قصة شرائي لميجان 2005

[chato_eg]

أولا لازم تكون هناك شهادة براءة الذمة ( يعنى شهادة من نيابة المرور التابع لها البائع بتقول إنه لا يوجد مخالفات أو تم تسديد كل المخالفات بالفعل )
الحاجة التانية اسمها شهادة بيانات
لما تطلع شهادة البيانات
بتطلع أوتوماتيك من نسختين
و فى نموذج طلب للشهادة
بتكتب فى النموذج ده الشهادة دى موجهة لمين
تأكد إن النسخة الأولى تكون موجهة للمرور إللى أنت تابع ليه
و النسخة الثانية لمكتب الشهر العقارى التابع له " البائع " و هو ده إللى إنت هاتسجل فيه

لو رحت تسجل فى الشهر العقارى من غير شهادة البيانات الموجهة لذلك المكتب ...مش هاتمشى ( خصوصا لو الرخصة إللى على ورق مش كمبيوتر )
هو كده كده البائع لا يحتاج شهادات البيانات دى...فإنت تطلع نسخة لمرورك و نسخة للشهر العقارى بتاع البائع...

فى الشهر العقارى يوجد نماذج ثابتة لمسألة بيع العربيات و الإجراءات واضحة و محددة...فلا تقلق

موضوع الفلوس....لازم تتفق مع البائع على طريقة التسديد مقدما طبعا

[tamer_samy]

اولا مرحبا بك في خظيره الوحوووووووش
ثانيا مبروك مقدما علي العربيه ربنا يدلك خيرها و يكفيك شرها
ثالثا
1 عقد ابتدائي من نسختين و يتم تسجيل جميع البيانات و المبلغ و انت هتدفع كام و الباقي كام و الاستلام امتي و كل حاجه و يتم التوقيع من البائع و المشتري لكل واحد نسخه
2 شهاده مخالفات (شهاده براءه الذمه) دي اللي بيجبهالك صاحب العربيه لو الرخصه ساريه
3 توكيل بيع للنفس و للغير و التعامل مع المرور او عقد مسجل بس ده مصاريفه زياده شويه بس ده الاحسن و الاضمن ليك
بالنسبه لشهاده البيانات مش هتحتاجها لا في الشهر العقاري و لا في المرور لو الرخصه ساريه هتبقي مصاريف علي الفاضي اصلي لسه مسجل عربيه المدام و اخدت يوم كامل في مرور فيصل عشان اطلع شهاده بيانات و في الاخر الشهاده معايا في البيت الشهاده الواحده بتاع 30 جنيه
4 تروح علي المرور و معاك العقد المسجل لو هتنقل الملكيه باسمك و تعمل اجراءات المرور لو العربيه عليها فحص او تجديد و لو المرور اللي هي تبعه غير المرور اللي انت تبعه بتفك النمر و بتعيش حياتك في المرور
اخيرا ربنا يوفقك و الف مبرووووووووك يا وحش
معلش انا طولت عليك

[Amr_Moh]

المفروض ان العربية دلوقتي هتخلص على 68 الف جنيه بس انا برضو ناوي اطلع تييييت الراجل لحد مخدها ب 67 زي مكنت عامل حسابي على الاول

المفروض اننا هنتقابل بكرا عشان نخلص



تشكرات

متنشفاهش أوي عراجل. وعمل حساب اليوم الحتنزل تبيع فيه

لو فلوسك مش كاملة فرصتك فالفصال بتكون أضعف

الله الموفق

[mirageman]

الف شكررررررررر للوحوش فعلا ونعم التعاون والاخوية
وعلى فكرة حتى لو البيعة دي متمتش انا فعلا كسبت
اخوان جداد نادرا محد يلاقيهم


عمرو باشا انا مش بنشفها عليه والا حاجة بس انا فعلا مش شايف ان العربية تستاهل اكتر من كدا وهو الراجل لو لقى حد يديلو اكتر كان ادالة
هوا اعلى سعر جالو فيها 65
يعني انا مش بظلمو حاش لله انا الحمد لله مش كدا
وبالنسبة للفلوس هي جاهزة وكل حاجة هما كلهم بالظبط اسبوعين عشان اقدر اسحب باقي الفلوس من الوديعة عشان هيبقى في خسارة كبيرة لو كسرتها
ومش هيكون فاضلو غير 25 الف بس
يعني كللو تمام ان شاء الله بس انتا ادعيلي


ومعاكم حتى النهاية


تشكرات

[Amr_Moh]

الله الموفق