالين في التوكيلات ............ولو موش شغال فالتوكيل بتكون اغلب المشاكل جتله قبل كدا كثير ..............
وعلى العموم مبروووووووووووووووووووووك تصليح الزجاج.......

[احمد عبدالله]

الحمد لله على سلامة الإزاز

[waleedrahmy]

كويس أن المشكلة أتحلت..........علي فكرة في صنايعية كتير كويسين في الورش

[lion99990]

على فكره لما فكينا الباب و لقينا العيب المسمار اقعدنا ندور على المسمار عشان المفروض يكون جوه الباب يس ملقنهوش مع ان الباب عمره متفك و الصنايعى قال كده لانه كان متبرشم بكاوتش كده و انا مش عارف بيتسمى ايه عايز اعرف المسمار راح فينننننن!ّ

[Amr_Moh]

على فكره لما فكينا الباب و لقينا العيب المسمار اقعدنا ندور على المسمار عشان المفروض يكون جوه الباب يس ملقنهوش مع ان الباب عمره متفك و الصنايعى قال كده لانه كان متبرشم بكاوتش كده و انا مش عارف بيتسمى ايه عايز اعرف المسمار راح فينننننن!ّ

all doors have small drain holes at the bottom, so the loose screw might have been dropped through it
ill check in my Clio and let u know

[عمرو عمارة]

عشان كده أنا مش كل حاجة بروح فيها التوكيل.....اه عارف إن التوكيل محترم...بس المشكلة إن في بعض الصنايعية وللأسف مهندسين مطبلطية....عشان هو مكسل يفك فرش الباب راح قالك عالطول ده عيب في كاوتش الإزاز:k26:

[Ahmad _Sheemy]

انا اضم صوتي لصوت اخونا عمرو عمارة فعلا هناك بعض المهندسين و الفنيين في التوكيل بيطخوا كلام و خلاص و مبيحاولوش يفكروا المشكلة جاية منين