عاجل : كل تفاصيل رينو لوجان المغربية من مصادرها الرسمية !

[Mostafa Taher]

ContactCars ينفرد بكل تفاصيل "رينو المغربية" من مصادرها الرسمية




منذ الإعلان عن اقتراب استيراد سيارات "رينو لوجان" قادمة ومصنعة من المغرب من دون جمارك "والدنيا قامت ولم تقعد" ، كثرت الشائعات عن انخفاض سعر هذه السيارة مقارنة بسيارات "رينو" الفرنسية الصنع أو بقية العلامات التجارية الأخرى من فئة السيارة "لوجان" أو غيرها.

وإيماناً من ContactCars.com بأهمية هذا الموضوع ورغبة زواره الملحة في معرفة تفاصيله ، جاء الحوار الحصري التالي مع ياسر السامولي مدير التسويق في الشركة المصرية العالمية للسيارات EIM ، وكلاء رينو في مصر.

ContactCars.com : ما علاقة "رينو مصر" باستيراد السيارة "لوجان" من المغرب؟

تعد الشركة المصرية العالمية للسيارات الوكيل الرسمي EIM لشركة "رينو" الأم منذ عام 1979 و هي أقدم الشركات العاملة في مجال السيارات في السوق المصري ، وبغض النظر عن مصانع تجميع سيارات رينو في مختلف أنحاء العالم فإن شركة EIM هي الممثل الرسمي و المعتمد في توزيع سيارات رينو بكافة موديلتها بجمهورية مصر العربية.

ContactCars.com : هل هي نفسها لوجان الموجودة في مصر ولديكم كوكيل؟

نعم هي نفسها السيارة "لوجان سيدان" التي تم تقديمها للسوق المصري في أبريل 2008 ، حيث كان بلد المنشأ في تلك الفترة هي رومانيا، أما بالنسبة للسيارة رينو لوجان سيدان القادمة من المغرب فهي بها بعض التعديلات الجديدة لتضيف لها خطوط أكثر عصرية من حيث التصميم الداخلي والخارجي.

ContactCars.com : هل ستصبحون الوكيل الحصري لهذه السيارة أيضا؟

نحن بالفعل الوكيل الحصري الوحيد لرينو بمصر، فنحن نوزع سيارات رينو القادمة من مختلف مصانع الشركة في كافة أرجاء العالم.

ContactCars.com : هل بالفعل سعرها سيكون أقل من "لوجان" الموجودة حاليا في السوق وما الفرق بينهما؟

بالتأكيد سيكون هناك فرق في السعر ما بين السيارة المقدمة من رومانيا و مثيلتها القادمة من المغرب، لأنه لأول مرة في مصر سوف يستفيد المستهلك المصري باقتناء سيارة معفاة من الرسوم الجمركية طبقا لاتفاقية أغادير المبرمة بين مصر و المغرب و تونس و الأردن والتي تتيح تبادل السيارات المصنعة داخل دول الاتفاقية بدون أى جمارك ومعاملتها معاملة السيارات المصنعة محليا.


ماذا ستحمل الأيام المقبلة بشأن هذه السيارة؟
ContactCars.com : دارت شائعات كثيرة عن هذه السيارة وانخفاض سعرها بسبب عدم وجود جمارك عليها هل سعرها سيقود أسعار بقية السيارات الأخرى في فئتها وغيرها للانخفاض؟

بدون شك أن انخفاض سعر السيارة "لوجان" المغربية نتيجة عدم فرض جمارك عليها سيشعل المنافسة في السوق المصري بمحاولات الشركات الأخرى الحفاظ على عملائهم. ومن الجدير بالذكر أنه بالرغم من زيادة تكلفة تصنيع السيارة المغربية عن مثيلتها الرومانية نتيجة حجم الإنتاج وبالرغم من القيمة المرتفعة للشحن و "النولون" من المغرب عن رومانيا، إلا أن الشركة المصرية العالمية للسيارات EIM حريصة كل الحرص على أن تقدم السيارة "رينو لوجان" المغربية الصنع بسعر منافس- للسيارات في فئتها- يرضي المستهلك المصري.

إلى ذلك انتهى كلام مدير التسويق في الشركة المصرية العالمية للسيارات EIM الوكيل الوحيد لسيارات "رينو" في مصر ويبقى أن نشير إلى أن "لوجان" المغربية يتم تصنيعها في مصنع "سوماكا" الذي يقع في الدار البيضاء ، وصدر هذا المصنع في يونيو الماضي مئات السيارات "لوجان" إلى فرنسا وإسبانيا.

