رينو ميجان 99

[day22222222]

رينو ميجان 99
اريد معرفة كل شىء عندها هى 1600

[Ahmed Selim]

محمد عادل أمين هو اللى هيقدر يفيدك

أبعتله أيميل لو مردش فى الموضوع ده....جايز مايخدش باله من الموضوع.

[day22222222]

يا زعيم السلام عليكم اولا
ميجان عربية حلوة و انا عايز اشتريها امامى موديل 99
انا عايز اعرف قطع الغيار اخبارها اه
عربية موديل حلو ولا فى عيوب وانا بحثت فى المنتدى و اجد شىء عندها و ارجو الافادة

[Mohd_Adel_Amin]

انا تحت امرك لو احتجت تسأل عن اي حاجة تخص العربية ..
وبالنسبة لقطع الغيار هي موجودة في التوكيل وفي مراكز قطع غيار رينو المعتمدة ومعرفش بصراحة هي موجودة فين في القاهرة بس في اسكندرية قطع غيارها سهلة جدا الحمد لله وقطع غيار المستعمل مش منتشر قوي في الحرفيين مش عارف ليه مع اني قعدت يوم كامل الف عند بتوع الرينو هناك بس لقيت ليها قطع غيار استعمال في اسكندرية بسهولة برضه ...
بالنسبة لأسعار قطع الغيار هي في حدود 70الى 90 % من اسعار الميجان 2 .
العربية موتورها ممتاز جدا وعفشتها ثباتها رائع .
من الآخر العربية لا غبار عليها ولا تتخيل العربية بتاعتي استحملت البهدلة قد ايه ربنا يديلها الصحة بس في الأول والآخر موديلها قدم وعوامل الزمن ظهرت عليها ولازم علشان تجيب واحدة مستعملة يبقى صاحبها كان واخد باله منها كويس جدا جدا .. انا الحمد لله مش بسيب فيها حاجة علشان كده شغالة معايا بفضل الله .
نصيحتي انك لازم تكون ضامن تماما العربية اللي هتشتريها علشان متتعبش في ارجاعها لحالتها الأصلية وان لم يكن وانتا غاوي رينو يبقى نصيحتي انك تشوف كليو مستعملة موديلها جديد وهتديلك كفائة ممتازة جدا .
ولو احتجت تعرف اي حاجة عن العربية هكون سعيد باني اعرفها ليك ..

[hdhdhamam]

على فكرة العربية الميجان 99 اقوى من الكليو واكبر منها حيث ان موتورها 1600 في حين ان الكليو 1200 فقط بالاضافة لوسع الصالون والشنطة الكبير بالمقارنة بالكليو وبعدين قطع غيارها موجود منها جديد ومستعمل في محلات في فيصل حسن محمد وكذلك في المهندسين ناحية ميت عقبة وكذلك في المعادي ناحية صقر قريش وده جديد ومستعمل ومراكز خدمة متخصصة للرينو فقط بالاضافة ان توكلها سواء بالعبور او المقطم هم ناس محترمين جدا عن تجربة ومحترفين للغاية وربنا يوفق