renault super 5 حد يعرف عنها حاجه

[LONLY]

بصوا يا جماعه أنا كان معايا 128 وللأسف راحت فى حادثة وبصراحه مش معايا فلوس أجيب زيرو دالوقتى وعايز عربية معقولة أروح بيها الشغل (من وسط البلد للمعادى ) وفى نفس الوقت ما تكونش فيات (لأنى بصراحه طلع عينى معاها ) المهم فا لقيت دى معروضه على 17 ألف موديل 90 فا ياريت لو حد عنده معلومه يقولها يعنى مثلا قطع غيارها فين الميكانيكيه إللى بيشتغلوا فيها فين؟؟؟ وهل هى عربية يمكن الأعتماد عليها ولا هاجبها وأقعد جنبها وياريت لو فى حاجة معينه أبص عليها فيها لو هشترى (عيوبها) وشكرا مقدما على الردود

[LONLY]

شكرا على كل حال

[Ahmed Selim]

أكيد لو حد كان عنده معلومات أكيده كان جاوبك على طول.

أنا هرد على قد ما أعرف لأنى من حوالى 3 سنين كنت بسأل عليها.

العربية الرينو 5 غير السوبر 5

السوبر 5 تقريباً كانت 1300 أو 1400 سى سى و موديلها أحدث.....تقريباً كان بيبتدى من 89 أو 90

فى فرق شكل كويس جداً لصالح السوبر 5

قطع الغيار للأتنين بشكل عام قليلة و أن كانت السوبر 5 متوفرة أكتر من ال 5 .

الميكانيكية اللى بيشتغلو فى رينو موجودين

أعتقد فى واحد أو أتنين فى الهرم و فى واحد فى المعادى وفى مركزين خدمة ممكن يشتغلوا فيها هما
الميكانيكيون العرب فى طريق السندباد
فرنش موتورز فى الرحاب و عين شمس
هما طبعاً أسعارهم هتكون أغلى من الميكانيكى العادى بس أقل من التوكيل.

أهم حاجة تسأل بنفسك على قطع الغيار فى شارع دمشق أو وسط البلد .

ربنا يوفقك.

[LONLY]

ألف شكر أستاذ أحمد على المعلومات

[amirsayed]

لو عندك ى استفسار تانى انا تحت امرك
انا معايا واحده

[LONLY]

شكرا يا أمير بس أنا خلاص صرفت نظر هستنى شويه لحد ما يتجمع معايا سيوله و أجيب زيرو بأذن الله

[amirsayed]

بالتوفيق يا باشا