مشكلة غريبة محتاجة تفسير بخصوص كليو 2002

[melsatar]

السلام عليكم

يارب يكون الجميع بخير إن شاء الله ، الموضوع إن العربية اول لما بشغلها تبقى تمام و تمشى تمام و تسحب عادى لحاد 170

المشكلة بعد فترة لما أكون ماشى على الغيار الأول - التانى - او حتى التالت العربية بتبقى بترتل فجأة بحس أكنها عطشانة بنزين - حتى لو دايس البنزين على الأخر بتاخد فترة لحد ما تزيد السرعة بتعتها

و لما أكون واقف خالص و بزود بنزين و أسيب و أزود تانى بتبدأ تترتل أكنها هتقف و بعدين بسمع صوت فرقعة كدة خفيف أوى

لو حد عنده تفسير ياريت يقول حتى لو شك فى حاجة معينة

الموضوع ده بدأ يحصلى بعد سفر على 170 - 180 لمدة ساعة و نص

مستنى رأيكم و إيفادتكم و شكرا

[Ahmed Selim]

مع أنى مش عارف العربية كليو ولا ميجان و لا أيه بس حسب وصفك ممكن تشك فى كذا حاجة فى دورة الأشعال
ممكن نوع بنزين مش نضيف مع السرعة العالية اللى كنت عليها سد فلتر البنزين شوية......أو الطرمبة نفسها....ممكن تكون البوجيهات فيها حاجة ..... أعتقد حاجة من دول بس مش متأكد.

[melsatar]

العربية كليو 1200 مو 2002

[Ahmed Selim]

نداء الى عمرو عمارة و أكمل حمدى......

أكيد وحوش الكليو هيفيدوك أكتر منى.

[معتز]

من تجربتى ..الفلتر محتاج يتغير....

[melsatar]

طيب إشمعنى فى السرعات العالية بس و الفيلتر مكملش 7,000 كيلو

[akmal_hamdi]

أكشف على البوجيهات أولاً و بعدين
بص يا باشا عندك 3 أحتمالات
1
ممكن زى ماأحمد قالك الطرمبه بتقطع لما العربيه بتسخن ودى ممكن تكشف عليها تشغل الكونتكت بس مدورش العربيه وتسمع الطرمبه وهيا بتحضر بتقطع ولا بتدى الزنه بتاعتها الطويله ولا بتقطع ماشى .
2
موبينه التكرير تكون مبتديش العربيه الكهربا المظبوطه للعربيه على سرعات(زياده-او نقصان ).
3
العيب الثالث ده متوقف تقولى بتعتل فى الدواره ولا لأ و أوقات وانت بتجرى تحس ان العربيه ال rpm بيوطه و انها عايزه تبطل ده يكون سبيد سنسور وده احتمال كبير.

[عمرو عمارة]

أعتقد زي ما د.أكمل قال.....البوبينة ممكن يكون فيها مشكلة أو البوجيهات

[mm110]

عملت معايا كده مرة وغيرت فلتر البنزين ورجعت زي الفل وكان عامل 6000 كم بس إتسد غالبا لما حطيت بنزين من محطة مش كويسة أنى معودها على بنزين محطة واحدة بس وهي اللي معايا كليو 1200 على V 16 موديل 2002وكنت فاكرها بوبينة التكرير بس الحمد لله طلع الفلتر .

[melsatar]

الطلمبة شغالة كويس و بتسحب من غير تقطيع - و كمان العربية مش بتبقى سخنة خالص بالعكس بيبقى المؤشر على أوطى حاجة - فى حاجة كمان بتحصل لما أكون على التانى و بهدى عشان أفادى مطب و لما العربية تجمع سرعة التانى العادية بسمع سوت رجة جامدة فى المطور مش ترتلة بس تحس تخبيط أكنها بتقوم و فى فرامل منعها مثلا

[lion99990]

المشكلة بعد فترة لما أكون ماشى على الغيار الأول - التانى - او حتى التالت العربية بتبقى بترتل فجأة بحس أكنها عطشانة بنزين - حتى لو دايس البنزين على الأخر بتاخد فترة لحد ما تزيد السرعة بتعتها

و لما أكون واقف خالص و بزود بنزين و أسيب و أزود تانى بتبدأ تترتل أكنها هتقف و بعدين بسمع صوت فرقعة كدة خفيف أوى


مستنى رأيكم و إيفادتكم و شكرا

انا بتهيألى ان المشكله عندك ان فيه كويل عايز يتغير لان اللى انت بتقوله كان حصل معايا مره
بحس انى عايز ازود العربيه بنزين بس مفيش استجابه و ده خطر عشان كده فيه بستم او اكثر مش شغال فتبقى العربيه تحس ان هيا ضعيفه فلازم تروح مركز صيانه يغيرلك الكويل و بعد كده كله حيبقى تمام

[melsatar]

انا بتهيألى ان المشكله عندك ان فيه كويل عايز يتغير لان اللى انت بتقوله كان حصل معايا مره
بحس انى عايز ازود العربيه بنزين بس مفيش استجابه و ده خطر عشان كده فيه بستم او اكثر مش شغال فتبقى العربيه تحس ان هيا ضعيفه فلازم تروح مركز صيانه يغيرلك الكويل و بعد كده كله حيبقى تمام

طيب و ده يتكلف كام يا باشا

[lion99990]

الكويل الواحد بيعمله تقريبا 520 جنيه

[Ahmed Selim]

الكويل الواحد بيعمله تقريبا 520 جنيه

ده فى التوكيل

بس أعتقد المشكلة عنده مختلفة شوية.....هو حضرتك بتحس أن العربية ماشية 3 سلندر مثلاً معاك ؟؟؟؟؟؟

عموماً فى واحد فى المعادى معرفة أيمن مومو عنده كويلات أرخص من كده....ب 300 تقريباً أو 250 كمان.......أسأل momo10000 عليه هيدلك.

[lion99990]

وبرضه بلاش تحرق فى العربيه ياريت متمشيش غير على سرعه هاديه لغايه متجبلها الكويل بس عشان ميأثرش عليها لغايه ما إن شاء الله تتظبط و يبقى مفهاش مشكله على فكره فك و تركيب الكويل سهل جدا انت ممكن تركبه بنفسك بس محتاج تعرف اى كويل هوا اللى فيه مشكله
هما بيبقوا اربعه كويل معشقين فى البوجيهات و بيكون لون الوش بتاعهم رمادى و لما بيتغيروا الجديد لون الكويل من وشه نبيتى