عاوز رأيكم في الميجان99

[mustafa927222]

الإخوة الأفاضل انا معروض عليه ميجان99 وانا شايف حالتها كويسه جدا بس سعرها لا يتعدى40ألف جنيه!؟كنت عاوز آخد فكرة عن أعطالها وأسعار قطع الغيار وهل لازم صيانتها جوه التوكيل برضو؟ والثبات بتاعها والتكيف أخباره ايه؟ ياريت حد يساعدني لأني مركبتش رينو قبل كده كل تقريبا يا ياباني أو ألماني ، وانا بحب الرينو وعاوز أجربها فياريت تساعدو اخوكم لأني محتاار وخاايف في نفس الوقت

[mustafa927222]

ايه ياخوانا محدش هنا عنده ميجان99
وبصراحة كلام الناس الي عندها ميجانiiيخلي الواحد يخاف يمشي جمب الرينو
فياريت لو حد يقدر يفيدني يبقى ربنا يباركله

[Mohd_Adel_Amin]

استاذي العزيز ..
انا تحت امرك في اي حاجة حضرتك ممكن تحتاجها بخصوص العربية .. ممكن لو حبيت تسأل عن أي حاجة ابعثلي على الخاص او الميل .
كان فيه اكثر من واحد سأل عليها قبل كده وانا رديت عليه فأنا هضور لحضرتك على المشاركة القديمة وانسخ الكلام اللي كنت كتبته ليه ..
بس يا ريت تستنى عليا شوية لحد ما افضى والقاها ..

[Mohd_Adel_Amin]

لقيت الرد السابق يا باشا واعتقد الحاجة الوحيدة اللي ممكن ازودها عليه انك تكشف عليها في التوكيل .. بس تحجز الأول بالاتصال ب 16202 .

انا تحت امرك لو احتجت تسأل عن اي حاجة تخص العربية ..
وبالنسبة لقطع الغيار هي موجودة في التوكيل وفي مراكز قطع غيار رينو المعتمدة ومعرفش بصراحة هي موجودة فين في القاهرة بس في اسكندرية قطع غيارها سهلة جدا الحمد لله وقطع غيار المستعمل مش منتشر قوي في الحرفيين مش عارف ليه مع اني قعدت يوم كامل الف عند بتوع الرينو هناك بس لقيت ليها قطع غيار استعمال في اسكندرية بسهولة برضه ...
بالنسبة لأسعار قطع الغيار هي في حدود 70الى 90 % من اسعار الميجان 2 .
العربية موتورها ممتاز جدا وعفشتها ثباتها رائع .
من الآخر العربية لا غبار عليها ولا تتخيل العربية بتاعتي استحملت البهدلة قد ايه ربنا يديلها الصحة بس في الأول والآخر موديلها قدم وعوامل الزمن ظهرت عليها ولازم علشان تجيب واحدة مستعملة يبقى صاحبها كان واخد باله منها كويس جدا جدا .. انا الحمد لله مش بسيب فيها حاجة علشان كده شغالة معايا بفضل الله .
نصيحتي انك لازم تكون ضامن تماما العربية اللي هتشتريها علشان متتعبش في ارجاعها لحالتها الأصلية وان لم يكن وانتا غاوي رينو يبقى نصيحتي انك تشوف كليو مستعملة موديلها جديد وهتديلك كفائة ممتازة جدا .
ولو احتجت تعرف اي حاجة عن العربية هكون سعيد باني اعرفها ليك ..

[mustafa927222]

شكرا جدا على ردك ، بس انا كنت عاوزك لو تقدر تديني أمثلة على قطع الغيار المهمة زي:
المساعدين
الفوانيس أمامي/خلفي
الإكصدامات أمامي /خلفي
تيل الفرامل
فلتر الزيت
فلتر الهواء
سير الكاتينة
سير التكييف
الكبالن
وياريت لو تقدر تديني سعر الجديد والمستعمل
وممكن أوفر عليك التعب وتديني أرقام تليفونات لأماكن بيع الجديد في القاهرة والمستعمل الي في اسكندرية ، وياريت تقولي همه فين في اسكندرية
وانا عارف تقلت عليك بس ربنا يجزيك عنا خير
وياريت يا ريت أي حد عنده ميجان99 ميبخلش عليه بالنصيحة ويحكيله تجربته معاها
وياريت يا محمد وكل الأعضاء تقولولي لو حالتها نظيفة وكويسه آخرها تعملها كام مع الاعتبار بالأسعار الجديدة اليومين دول
وشاكر للجميع :k8:

[mustafa927222]

الإخوة الأعزاء رواد المنتدى ، انا لازلت في انتظار مساعداتكم ، مش معقول محدش عارف حاجة عن الميجان99؟؟!!؟؟طب اسأل فين ؟ في الهوندا مثلاً؟
يارب لما افتح تاني ألاقي جديد
وشكرا ليك تاني يا أخ محمد انت الوحيد الي قدمت ولو مساهمه بسيطة
بس ياريت لو تعرف تقولي على بعض أسعار قطع الغيار زي الي انا سألتك عليها
بالإضافة إلى علبة الدريكسيون
الإنجيكشن - كارت الكهرباء
وياااااارب حد يرد عليه

[ضيف]

لأ طبعاً ما تسألش عنها غير هنا
كل الحكاية إن زميلنا العزيز هو الوحيد إللي معاه ميجان 99 و هو بس إللي يقدر (من واقع إمتلاكه لها) يرد عنها.
تحياتي لحضرتك.

