مقابلة الوحوش السابعة أن شاء الله

[Ahmed Selim]

السلام عليكم

أنا قلت أعمل الموضوع ده عشان نحدد فيه المكان بناءً على الأستطلاع.

الموعد أن شاء الله يوم 31 يناير الساعة 6 مساءً

أرجو من جميع وحوش رينو التصويت ( ويا ريت بلاش حد يدى صوته غير الوحوش ) وممكن مصطفى فاروق.....يمكن نحاول نقنعه يبيع العربية التعبانة اللى معاه

[Mustafa_Farouk]

السلام عليكم

أرجو من جميع وحوش رينو التصويت ( ويا ريت بلاش حد يدى صوته غير الوحوش وممكن مصطفى فاروق.....يمكن نحاول نقنعه يبيع العربية التعبانة اللى معاه )

السلام عليكم،

بجد مش عارف أرد عليك أقول إيه ؟؟، بجد من ساعة ما قرأت اللي مكتوب وعمال أضحك، على العموم مش حرد على الغيرة الصريحه دي هنا، إن شاء الله لما نتقابل.

[ecybrarian]

طبعا مزازيك على الأقل هانعرف نركن

ما فيش حاجة في الرحاب

[momo10000]

انا صاوت بالغلط .... المقطم يا رجالة

[farahat]

انا صاوت بالغلط .... المقطم يا رجالة

أيمن باشا ، إنت عشت في جو الإمتحانات مع Sharky ولا إيه ؟

يعني تعلم على حاجة و تقول حاجة تانية ؟ الكلام دة كنا بنعملو زمان ، كبرنا على الكلام دة

[Ahmed Selim]

السلام عليكم،

بجد مش عارف أرد عليك أقول إيه ؟؟، بجد من ساعة ما قرأت اللي مكتوب وعمال أضحك، على العموم مش حرد على الغيرة الصريحه دي هنا، إن شاء الله لما نتقابل.

مش هقولك غير كلمة واحدة......هأوووووووو

[momo10000]

أيمن باشا ، إنت عشت في جو الإمتحانات مع Sharky ولا إيه ؟

يا باشا .. اعمل اية.... من ساعه احمد باشا اما اقترح الكافية اللي في يوسف عباس ... وموضوع مادلين مطر اللي بتقدم الطلبات ومنيمم 50 جنية وانا مش علي بعضي ... ربنا يستر ..

[Sharky]

أيمن باشا ، إنت عشت في جو الإمتحانات مع Sharky ولا إيه ؟

يعني تعلم على حاجة و تقول حاجة تانية ؟ الكلام دة كنا بنعملو زمان ، كبرنا على الكلام دة

:k48::k48::k48:

فرحات باشا عايزين نشوفك بقى
و اكمل باشا فين هو كمان

[farahat]

:k48::k48::k48:

فرحات باشا عايزين نشوفك بقى
و اكمل باشا فين هو كمان

إن شاء الله يا باشا معاكم ، أنا أقدر أتأخر على الوحوش ؟!!

على فكرة يا جماعة مزازيك بتاع المقطم دة مكان ظريف فعلاً ، و قريب من ناس كتير حتى بتوع التجمع و الرحاب ممكن ييجوا دائري لحد كارفور و يحودو يمين ، مفيش خمس دقائق هيكونو وصلوا
و مدينة نصر و مصر الجديدة ممكن من عند النادي الأهلي لحد مسجد السلام و بعدين يمشوا في إتجاه طريق العين السخنة و بعدين مدخل المقطم من شارع ٩ و يمشوا شوية لحد نادي الشرق و بعدين يمين يوصلوا مزازيك ،
يا إما من صلاح سالم من عند التوكيل، مع الطريق ولا يمين ولا شمال لحد ما يلاقوا مزازيك على شمالهم (في حتة لفة u-turn حولين جامع المقطم غير كدة طوالي )

[akmal_hamdi]

انا موجود كيروز ماشى بس الساعه 7 لأ خليها بدرى و خلى حد من الوحوش يكلمنى ضرورى شاركى أو احمد أو ايمن علشان اظبط معهم حاجه النمره مع شاركى

و خليها تفسى يا شباب زى ما رامى قال

ههههههههههههههههههههههه

:k48:

[عمرو عمارة]

شغاااااااااااااااااااااال مقطم

وم.نصر شغال برضه.....بس أنا باتخنق من حاجة إسمها م.نصر من الزحمة!!!!

[farahat]

يبقى كدة ٤ مقطم و ٦ مدينة نصر

[Mohd_Adel_Amin]

والله يا جماعة المقابلة شكلها هتكون جامدة جدا والناس كلها متحمسة والمكان جديد (ما شاء الله انا مبحسدش!!!!),, بس للأسف مش هقدر آجي لأن يوم السبت مشحون جدا عندي ..
اتمنى اني اشوف كل الوحوش في المقابلة اللي بعدها ودعواتكم ان يوم السبت ده يفضى عندي واقدر اجي .

[tamer_samy]

بانسبه لى مش فارقه مدينه نصر او المقطم
هما الاثنين قريبين من المنطقه الحره
بس ادعولي الجو يبقي هادي في الشغل عشان اعرف اخلع و اشوفكم
انا مع الجماعه اللى هتتفقوا عليه انا موافق عليه
مش مهم المكان او الزمان المهم ان احنا مع بعض و دايما مع بعض ان شاء الله

[Sharky]

حتى الان أغلبية لمدينة نصر

في حد تانى من الوحوش حيجى ؟؟