ما هى أسعار الميجان 2005 حاليا ؟

[Sharky]

[quote=tamer_samy;665052]

انا في واحد قريبي النهارده كان في سوق السيارات النهارده و شاف واحده 2005 فابريكه بالكامل العداد عامل 80000كم كان مطلوب فيها 67000 جنيه
بصراحه انا شايف انها قليله شويه انا قولتله يكشف في التوكيل


انا اعتقد ان السعر المعقول يبقي في حدود ال70000 جنيه
السلام عليكم يا وحوش
قريبي راح كشف علي العربيه عند الزيني بجسر السويس مع اني اكدت عليه يروح التوكيل
المهم طلع ريبورت فيه لسته حاجات عايزه تتغير
مقصات و بارات دركسيون و كاوتش و 4 جنوط محتاجه استعدال و المصيبه الكبيره الفتيس الستبترونيك مش شغال الراجل صاحب العربيه او التاجر مش عارف بالظبط قالو انا هظبطهالك الفتيس ده محتاج واير و لا مش عارف ايه
و العداد معدي ال100كم و تقريبا ملعوب فيه
بقولو هاه و عملت ايه قالي كنسيل البيعه قولتلو احسن حاجه عملتها
هو كان شبطان في العمليه لانه كان هيدخل دي في عربيته الصني و هيدفع 13000 جنيه
الحمد لله عدت علي خير
ادي عينه من سوق السيارات المهم ان السياره فابريكه من برا و جوه

و يجى بعد كده إللى حيشتريها و يكتشف بعد مايمشى بيها إن دى عربية بتعطل و تعبانة و مصاريفها كتير
و يجيب الغلط على العربية و التوكيل
و المشكلة أصلا مش فى العربية المشكلة فى صاحبها إللى مهمل فيها و نصاب كمان

[heema78]

أعلانات الجرايد و الوسيط..........أو لو أنت على أستعداد تدفع بمعدل 5000 جم زيادة عن سعر العربية فى السوق عشان تبقى مطمن أنك بتاخد عربية نضيفة يبقى كلم التوكيل.

اكلم التوكيل؟؟ معلش ممكن توضح؟ يعني هو التوكيل بيتعامل في المستعمل او يعني مين في التوكيل الواحد المفروض يكلمه عشان يساعده او يدله علي عربية مستعملة استعمال نظيف؟؟

شكرا