مشكله في الدواره صباحاً

[Ramy_Tantawi]

السلام عليكم ورحمة الله وبركاته .

ازيكم يا وحوووووووووووووش كلكم واحشني والله جداًَ جداً ....

عندي كام مشكله كده ظهرت تاني يوم اشتغلت فيه سبحان الله.

المشكله الاولى / لما بادور العربيه الصبح وانا رايح الشغل العربيه تدور وتطفي في ساعتها ......تفضل تعمل كده وماتدورش غير لما ادوس بنزين وانا بدور !!!مش فاهم ايه المشكله دي بالظبط لكن ظهرت معايا من فتره وانا مش فاضي وقلت مش مشكله لما افضى.....لكن اليوم الصبح المشكله كبرت وانا بدور العربيه المارش فضل شغال حوالي 5-6 ثواني والموتور مش بيلقط ابداً !!ده غير ان صوت المارش اتغير كمان في اوله صوته طبيعي لكن بعد كده تحس ان في حاجه بتتزحلق او بتلف على الفاضي ......مش عارف وصل اللي اقصده ولا لأ .

المشكله التانيه / في الزحمه دلوقتي الكلكس مش بيشتغل معايا مش عارف ليه ...انا حاسس انه ضعف بطاريه او حاجه كده لانه بيظهر بس لو في زحمه او لو واقف بالعربيه فتره ومشغل الكاسيت والعربيه مش شغاله الكلكس الاقيه مش شغال.....بعالج الموضوع ده وانا في زحمه اول ما الاقي الكلكس وقف ازود بنزين عشان يشتغل...هل دي مشكله بطاريه ولا ايه!!!!

المشكله التالته / نزلت تاني يوم من الشغل لقيت الباب اليمين مخبوط خبطه عجيبه مش مخدوش ولا متجرح لكن داخل لجوه وشكله سيء جداً...المهم قلت قدر الله وماشاء فعل مش مشكله بس المشكله اني حاسس ان قفلته مش طبيعيه فا محتاج اصلحه او ارده على البارد عشان مافيش وقت خالص لحوارات التأمين الكلام ده كله فا هل من سبيل ان التوكيل يصلحه على البارد كده ولا لازم يترش !! انا عارف ان نظري كده مش هاتعرفوا تفيدوني انا هحاول اصور الباب ان شاء الله ونشوف نعمل فيه اييه.

مش فاكر اذا فيه مشاكل تاني ولا لأ كفايه كده لغاية دلوقتي ولو افتكرت حاجه تاني هاكتبها على طول ان شاء الله.

تحياتي يا وحوووووش ويا رب نشوفكم قريب ان شاء الله .

[hamata]

بالنسبة لموضوع تدوير العربية و الكلاكس ده حصل معايا كمان الكمبيوتر ممكن يهنج و ده كان بسبب البطارية

[akmal_hamdi]

رامى قبل متعمل اى حاجه غير البطاريه الأول

[chato_eg]

معلش يا رامى
إن الله مع الصابرين
ابقى إقرأ المعوذتين كل يوم الصبح و إنت بتسخن العربية
احتمال كبير أوى البطارية هى إللى فيها المشكلة
جرب تكشف عليها عند أى بتاع بطاريات
و الحمد لله إن البطارية عملت مشاكل ليها أعراض ...الطبيعى إنها بتنهار فجأة و العربية ما تدورش من أساسه
ابقى طمنا...و ربنا معاك

[Ahmed Selim]

حبيب قلبى رامى باشا

روح لحد يشوفلك شحن البطارية الأول

أنا لما قالولى فى التوكيل أنها عاوز تتغير كان اللى بيحصل أن العربية و أنا بدورها بتطول شوية و تحس أنها بتدور بصعوبة......وبعد كده تدور
روحت لواحد يشوفلى الشحن قالى الشحن كويس و رجعت التوكيل قلت لمهندس تانى شافها وقاللى برضه البطارية......غيرت البطارية و الدنيا أتظبطت زى الفل الحمد لله.