وأصبحت "لوجان "السيارة الأكثر مبيعاً في المغرب منذ بدء تسويقها في المملكة في يوليو عام 2005 وسجلت مبيعاتها 12700 سيارة في عام 2006.

وكان المهندس رشيد محمد رشيد، وزير التجارة والصناعة ، قد هدد برفض مصر الإفراج عن شحنات السيارة "رينو لوجان" رداً على رفض الجمارك المغربية السماح بالإفراج عن شحنة أتوبيس "تمسا" ودخولها السوق المغربية بدعوى عدم استيفائها نسبة القيمة المضافة ٤٠٪ المقررة في اتفاقية "أغادير".

-----------------------------

وفي اتصال حصرى لنايل موتورز بالسيد / ياسر السامولى مدير التسويق في الشركة المصرية العالمية للسيارات EMI ..

علمنا انه لم يتم تحديد سعر نهائى لرينو لوجان المغربية في مصر حتى الان إلا انه من المؤكد ان الفئة الكاملة كلاسيك للسيارة سيكون سعرها ما بين 52 إلى 54 الف جنية مصرى فقط لا غير .

[AshTurbo]

العربية جيدة جداً من حيث المواصفات لكن السعر غالي عن ما الناس كانت متوقعة مع العلم أن السعر الأساسي للعربية 5000 يورو بس الا أنه مع ذلك هينافس وهيغير مفاهيم كتير في سوق السيارات المصرية ودة موضوع فيه كل مواصفات اللوجان لكل اللي عايز يعرف معلومات أضافية عن العربية دي .

http://www.nilemotors.net/Nile/showthread.php?t=57551

غالى حبتين بس مش بطال .

[Samir Elshahawy]

بدون شك أن انخفاض سعر السيارة "لوجان" المغربية نتيجة عدم فرض جمارك عليها سيشعل المنافسة في السوق المصري بمحاولات الشركات الأخرى الحفاظ على عملائهم. ومن الجدير بالذكر أنه بالرغم من زيادة تكلفة تصنيع السيارة المغربية عن مثيلتها الرومانية نتيجة حجم الإنتاج وبالرغم من القيمة المرتفعة للشحن و "النولون" من المغرب عن رومانيا، إلا أن الشركة المصرية العالمية للسيارات EIM حريصة كل الحرص على أن تقدم السيارة "رينو لوجان" المغربية الصنع بسعر منافس- للسيارات في فئتها- يرضي المستهلك المصري.

أخدتوا بالكوا من الجملة اللي فاتت دي ؟؟
(زيادة تكلفة تصنيع السيارة المغربية عن مثيلتها الرومانية) و (القيمة المرتفعة للشحن و النولون)

التوكيل عايز يلهف فرق الجمارك في جيبه , خلوا بالكوا

لذا خلو اللوجان المغربية تصدي هي كمان أذا الوكيل ماأحترمش نفسه و أحترم عقلية المستهلك المصري و كفاية بقي نصب و ضحك علينا

[karimone]

إذا كانت العربيه ب 5000يورو فعلا يبقي السعر ده معقول بعد لما نضييف الشحن و النولون لتمنها و إن كان السعر لسه ممكن ينزل كمان شويه

[Ahmed Hamdy]

لوجان المغربية سوف تنزل مصر قريبا ً .. !!

http://contactcars.com/News_ViewStory.asp?NewsID=2548

ايه رأيكوا يا جماعة ؟؟

[sab3aawy]

فيه حاجة محدش واخد باله منها
حد فاكر فيلم "سلام يا صاحبى"؟ فاكرين المعلم "بلائسى" بتاع الفاكهة، اللى قام بدوره الفنان مصطفى متولى-الله يرحمه- وسياسة التسعير فى السوق. البطيخة باربعة جنيه ولما واحد من تجار القطاعى اعترض على السعر قال له باستهزاء: مش عاجبك السعر بتاعنا اشترى من اى تاجر تانى فى السوق، فرد عليه التاجر الغلبان قائلا: وهو فيه حد يقدر يكسر سعر المعلم بلائسى؟

