ما رأيكم في تقسيط رينو لوجان mcv مع المصرية العالمية للسيارات

[mostafabakry]

السلام عليكم و رحمة الله و بركاتة

انا بعد عذاب و لف و دوروان لقيت ان توكيل رينو اللي هو المصرية العالمية للسيارات بيعمل تقسيط داخلي بدون بنك
انا عجبني النظام دا علشان هيبعدني من البنوك و موضوع الربا اللي انا بحاول اتجنبه باي طريقة

المهم هما طلبوا مني اني ادفع 50% من عر العربية اللي عامل تقريبا 92000 جنيه بالنسبة للعربية ال110 حصان هاف اوبشن لأني فيه منها 90 حصان فول ااوبشن ب 98000 جنيه
و هيقسطوا الباقي علي 3 سنوات بحد اقصي و الفايدة هتكون 12 %

طبعا انا عارف ان الفايدة عاليه جدا و لكن ايه الحل انا محتاج عربية ضروري و مش قادر انتظر لشهر 7 عشان موضوع الأسعار مع اني متضامن جدا مع حملة المقاطعة الحالية و لكن انا ظروفي ما تسمحش اني استني
ثانيا الللي مخليني اوافق علي الفايدة العالية دي اني هشتري العربية بعيد عن البنك و بدون ربا
انا لما حسبتها لقيت الفرق مش كتير للدرجة يعني مثلا القسط مع المصرية للسيارات هيكون 1700 جنية علي 3 سنوات
لما سألت لقيت ان بنك كريدي اجريكول ممكن يقسط علي 1613 علي 3 سنوات مع نفس المقدم
يعني الفرق 80 جنية مش مشكلة و اسمي بعدت عن البنوك و قرفها

هما قالولي في الشركةالمصرية انهم ممكن يقسطوها لي علي 3-4 شهور بدون فايدة خالص لو اقدر اسدد خلال ال 3-4 شهور باقي تمنها بس انا بصراحة صعبة عليا الحكاية دي
و كنت ممكن اقسطها علي سنتين بس القسط هيكون 2325 هيبقي خانقني شوية

انامنتظر حاليا موافق الشركة علي الكلام دا لأنهم بيبعتوا الورق دا للفرع الرئيس في ادارة الإئتمان عشان يتوافق عليه

طبعا بيحتاجوا ان يكون معالك املاك عشان يطمنوا انك هتقدر تسدد

ايه رايكم في الموضوع دا يا ريت لو حد عنده تعليق ما يترددش انه يقوله

[Ahmed Selim]

أستاذى العزيز

طالما فى فايدة أعتقد والله أعلم أن مش هيبقى فى فرق بينها وبين البنك من الناحية الشرعية.

[Sharky]

انا شايف إنها كويسة طالما بعيده عن ربا البنوك

على فكرة يا أحمد الفائدة مش حرام على الشراء
لكن هى حرام على قرض الفلوس
و دا إللى مخلى البنوك فيها ربا لإنها بتعامل فى فلوس مش سلعة

[mostafabakry]

أستاذى العزيز

طالما فى فايدة أعتقد والله أعلم أن مش هيبقى فى فرق بينها وبين البنك من الناحية الشرعية.

لا هو الربا يبقي علي الفلوس
يعني انك تاخد فلوس من حد و ترجعها له بعد فترة باكتر من قيمتها فكدا يعتبر ربا و دا حرام

اما انك تشتري السلعلة و عشان انت هتدفع بالتقسيط فالفايدة او الزيادة علي السعر الكاش بتبقي حلال و الله اعلم

انا اللي اعرفة ان الفرق بيت التقسيط الربوي و التقسيط الإسلامي هو ان البنك او الجهة اللي هتتعامل معاك هتتملك السلعة اولا ثم بعد ذلك تبيعها لك
في حالتي انا هشتري من الوكيل نفسة اللي صاحب العربية و بكدا العربية اصلا ملكه و و بيبيعها بالآجل

و الله اعلم

لو حد عنده اي فكرة عن الموضوع يلريت ما يبخلش علينا بيها

[Ahmed Selim]

أفادكم الله.....وربنا يباركلك يا مصطفى فى العربية
ويوفقك يا شاركى فى الأمتحانات

[عمرو عمارة]

بارك الله في حرصك وبياركلك في العربية إن شاء الله