موضوع الكلاكس غالباً بسبب البطارية أو الشحن فيه مشكلة عندك.

موضوع الباب و التوكيل....أولاً قدر الله وما شاء فعل
ثانياً التوكيل مش هيعمل القصة دى معاك.....لازم يرش أو يغير.....أنا بقترح عليك أنك تخلى حد من التأمين يجى يعاين و تقوله أنك مش هتعملها دلوقتى عشان وقتك ميسمحش....وبعد المعاينة ممكن تروح للميكانيكيون العرب يظبطولك قفلة الباب مؤقتاً لحد ما أنت تروح التوكيل تسمكره.

و ألف سلامة عليك وعلى عربيتك يا باشا

[tamer_samy]

رامي باشا صباح الفل
قدر الله و ما شاء فعل المؤمن دايما مصاب
دي عين الشغل ربنا يحفظك و يباركلك و يكرمك و الف سلامه عليك
انا برضه عندي عين من يوم ما جبت العربيه الصغيره للمدام
امبارح شريط الايرباج للميجان اتقطع و العربيه التانيه لاقيت المدام بتقوللي فيها صوت كده عند الدواره و مش بتدور اما روحت امبارح من الشغل بدورها تقريبا المارش عاوز جلبه او صيانه بكره اروح اشوفه ان شاء الله
و الحمد لله علي كل شيء

[momenhamdy]

استاذ رامي قدر الله و ماشاء فعل
ان شاء الله يكون العيب بسيط
ويكون زي ما الاخوه قالوا لحضرتك و تكون البطارية

حبيب قلبى رامى باشا

روح لحد يشوفلك شحن البطارية الأول

أنا لما قالولى فى التوكيل أنها عاوز تتغير كان اللى بيحصل أن العربية و أنا بدورها بتطول شوية و تحس أنها بتدور بصعوبة......وبعد كده تدور
روحت لواحد يشوفلى الشحن قالى الشحن كويس و رجعت التوكيل قلت لمهندس تانى شافها وقاللى برضه البطارية......غيرت البطارية و الدنيا أتظبطت زى الفل الحمد لله.

موضوع الكلاكس غالباً بسبب البطارية أو الشحن فيه مشكلة عندك.

موضوع الباب و التوكيل....أولاً قدر الله وما شاء فعل
ثانياً التوكيل مش هيعمل القصة دى معاك.....لازم يرش أو يغير.....أنا بقترح عليك أنك تخلى حد من التأمين يجى يعاين و تقوله أنك مش هتعملها دلوقتى عشان وقتك ميسمحش....وبعد المعاينة ممكن تروح للميكانيكيون العرب يظبطولك قفلة الباب مؤقتاً لحد ما أنت تروح التوكيل تسمكره.

و ألف سلامة عليك وعلى عربيتك يا باشا

استاذ احمد هو البطارية الجافه بتتقاس زي العاديه و لا في اختلاف و هل ممكن البطارية الجافه برده تنام زي العاديه بمعني ايه اسباب تلف البطاريه الجافه والي يخليها مش شغاله

[Ramy_Tantawi]

جزاكم الله خيرا يا جماعه .....انا شايف الاجماع ان المشاكل معظمها من البطاريه وانا اقتنعت فعلاً بده بس اكشف على البطاريه عند اي بتاع بطاريات ؟ انا كنت فاهم ان البطاريه الجافه مالهاش الموضوع ده ومن فتره حبيت اكشف عليها الراجل قاللي دي جافه يابيه اكشف عليها ازاي ؟؟ فا هل الكشف ده في التوكيل ولا عند اي حد ؟

اما موضوع السمكره فهحاول اظبط الباب مؤقتا عند الميكانيكيون العرب زي ما احمد باشا جزاه الله خير قاللي واشوف موضوع التأمين ....

جزاكم الله كل خير يا جماعه .

[momo10000]

الف سلامة يا رامي علي المحروسة ... ومتقلقش ... سهلة يا معلم .

