رسالة من موقع رينو بخصوص اللوجان المغربيه

[Ahmed Selim]

أسعار اللوجان فى المغرب
أول فئة = 46930 جنيه مصرى
تانى فئة = 55705 جنيه مصرى
تالت فئة = 64220 جنيه مصرى

الدرهم المغربى يساوى تقريباً 0.65 جنيه مصرى

http://www.dacia.ma/showroom/logan/price.html

[som3aa]

الفئة التانية كويسة اوى علشان فيها airbag للسائق (اعلى فئة فيها للراكب الامامى كمان) , الفئة الاولى مفيهاش power للدركسيون التانية و التالتة فيهم و التالتة فيها كمبيوتر للرحلات , الاولى مفيهاش fog lights التانية و التالتة فيهم , المرايات كهرباء فى اعلى فئة فقط , الRadio- cd موجود فى الفئة التانية و التالتة فقط , الزجاج يدوى فى اول فئة , الريموت لفتح العربية فى الفئة التانية و التالتة فقط.
جنوط 14 فى اول فئتين , الفئة التالتة جنوط 15

[Osama_soliman]

والله كافية كافية كافية انها من دولة اسلامية

[som3aa]

والله كافية كافية كافية انها من دولة اسلامية

لا حول و لا قوة الا بالله
مفيش فايدة

[hesham_tawfiq]

يعنى عشان ال F-16 والدبابه M1-a1 بتتصنع اجزاء منها فى مصر تبئى كفايه انها من دوله اسلاميه ؟!
داحنا على كده مفتريين اوى عشان الاسلحه دى هى اللى ضربت غزه

[som3aa]

يعنى عشان ال F-16 والدبابه M1-a1 بتتصنع اجزاء منها فى مصر تبئى كفايه انها من دوله اسلاميه ؟!
داحنا على كده مفتريين اوى عشان الاسلحه دى هى اللى ضربت غزه

بالظبط كدا , ربنا يباركلك على الكلمتين دول
مش فاهم موضوع عربيات و بتاع واحد يقوم داخل يقول دولة اسلامية , اسلامية ايه؟ اذا كنا احنا المصريين مبنشتريش حاجات مصرية اساسا و بعدين عندنا مصانع تجميع احسن مليون مرة من بتوع المغرب دا فى مصر بنجمع الفئة السابعة و ال s-class و مفيش اى دولة تانية بتجمعهم غير المانيا , نيجى نقول على عربية متواضعة اللى هى اللوجان علشان بتتجمع فى المغرب منتج عربى معترف بيه
لا حول و لا قوة الا بالله

[zeyad1810]

احنا عايزين نعرف سعر العربيه في المغرب علشان نقدر نحدد السعر المناسب ليها في مصر بدل ما كل واحد عمال يضرب سعر كده و خلاص

اتفق معاك وخصوصا انها من غير جمارك

[aboabdo]

سالت امس عن سعر السيارة في التوكيل في سور نادي الزمالك قال لي مندوب المبيعات أن الحجز قد بدأ وأن سعر الهاف اوبشن ب 64 ألف والكاملة ب 68 ألف

[A_H_M_A_D]

خلي بالكم يا جماعه
على حسب الكلام اللي جالي في الرد بتاع الشركة حاتكون اللوجان اللي فتحوا ليها باب الحجز دي روماني برضه مش مغربي , لكن بأسعار أقل شوية عشان يجذبوا الناس
إنما المغربي حاتنزل في نص مايو , و طبعا المفروض إنها تكون أرخص من الروماني عشان من غير جمارك

[A_H_M_A_D]

الأسعار نزلت أخيرا إمبارح في كونتاكت كارز:

http://contactcars.com/News_ViewStory.asp?NewsID=2690

قالوا حاتبدأ من 56 ألف أول طراز , إلي 67 ألف أخر طراز وعلى حسب الكماليات

يعني هما نزلوا حوالي ألف جنيه عن السعر اللي إتبعتلي في الإيميل عشان ظروف السوق , و أول نزولها في مايو

[ahmedbakr50]

أسعار مبالغ فيها بعدم وجود جمارك
وشكلها هتصدى هيه كمان على الأسعار دى

[A_H_M_A_D]

أنا كلمت التوكيل النهارده في التليفون و سألتهم عن إمكانيات كل طراز , و كانت الإجابه كالتالي:

1/ 55900 جنيه - بدون أي كماليات و لا حتى التكييف

2/ 62900 جنيه - تكييف , باور , سنتر بدون ريموت , 2 سماعه , 2 زجاج كهرباء أمامي , راديو سي دي

3/ 66900 جنيه - يزيد على اللي قبلها إنها 4 زجاج كهرباء + 4 سماعات + السنتر بالريموت + فوج لايت

أول تسليمها حايكون في مايو , و الدفعه الأولى تم حجزها بالكامل
الغريب إني لما سألتهم عن الروماني اللي بنفس تمن المغربي قالوا إن معدش فيه روماني خلاص !! (على حسب كلامهم )