صوت رجه فى المطبات

[topgear]

السلام عليكم ياوحوش
انا عندى مشكله انوا فى صوت رجه قدام بحس بيها فى الحفر وسكة المترو مثلا كأن حاجه مفكوكه وانا كنت قلتلهم فى التوكيل وقالولى مساعدين بس انا غيرتهم واختفت الرجه وبعد اسبوع رجعت تانى.
ايه تشخيصكم للمشكله دى؟؟؟؟؟؟؟؟؟؟

[Ahmed Selim]

لازم تجربة يا باشا......بس غالباً هتبقى فى المقابلة أن شاء الله.

لو مستعجل روح لكار بويز فى أخر طريق السندباد عند حمدى لادا

أسأل على المهندس خالد غازى و قوله جايلك من طرف أحمد عبد المقصود.......متقلقش منه خالص....أنا معظم شغل العفشة بعمله عنده من أيام أول عربية ليا لحد الميجان بعد لما طلعت من الضمان.

[hamata]

ممكن تكون علبة الدركسيون يا باشا .... اكسر الدركسيون عالأخر و شوف بيطلع صوت تكة كده و لا لأ

[renault monster]

انا كمان عاليمين عندي صوت كركبه

بس ما عنديش التكه لو لفيت يعني مش الكبالن

ممكن العفشه عايزه تربيط ولا ايه؟؟؟

[topgear]

لازم تجربة يا باشا......بس غالباً هتبقى فى المقابلة أن شاء الله.

لو مستعجل روح لكار بويز فى أخر طريق السندباد عند حمدى لادا

أسأل على المهندس خالد غازى و قوله جايلك من طرف أحمد عبد المقصود.......متقلقش منه خالص....أنا معظم شغل العفشة بعمله عنده من أيام أول عربية ليا لحد الميجان بعد لما طلعت من الضمان.

[topgear]

ممكن تكون علبة الدركسيون يا باشا .... اكسر الدركسيون عالأخر و شوف بيطلع صوت تكة كده و لا لأ

فعلا ياباشا انا مكنتش حاسس بالتكه دى بس لما رحت لكار بويز اللى قالى عليها احمد باشا رفع العربيه وورهالى بس قالى انوا دى المقصات

[topgear]

انا كمان عاليمين عندي صوت كركبه

بس ما عنديش التكه لو لفيت يعني مش الكبالن

ممكن العفشه عايزه تربيط ولا ايه؟؟؟

مش عارف ياباشا هوا نفس اللى عندى بس انا عندى بحس انوا كان فى حاجه مفكوكه كده فى الحفر والمطبات
انا لما كشفت النهارده قالى عايزه بيضة وجلب مقصات وبارات خارجيه وداخليه:K_crying[1]: فى كار بويز

[Amr_Moh]

لازم تجربة يا باشا......بس غالباً هتبقى فى المقابلة أن شاء الله.

لو مستعجل روح لكار بويز فى أخر طريق السندباد عند حمدى لادا

أسأل على المهندس خالد غازى و قوله جايلك من طرف أحمد عبد المقصود.......متقلقش منه خالص....أنا معظم شغل العفشة بعمله عنده من أيام أول عربية ليا لحد الميجان بعد لما طلعت من الضمان.

أنا عايز أتعرف الناس دول

[Mohd_Adel_Amin]

كانت عندي يا باشا قبل كده ولما كشفت في التوكيل قالي انها عايزة يتغيرلها البيضة وجلب المقصات وغيرتهم والصوت اختفى بعد كده ...

[Ahmed Selim]

أى خدمة يا باشا :)

أنا عايز أتعرف الناس دول

شوف عاوز تروح أمتى يا عمرو و كلمنى.....انا أحتمال أروح السبت اللى جاى بس مش أكيد

[M.Moustafa]

أى خدمة يا باشا :)



شوف عاوز تروح أمتى يا عمرو و كلمنى.....انا أحتمال أروح السبت اللى جاى بس مش أكيد

باشا انا كمان كنت عايز اروحلهم حاسس ان العفشة مش مظبوطة لو رايح السبت قولي وانا معاك اكيد

[Ahmed Selim]

ماشى يا كبير......بس أبعتلى تليفونك على الخاص

[topgear]

كانت عندي يا باشا قبل كده ولما كشفت في التوكيل قالي انها عايزة يتغيرلها البيضة وجلب المقصات وغيرتهم والصوت اختفى بعد كده ...

مهوا انا غيرت مساعدين وبعد مغيرتهم قالولى عايزين جوز مقصات
فانا خوفت يكون تشخيصهم غلط
شكرا لردك ياباشا واتمنى الصوت يختفى

[Mohd_Adel_Amin]

مهوا انا غيرت مساعدين وبعد مغيرتهم قالولى عايزين جوز مقصات
فانا خوفت يكون تشخيصهم غلط
شكرا لردك ياباشا واتمنى الصوت يختفى

انا عملت نفس الموضوع بالضبط .... غيرت المساعدين وبعدها غيرت البيض والجلب ..
ربنا ييسرلك امورك والصوت يختفي .. واتمنى ان ميكونش فيه اي خطورة انا عن نفسي فضلت ماشي حوالي 5 شهور في وجود الصوت والحمد لله ربنا ستر ومحصلش حاجة ..

[aratux]

انا كمان عاليمين عندي صوت كركبه

بس ما عنديش التكه لو لفيت يعني مش الكبالن

ممكن العفشه عايزه تربيط ولا ايه؟؟؟

نفس اللى عندى
شكلى هاروح كاربويز دول يوم السبت أو الحد اللى جاى
بس يا رب يطلعوا مش فتايين