اللى عايز اقوله ان سوق السيارات فى مصر له اكثر من "بلائسى" واحد مثبتين سعر لكل فئة محدش يقدر يكسره، وإلا هل يعقل ان كل الناس اللى استوردت عربيات صينى كلها كانت غبية فى سياسات تسعيرها وحطت اسعار موتت معظم الماركات اللى جابوها ومفيش فكيك واحد منهم فكر يحط سعر منطقى؟

فاللى جرا على العربيات الصينى اللى تكلفة تصنيعها اقل زاليون مرة من تكلفة اللوجان المغربية هيجرا برضه على الللوجان المغربية، واللى بيفكر يعمل راسه براس المعلم بلائسى يفتكر اللى جرا لحسام ابو الفتوح زمان لما لخبط نظام السوق باسعار العربية اللانوس

علشان كدة بقول لكم من ديلوقتى متحلموش كتير، لأن نصير مش غبى، ورقبته اغلى عنده من كام مليون ممكن يكسبهم من تخفيض غير مدروس لسعر اللوجان او غيرها

[A_H_M_A_D]

لو نزلت بالسعر ده يبقى فل قوي
و يبقى فعلا حاتضرب السوق

بس السؤال: حاتنزل إمتى؟؟
و أنا أعتقد من جوايا إنه و قت الجد مش حايقدر ينزلها بفرق 18 ألف عن الفيرنا و اللانوس

[Osama_soliman]

نفسى ونفسى فعلاً اشوف عربية مصرية


حلم

[badry]

فيه حاجة محدش واخد باله منها
حد فاكر فيلم "سلام يا صاحبى"؟ فاكرين المعلم "بلائسى" بتاع الفاكهة، اللى قام بدوره الفنان مصطفى متولى-الله يرحمه- وسياسة التسعير فى السوق. البطيخة باربعة جنيه ولما واحد من تجار القطاعى اعترض على السعر قال له باستهزاء: مش عاجبك السعر بتاعنا اشترى من اى تاجر تانى فى السوق، فرد عليه التاجر الغلبان قائلا: وهو فيه حد يقدر يكسر سعر المعلم بلائسى؟

اللى عايز اقوله ان سوق السيارات فى مصر له اكثر من "بلائسى" واحد مثبتين سعر لكل فئة محدش يقدر يكسره، وإلا هل يعقل ان كل الناس اللى استوردت عربيات صينى كلها كانت غبية فى سياسات تسعيرها وحطت اسعار موتت معظم الماركات اللى جابوها ومفيش فكيك واحد منهم فكر يحط سعر منطقى؟

فاللى جرا على العربيات الصينى اللى تكلفة تصنيعها اقل زاليون مرة من تكلفة اللوجان المغربية هيجرا برضه على الللوجان المغربية، واللى بيفكر يعمل راسه براس المعلم بلائسى يفتكر اللى جرا لحسام ابو الفتوح زمان لما لخبط نظام السوق باسعار العربية اللانوس

علشان كدة بقول لكم من ديلوقتى متحلموش كتير، لأن نصير مش غبى، ورقبته اغلى عنده من كام مليون ممكن يكسبهم من تخفيض غير مدروس لسعر اللوجان او غيرها

سبعاوي باشا
أنا سعيد بيك جدا في المنتدى بعد ماكنت عمال أقرأ البلوج بتاعك بس

سؤال جامد جدا ليك يا باشا: أنت شايف إن حملة خلوها تصدي ممكن تجب نتيجه.......ولا مش ف البلد دي?

يا ريت تفيدنا بخبرتك

[Imhotep]

قيل انها ستنزل فى شهر مارس، وفى اخبار اخرى يونيو، والله اعلم.

[itsonlyme]

أنا مش شايف أي جديد في كلام مدير التسويق.
الرجل لم يحدد لا سعر ولا فترة زمنية ولا مواصفات اضافية للسيارة المجمعة خصيصاُ لمصر.

وفي اتصال حصرى لنايل موتورز بالسيد / ياسر السامولى مدير التسويق في الشركة المصرية العالمية للسيارات EMI ..

علمنا انه لم يتم تحديد سعر نهائى لرينو لوجان المغربية في مصر حتى الان إلا انه من المؤكد ان الفئة الكاملة كلاسيك للسيارة سيكون سعرها ما بين 52 إلى 54 الف جنية مصرى فقط لا غير .

