محتاج رأيكم فى شراء ميجان موديل 2005

[ahmed_gamal]

للاسف يا جماعة العربية طلعت اي كلام و طلع ملعوب في عددها و المريات مش شغالة و قالي ان في ترس كده مش عارف في ايه عايز يتغير وده بيخلي العربية تعمل صوت خشونة كده و هي بتدور كل ده ظهر لما بينتلوا اني فاهم مش واخدها بالشكل و خلاص
بس انا لسة مصمم عليها ونزلت في السعر لحد 67 بس مش هخودها بردو

و في حاجة سمعتها من شخص محترم و المفروض انه بيفهم في العربيات و مش بيركب غير الماني قالي ان العربية دي مش حلوة في الصيف و بتسخن كتيير ياريت الافادة في الموضوع ده

وحاجة تاني معلش يا وحوش هتاقل عليكوا الراجل صاحب المعرض ده قالي اني ممكن بالتليفون اعرف ان كانت العربية عاملة صيانة ولا لا عن طريق رقم العربية هل الكلام ده صح

[Amr_Moh]

ولايهمك يبو حميد ان شاء الله تالاي أحسن منها
أهم حاجة متخترش السعر الرخيص
ثانياً الحالة الداخلية والكهربا والمكنيكة أهم من الحالة الخارجية

لو تعرفنا ميزانيتك ول كمالية المطلوبة, حالك لو ادامي حاجة

[ahmed_gamal]

ولايهمك يبو حميد ان شاء الله تالاي أحسن منها
أهم حاجة متخترش السعر الرخيص
ثانياً الحالة الداخلية والكهربا والمكنيكة أهم من الحالة الخارجية

لو تعرفنا ميزانيتك ول كمالية المطلوبة, حالك لو ادامي حاجة

شكرالرد ك يا عمور وميزانيتي في حدود 75الف مش هدزيد جنيه ...والكماليات الي انا عايزها تاني فئه في الاتوماتيك..يعني مش عايزها بانوراما

[Ahmed Selim]

للاسف يا جماعة العربية طلعت اي كلام و طلع ملعوب في عددها و المريات مش شغالة و قالي ان في ترس كده مش عارف في ايه عايز يتغير وده بيخلي العربية تعمل صوت خشونة كده و هي بتدور كل ده ظهر لما بينتلوا اني فاهم مش واخدها بالشكل و خلاص
بس انا لسة مصمم عليها ونزلت في السعر لحد 67 بس مش هخودها بردو

و في حاجة سمعتها من شخص محترم و المفروض انه بيفهم في العربيات و مش بيركب غير الماني قالي ان العربية دي مش حلوة في الصيف و بتسخن كتيير ياريت الافادة في الموضوع ده

وحاجة تاني معلش يا وحوش هتاقل عليكوا الراجل صاحب المعرض ده قالي اني ممكن بالتليفون اعرف ان كانت العربية عاملة صيانة ولا لا عن طريق رقم العربية هل الكلام ده صح

معلش قدر الله و ما شاء فعل يا باشا.....

العربية دى ولله الحمد مفيهاش أى مشاكل تتعلق بالسخونة فيها......يعنى أنا حتى معرفش حد حصل معاه مشكلة سخونة.

ممكن طبعاً بالتليفون بس اللى هيحصل بالتليفون أنهم هيقولولك العربية عملت عندهم صيانات أيه....بس معتقدش أنه هيديك تقرير بحالة العربية و محتاجة حاجة ولا لأ على التليفون.

[Sharky]

و في حاجة سمعتها من شخص محترم و المفروض انه بيفهم في العربيات و مش بيركب غير الماني قالي ان العربية دي مش حلوة في الصيف و بتسخن كتيير ياريت الافادة في الموضوع ده

الشخص دا هل هو مالك لميجان ؟؟
و لا جاب المعلومة دى منين
أصل انا أول مرة أعرف المعلومة دى !!!

[عمرو عمارة]

ده بالعكس....الألماني هو المشهور بزيادة السخونة وخاصة الأوبل

[chato_eg]

شوف يا أستاذ أحمد....
يا ما هتسمع كلام عن الرينو و الميجان
إللى يقولك دى بتسخن و العربية فيبر و الكمبيوتر بيهنج و لما يبوظ بيتغير بمليون جنيه و حاجات كتير أوى.....
نصيحة ....يا تسمع من أحد الملاك الفعليين يا تراجع المواضيع المطروحة هنا...
و لو حد قالك "إللى معاه الرييينو الله يعينوه "...ابقى قوله الله يعينك انت علشان مش راكبها

[ahmed_gamal]

معلش قدر الله و ما شاء فعل يا باشا.....

العربية دى ولله الحمد مفيهاش أى مشاكل تتعلق بالسخونة فيها......يعنى أنا حتى معرفش حد حصل معاه مشكلة سخونة.