[Ahmed Selim]

استاذ احمد هو البطارية الجافه بتتقاس زي العاديه و لا في اختلاف و هل ممكن البطارية الجافه برده تنام زي العاديه بمعني ايه اسباب تلف البطاريه الجافه والي يخليها مش شغاله

جزاكم الله خيرا يا جماعه .....انا شايف الاجماع ان المشاكل معظمها من البطاريه وانا اقتنعت فعلاً بده بس اكشف على البطاريه عند اي بتاع بطاريات ؟ انا كنت فاهم ان البطاريه الجافه مالهاش الموضوع ده ومن فتره حبيت اكشف عليها الراجل قاللي دي جافه يابيه اكشف عليها ازاي ؟؟ فا هل الكشف ده في التوكيل ولا عند اي حد ؟

اما موضوع السمكره فهحاول اظبط الباب مؤقتا عند الميكانيكيون العرب زي ما احمد باشا جزاه الله خير قاللي واشوف موضوع التأمين ....

جزاكم الله كل خير يا جماعه .

بصوا يا شباب....أنا للأسف فى الكهرباء و ما يخصها مش بفهم قوى بس اللى أعرفه أنه بيعرف يقيس شحن البطارية.............وهل هو كويس ولا لأ و بناءً عليه بيقول كويسة ولا لأ.
م المقصود بالكشف أنه يبص على مياه البطارية و يزودها.....لأ يقيس الشحن.....هذا والله أعلم

[momenhamdy]

بصوا يا شباب....أنا للأسف فى الكهرباء و ما يخصها مش بفهم قوى بس اللى أعرفه أنه بيعرف يقيس شحن البطارية.............وهل هو كويس ولا لأ و بناءً عليه بيقول كويسة ولا لأ.
م المقصود بالكشف أنه يبص على مياه البطارية و يزودها.....لأ يقيس الشحن.....هذا والله أعلم

الف شكر ليك يا استاذ احمد
بس انا كنت عايز اعرف هل البطارية الجافه ممكن تتعرف اذا كانت بتتقاس زي العادية و لا لا ؟؟؟
ياريت لو في اي حد من الاخوه الاعضاء عنده فكره ياريت يوضحا
ولكم جزيل الشكر

[Sharky]

95% يا رامى حتطلع بطارية
لإن انا حصلى موقف قريب منك كانت بدور الصبح فى الطبيعى و بعد ما أعمل مشوار و أنزل و أسيبها مده صغيرة كانت بتأخد وقت لحد ما تدوى تانى و رحت كشفت عليها عند بتاع البطاريات قالى كويسة
لما رحت التوكيل قالى لازم تتغير و كمان أكمل باشا قالى نفس الموقف حصلوا قبل كده و كانت بطارية
و فعلا لما غيرتها بقت زى الفل

[tamer_samy]

البطاريه الجافه بتتقاس زي البطاريه العاديه
و بتتشحن كمان بس مبتكملش حاجه و بتنام تاني
حصل الكلام ده في عربيه اخويا كانت البطاريه جافه رحنا كشفنا عليها و شحناها بس مكملتش اسبوع ال 10 ايام و نامت تاني

[momenhamdy]

البطاريه الجافه بتتقاس زي البطاريه العاديه
و بتتشحن كمان بس مبتكملش حاجه و بتنام تاني
حصل الكلام ده في عربيه اخويا كانت البطاريه جافه رحنا كشفنا عليها و شحناها بس مكملتش اسبوع ال 10 ايام و نامت تاني

وحضرتك لما البطاريه عرفت هي نامت العربية مكنتش بدور خالص ولا بتدور بصعوبه
(انا عايز اعرف العلامات الي بتبين ان البطارية الجافه في اتجاها الي الضعف )
ولك جزيل الشكر

[tamer_samy]

لا هي كانت بدور العربيه بصعوبه لو انت واقف بالعربيه و انت مشغلها و منور النورالعالي او الواطي تلاقيه ضعيف لو زودت البنزين تلاقيه بقي طبيعي
هي تقريبا نفس العلامات بتاعه البطاريه العاديه