في تناقض في الجمله دي. الفقرة التي قالت أن السعر 52 إلى 54 هل هي اقتباس من مدير التسويق أم أنها اضافة من المحرر؟
سؤال آخر، ما هي الفئة الكاملة كلاسيك؟

[abdelmessih67]

ContactCars
علمنا انه لم يتم تحديد سعر نهائى لرينو لوجان المغربية في مصر حتى الان إلا انه من المؤكد ان الفئة الكاملة كلاسيك للسيارة سيكون سعرها ما بين 52 إلى 54 الف جنية مصرى فقط لا غير .

من الذي أكد تلك المعلومة الهامة التي لو صحت لقلبت كيان السوق المصري ؟؟؟؟؟؟؟؟؟

عموما أنا متوقع ان سعرها سينزل عن الفيرنا و اللانوس الا لو كل التجار استجابوا لحملة خليها تصدي و نزلوا سعر العربيات كلها لتنافس الرينو لوجان بدلا من زيادة سعرها لتقترب منهم و نقول لهم : اتلم المتعوس على خايب الرجا

أو اتلمت لوجان على فيرنا و لانوس

وخليييييييييييييييييييييها تصدي

[محمد ابراهيم 1]

شكلها كده مش حتيجى مصر خالص

[Imhotep]

او حتى لو جت، مش هتعمل الشغل اللى المفروض سعرها يعمله، نتيجة الجشع المعتاد..... يالله خليها هى كمان تصدى مع اخواتها.

[sab3aawy]

سبعاوي باشا
أنا سعيد بيك جدا في المنتدى بعد ماكنت عمال أقرأ البلوج بتاعك بس

سؤال جامد جدا ليك يا باشا: أنت شايف إن حملة خلوها تصدي ممكن تجب نتيجه.......ولا مش ف البلد دي?

يا ريت تفيدنا بخبرتك

اللعبة هى لعبة مين اللى نفسه اطول، لو اشعب استرجل مرة وطول باله العربيات هتنزل هتنزل،
لكن انا فاكر تجربة حصلت السنة اللى فاتت كان احد طرفيها هو الشعب، والشعب كان نفسه قصير ومطولش باله، بالتالى خد على دماغه فى صورة غلاء سعر المواد البتروليه
مشكلتنا اننا بنتحمس جدا لاى مشروع فى البداية لكن بعد شوية ننزل على مافيش او نتلخم فى حاجة تانية، وليس ادل على ذلك من قضية الاطباء المصريين التى انداست تحت جنازير دبابات غرة، اللى هتنداس بدورها كمان شهرين تحت عجلات العربيات اللى مش بترخص او تحت وابل الشتائم الموجهة لأى دولة اجنبية اهان احد وماطنيها مقدساتنا ، او تحت امطار الشجب والتنديد لصعوبة امتحانات الثانوية العامة...الخ
بس مع ذلك انا لسة عندى امل ولو بسيط ان الشعب يسترجل مرة ويتمسك بحاجة
يعنى انا هحكيلك مثال ظريف جدا، انا وبعض اصدقائى حاليا مقاطعين البضائع الأمريكية والاسرائيلية والدنماركية والسعودية ومقاطعين شراء السيارات الجديدة، وكل واحدة من دول لسبب، امريكا حتى يتضح موقفها الجديد فى قضايا الشرق الأوسط، اسرائيل لما ارتكبته فى حق المواطن الغزاوى(وليس حماس)، السعودية بسبب قضية الأطباء، الدنمارك لموقفها المتعنت من اهانة مقدساتنا،شراء سيارات جديدة مشاركة مع الحملة، تعتقد كام واحد من شعبنا يقدر يلتزم بموقف زى ده وميتخلاش عن قضية فيهم لصالح قضية اخرى تحتل قمة هرم الاهتمام فى وقتها،
لذلك فالقصة ببساطة هى لو ان الشعب استرجل مرة وتمسك بقضية المقاطعة التجار هتنخ هتنخ، لو الشعب نفسه انقطع مش بس هناخد على دماغنا، هناخد على كل جزء فى جسمنا يمكن لعصا التجار ان تطوله، العربيات هتغلى، قطع الغيار هتغلى، خدمات السيارات هتغلى، الدنيا هتولع، وهو ده الشئ اللى التجار بيلعبو عليه، ان الشعب نفسه قصير وانهم يقدروا يغطوا مصاريفهم لفترة ، بعدها هيطلعوه على جتتنا اخماسا واسداسا، فالأمل الوحيد حاليا ان الشعب يسترجل