ممكن طبعاً بالتليفون بس اللى هيحصل بالتليفون أنهم هيقولولك العربية عملت عندهم صيانات أيه....بس معتقدش أنه هيديك تقرير بحالة العربية و محتاجة حاجة ولا لأ على التليفون.

ربنا يطمنك يا استاذ احمد
وبالنسبة للتليفون انا فعلا مش عايز غير اني اعرف هي عاملة صيانة ولا لا علشان البهدلة و اتفق علي السعر و اظبط و في الاخر تطلع مش عاملة صيانتها و معظم الناس بتكدب و تقول انها عاملة الصيانة و تطلع مش عاملها او عاملها برة

الشخص دا هل هو مالك لميجان ؟؟
و لا جاب المعلومة دى منين
أصل انا أول مرة أعرف المعلومة دى !!!

هو بصراحة مش مالك للميجان هو كان معاه اوبل فيكترا و حاليا بي ام دبليو والمعلومة دي من تجربة صديق ليه

ده بالعكس....الألماني هو المشهور بزيادة السخونة وخاصة الأوبل

هو قالي كده فعلا من تجربة شخصية ليه و قالي ان تكييف الاوروبي كله كمان مش قد كده

شوف يا أستاذ أحمد....
يا ما هتسمع كلام عن الرينو و الميجان
إللى يقولك دى بتسخن و العربية فيبر و الكمبيوتر بيهنج و لما يبوظ بيتغير بمليون جنيه و حاجات كتير أوى.....
نصيحة ....يا تسمع من أحد الملاك الفعليين يا تراجع المواضيع المطروحة هنا...
و لو حد قالك "إللى معاه الرييينو الله يعينوه "...ابقى قوله الله يعينك انت علشان مش راكبها

متشكر جدا علي النصيحة و جاري العمل بها

[ahmed_gamal]

يا وحوش في قدامي عربية موديل 2005 ماشية 26000 كيلو بانوراما خليجي سوداء رشة اكصدام و رفرف مطلوب فيها 75 الف نهائي
بس المشكلة في حاجة ان صاحبها كان بيشتغل في التوكيل و دلوقتي فاتح مكان ليه مع نفسه و بيعمل صيانتها هو و بيتاجر في الرينو انا مقلق من الموضوع ده بس انا جربت العربية و حالتها حلوة جدا

المفروض اني اشوفها تاني بكرة بالنهار علشان انا شفتها بليل ليا طلب عند الوحوش و اتمني انهم مايخيبوش ظني يعني لو امكن حد يجي يبص عليها معايا يبقي وحش بجد وعلشان ماتدبسش و اكيد هو هيعرف ان كانت العربية حلوة ولا لا

[tamer_samy]

الراجل ده اسمه ايه و فاتح فين
لو في المعادي يبقي انا اعرفه

[Amr_Moh]

يا وحوش في قدامي عربية موديل 2005 ماشية 26000 كيلو بانوراما خليجي سوداء رشة اكصدام و رفرف مطلوب فيها 75 الف نهائي
بس المشكلة في حاجة ان صاحبها كان بيشتغل في التوكيل و دلوقتي فاتح مكان ليه مع نفسه و بيعمل صيانتها هو و بيتاجر في الرينو انا مقلق من الموضوع ده بس انا جربت العربية و حالتها حلوة جدا

المفروض اني اشوفها تاني بكرة بالنهار علشان انا شفتها بليل ليا طلب عند الوحوش و اتمني انهم مايخيبوش ظني يعني لو امكن حد يجي يبص عليها معايا يبقي وحش بجد وعلشان ماتدبسش و اكيد هو هيعرف ان كانت العربية حلوة ولا لا

أول مرة أعرف إن ال-٢٠٠٥ الخليجي كان فيه منها بفتحة سقف

الراجل ده اسمه ايه و فاتح فين

[Ahmed Selim]

الراجل ده اسمه ايه و فاتح فين

الراجل ده اسمه ايه و فاتح فين

أضم صوتى لصوت الوحوش

+ أنت هتبص عليها فى منطقة أيه ؟؟

[ahmed_gamal]

اسمه محمد عبد المنعم
وفي المعادي في صقر قريش
والمفروض اني هقابله انهارده علي الساعة 4

[ahmed_gamal]

المنطقة لسة مش عارف بس غالبا في المهندسين

[Sharky]

أول مرة أعرف إن ال-٢٠٠٥ الخليجي كان فيه منها بفتحة سقف

الراجل ده اسمه ايه و فاتح فين

انا كمان أول مرة أعرف إن فيه خليجى 1600 سى سى فيه فتحة سقف
إللى ممكن يأكد لنا المعلومة دى محمد مصطفى

لو المكان فى مصر الجديدة او مدينة نصر بعد الساعة 6 ممكن اجى معاك لإن شغلى فى مصر الجديدة و بخلص 6 تقريبا