Cover للميجان الهاتشباك

[chato_eg]

أنا حبيت أشارككم بالصور بتاعت الغطاء إللى اتعمل فى عربية العقيد خالد....
هو فى الواقع كان فى مشكلة فى الغطاء الجديد إللى هو طلبه و بعد تبديله برضه كانت المشكلة موجودة و فى الحقيقة هو تطوع مشكورا جدا للحضور إلى مقر المصنع لعمل غطاء جديد تماما تحت إشرافى لضمان إنه يكون Perfect قدر المستطاع...
و طبعا علشان حسن النوايا من طرف العقيد خالد و علشان دى عربية حبيبة الكل فربنا وفق للغطاء بالشكل الرائع ده...
أنا شخصيا بأعتبره أحسن غطاء لسيارة سيدان أنا عملته فى حياتى بالرغم من إنها كانت المرة الأولى منذ 8 أشهر إللى أعمل فيها غطاء و كنت مشدود جدا بصراحة خصوصا إنى لازم أتأكد من إن العقيد خالد يروح البيت اليوم ده و الغطاء بتاعه فى شنطة العربية...

فالحمد لله الموفق من قبل و من بعد ....

أنا النهاردة اتكلمت مع مدير التسويق و هو ممكن يقبل بسعر 180 للغطاء الواحد....طبعا أنا ما قدرتش أنزل السعر أكتر من كده لإن العدد المطلوب حتى الآن هو 2 ( 1 لمحمد مصطفى و 1 لأحمد عبد المقصود )...فعلا لو جمعنا عدد أكتر من كده ( 10 مثلا ) ممكن السعر ينزل شوية...خصوصا إن التوكيل لم يعد يقبل على شراء أغطية للميجان زى زمان لما كان بيهدى غطاء على كل سيارة....فبالتالى إنتاج أغطية للميجان متوقف منذ فترة طويلة و الأغطية هتنتج خصيصا للوحوش...
أجدد شكرى للعقيد خالد على تعبه فى المشوار...و لو فى حد عايز يقول لى .....
و إن شاء الله الأغطية المطلوبة تكون تم إنتاجها فى أسبوع بالكثير و أنا هأتابع الموضوع....

[ضيف]

أخي في الله هاني
الحقيقة مش عارف أقول إيه بعد كلامك الجميل و مجهودك الرائع للوصول لمنتج بهذه الروعة
بصراحة أنا اللي بشكرك بإتاحة الفرصة لي بزيارة المكان و التعرف على ناس أخلاقهم عالية و رؤية كم التعب المبذول منك و فريق العمل .
أحييك و أكثر الله من أمثالك

[Fadi Ezzat]

هو دة الشغل اية الكوفرت الجامدة دى يامان

[mmffor]

لو عملوا الغطاء اخروا 150 جنيه لأنه صناعه محلي! الصيني بيجي فيه كل المواصفات دي و ب 80 او 90 و اخره 150

[chato_eg]

لو عملوا الغطاء اخروا 150 جنيه لأنه صناعه محلي! الصيني بيجي فيه كل المواصفات دي و ب 80 او 90 و اخره 150

فيه غطاء صينى بيكون على مقاس العربية بالظبط ؟؟؟
بيكون مطبوع باللوجو بتاع الشركة المنتجة بالمساحة دى ؟؟
لا أعتقد إن الأستك فى الطرفين الأمامى و الخلفى بيكونو بنفس الحجم و القوة و طريقة التركيب
ثم دعنا لا ننسى إن الخامة غير محلية الصنع