[محمد ابراهيم 1]

لو الحاله ممتازه اتوكل على الله
لكن لو نص نص بلاش لأنها لما بتفتح بقها بيتقفل تانى بصعوبه

[Mohd_Adel_Amin]

الإخوة الأعزاء رواد المنتدى ، انا لازلت في انتظار مساعداتكم ، مش معقول محدش عارف حاجة عن الميجان99؟؟!!؟؟طب اسأل فين ؟ في الهوندا مثلاً؟
يارب لما افتح تاني ألاقي جديد
وشكرا ليك تاني يا أخ محمد انت الوحيد الي قدمت ولو مساهمه بسيطة
بس ياريت لو تعرف تقولي على بعض أسعار قطع الغيار زي الي انا سألتك عليها
بالإضافة إلى علبة الدريكسيون
الإنجيكشن - كارت الكهرباء
وياااااارب حد يرد عليه

استاذي الفاضل ... انا الوحيد المالك لهذا الموديل حاليا وهو ده سبب ان الناس لم ترد عليك .. واعتذر عن التأخر في الرد نظرا للانشغال الشديد ..

اما بالنسبة لأسعار قطع الغيار فأنا استأذنك تصبر عليه شوية لحد ما اضور في فواتير الصيانة عن الأسعار .
وبالنسبة لأماكن البيع لو هتشتري جديد يبقى التوكيل علشان الضمان , ولو مستعمل الحرفيين فيها اكثر من واحد ممكن الجماعة القاهريين يفيدوك فيهم اكثر مني انا متذكر منهم واحد اسمه محمد الصعيدي بس مش هقدر اضمنه لحضرتك لأني لم اتعامل معه رقمه 0121607369
وفي الاسكندرية فيه واحد في السيوف اسمه احمد القاضي 0123944690 انا اتعاملت معاه وارتحت معاه ..
وفيه واحد ثاني اسمه البهي موجود في الاسكندرية وطنطا وبور سعيد ارقامه
الاسكندرية 033598751
طنطا 0403345107
بور سعيد 0663730011


وزي ما قالك ا. محمد ابراهيم 1 :

لو الحاله ممتازه اتوكل على الله
لكن لو نص نص بلاش لأنها لما بتفتح بقها بيتقفل تانى بصعوبه

احذر من انك تاخد واحدة حالتها مش كويسة .
واتمنى انك تصبر عليا شوية في موضوع الأسعار لأن غالبا الفواتير مش معايا في اسكندرية دلوقتي لأنها دائما بتكون في العربية والعربية دلوقتي مجرشها في طنطا , ممكن اوفر عليك الوقت وتتصل بالتوكيل تسألهم عن كل الأسعار حتى علشان يدولك آخر الأسعار لأن اسعاري هتكون قديمة حبتين .

[mustafa927222]

انا متشكر للجميع من ساهم أو من لا يملك الإجابة ولذلك امتنع
ولكن انا بدأت أقتنع ان انا ابعد أحسن ، علشان واضح ان العربية حاجتها صعبة ولو حصل فيها مشكلة ممكن تدوخني ولو حبيت ابيعها معتقدش هلاقيلها بيعه كويسه
فيبقى خليني في المضمون أحسن وشكر خاص ليك يا استاذ محمد انا تعبتك معايا
وفعلا جزاك الله عني خيراً

[Mohd_Adel_Amin]

انا متشكر للجميع من ساهم أو من لا يملك الإجابة ولذلك امتنع
ولكن انا بدأت أقتنع ان انا ابعد أحسن ، علشان واضح ان العربية حاجتها صعبة ولو حصل فيها مشكلة ممكن تدوخني ولو حبيت ابيعها معتقدش هلاقيلها بيعه كويسه
فيبقى خليني في المضمون أحسن وشكر خاص ليك يا استاذ محمد انا تعبتك معايا
وفعلا جزاك الله عني خيراً

ولا يهمك يا باشا احنا كلنا اخوات وجزانا الله وإياكم خير واتمنى ان نراك في منتدى رينو قريبا , وربنا يوفقك في اختيار السيارة المناسبة ليك .