Tweet
امبارح نزلت اعمل لفه على معارض السيارات فى اسكندريه هنا عشان اشوف ايه اخبار اسعار السيارات نزلت ولا لسه و طبعا الأساس عندى الميجان عشان هى دى اللى انا ناوى عليها ان شاء الله ، المهم روحت الطارق و توكيل رينو فى الداون تاون و روحت للمصريه ، انا كنت بسأل عن الفئه التانيه فى الأتوماتيك اللى فيها فريون تاتش و مرايات ضم و مثبت سرعه
اللى ضايقنى بجد معرض المصريه
المسئول عن المبيعات فعلا مش فاهم حاجه فى العربيه ، بسأله عن العربيه قالى دى اول فئه فى الأتوماتيك ( مع انها الفئه التانيه فى الأتوماتيك ) قولتله ازاى العربيه دى فيها مثبت و فيها تكييف تاتش قالى لأ هى دى الفئه الأولى فى الأتوماتيك و مش فيها لا تكييف تاتش ولا مثبت سرعه قولتله ياعم انا لسه شايفها فيها والله ، قالى انت هتعرف اكتر منى انا بقولك النهارده احنا شيكنا على العربيه و اتأكدنا ان مفيهاش مثبت ولا تكييف ،قولتله اومال ليه فى شاشه فوق الكاسيت و مفيش بكره قالى كلهم بينزلو كده مفيش بكره خالص للتكيف ، قولتله طب وليه فيها الزراير بتاعت مثبت السرعه فى الدركسيون ، قالى دى بتاعت الكاسييت ، يا عم بتاعت الكاسيت فى ذراع خلف الدركسيون اما دى بتاعت مثبت السرعه ، قالى انا معرفش المثبت بيبقا فين بالظبط ، اومت اخدته و عرفته زراير الكاسيت فين و المثبت و المحدد بتاع السرعه بيشتغل ازاى من زراير اللى فى الدركسيون
قالى سبحان الله والله ما كنت اعرف كده خالص دى تكنولوجيا حلوه اوى ( على فكره عمل مثبت السرعه و محدد السرعه )
المهم بقوله طيب انا بقارن بين الكورولا و السيفيك و الميجان ايه رأيك انت قولى ايه احلى
قالى هوندا الأول طبعا افضل من الميجان و من الكورولا
الراجل لا عارف كماليات الميجان ولا عارف العربيه اللى واقفه فى المعرض اساسا انهى فئه فى الميجان و لا عارف اى حاجه عن العربيه و كمان بيقرر ان الهوندا و الكورولا افضل من الميجان ، اعتقد ان من اسباب سوءسمعه الميجان الناس اللى بتبيعها عشان مش فاهمينها
طبعا فى التوكيل كان الراجل فاهم العربيه كويس لكن فى المعارض التانيه زى الطارق او المصريه و دول اكبر معرضين هنا فى اسكندريه تقريبا اسكندريه كلها بتشترى منهم مش فاهمين العربيه كويس
بالنسبه للأسعار :
الطارق حاطط عليها 137.500 و لما اتكلمت مع الراجل قالى ممكن اظبطلك خصم كويس 2000 جنيه
بالنسبه للتوكيل : قالى 140 الف و لو نزل هينزل حاجه بسيطه اوى يعنى ممكن تخلص على 139 الف + العرض بتاع الصيانه المجانيه 30 الف كيلو او سنه
بالنسبه للمصريه حاطط على العربيه 140 الف + 5 جنيه دهب ولما سألت انى لو عايز خصم نقدى بدل الجنيهات الدهب
قالى ممكن و هتبقا ب 135 الف بالظبط
حاجه تانيه ان العربيه اللى واقفه فى المصريه بجد متهانه اوى و مش نضيفه و شكلها وحش و مليانه رمله بحر يعنى تحس انها بجد عربيه مستعمله مش زيرو
اللى ضايقنى بجد معرض المصريه
المسئول عن المبيعات فعلا مش فاهم حاجه فى العربيه ، بسأله عن العربيه قالى دى اول فئه فى الأتوماتيك ( مع انها الفئه التانيه فى الأتوماتيك ) قولتله ازاى العربيه دى فيها مثبت و فيها تكييف تاتش قالى لأ هى دى الفئه الأولى فى الأتوماتيك و مش فيها لا تكييف تاتش ولا مثبت سرعه قولتله ياعم انا لسه شايفها فيها والله ، قالى انت هتعرف اكتر منى انا بقولك النهارده احنا شيكنا على العربيه و اتأكدنا ان مفيهاش مثبت ولا تكييف ،قولتله اومال ليه فى شاشه فوق الكاسيت و مفيش بكره قالى كلهم بينزلو كده مفيش بكره خالص للتكيف ، قولتله طب وليه فيها الزراير بتاعت مثبت السرعه فى الدركسيون ، قالى دى بتاعت الكاسييت ، يا عم بتاعت الكاسيت فى ذراع خلف الدركسيون اما دى بتاعت مثبت السرعه ، قالى انا معرفش المثبت بيبقا فين بالظبط ، اومت اخدته و عرفته زراير الكاسيت فين و المثبت و المحدد بتاع السرعه بيشتغل ازاى من زراير اللى فى الدركسيون
قالى سبحان الله والله ما كنت اعرف كده خالص دى تكنولوجيا حلوه اوى ( على فكره عمل مثبت السرعه و محدد السرعه )
المهم بقوله طيب انا بقارن بين الكورولا و السيفيك و الميجان ايه رأيك انت قولى ايه احلى
قالى هوندا الأول طبعا افضل من الميجان و من الكورولا
الراجل لا عارف كماليات الميجان ولا عارف العربيه اللى واقفه فى المعرض اساسا انهى فئه فى الميجان و لا عارف اى حاجه عن العربيه و كمان بيقرر ان الهوندا و الكورولا افضل من الميجان ، اعتقد ان من اسباب سوءسمعه الميجان الناس اللى بتبيعها عشان مش فاهمينها
طبعا فى التوكيل كان الراجل فاهم العربيه كويس لكن فى المعارض التانيه زى الطارق او المصريه و دول اكبر معرضين هنا فى اسكندريه تقريبا اسكندريه كلها بتشترى منهم مش فاهمين العربيه كويس
بالنسبه للأسعار :
الطارق حاطط عليها 137.500 و لما اتكلمت مع الراجل قالى ممكن اظبطلك خصم كويس 2000 جنيه
بالنسبه للتوكيل : قالى 140 الف و لو نزل هينزل حاجه بسيطه اوى يعنى ممكن تخلص على 139 الف + العرض بتاع الصيانه المجانيه 30 الف كيلو او سنه
بالنسبه للمصريه حاطط على العربيه 140 الف + 5 جنيه دهب ولما سألت انى لو عايز خصم نقدى بدل الجنيهات الدهب
قالى ممكن و هتبقا ب 135 الف بالظبط
حاجه تانيه ان العربيه اللى واقفه فى المصريه بجد متهانه اوى و مش نضيفه و شكلها وحش و مليانه رمله بحر يعنى تحس انها بجد عربيه مستعمله مش زيرو
Comment