هل الميجان سياره معمره ؟

[ringoo84]

العربيه بجد معمره جدااااااااااااااااا بس فعلا مع المحافظه وهي تستاهل انك تحافظ عليها

[triton]

انا الحمد شاريها من شهر و شغاله زي الفل الحمد لله ..... ربنا يستر بقي و تفضل كويسه كده علطول خصوصا ان انا شاريها مستعمله موديل 2006

[Amr_Moh]

السؤال دة ملوش رد أبل ميعدي علعربية ١٠ سنين عالئأل مع ١٥٠٠٠٠ كم

[CarLover]

طيب ايه رأيكو في سعر اعادة البيع ؟
وكمان موضوع انها هيتشال من ضريبتها 10%
أنا فعلا مغرم بالعربيه دي وبحترمها جدا ومشجعني انتشارها في الشارع بس الحجات دي قلقاني
أرجو مساعدتكم

[Amr_Moh]

لو حتجيب مستعمل تأكد انك اشتريت عربية قيمتهة أعلى كتير من سعرها
ال-١٠٪ دول من الجمرك وليس إل ضريبة

يعني ١٠٪ من ال ٤٠ ٪ = ٤ ٪ من إجمالي الجمرك " يعني ٣-٤ تلاف بكتير فالزيرو التبلين "

[Mostafa Hessen]

فى اعتقادى ان العربية سواق وصيانة

الحاجتين دول اذا راعتهم العربية حتعمر والعكس صحيح حتى لو Bmw

[Amr_Moh]

فى اعتقادى ان العربية سواق وصيانة

الحاجتين دول اذا راعتهم العربية حتعمر والعكس صحيح حتى لو Bmw

كلامك منطقي بس ليا عليه تعليق
إنت أهملت نقطة العمر الإفتراضي للمكونات حتى مع الصيانة و إسلوب السواءة

حديك مثال أريب ليك
BMW بريليانس و
ال-FRV بتعملها صيانة في موعدها وبتسؤهة بأدمية
ال-320 صاحبك بعملها صيانة في موعدها وبيتسؤهة بأدمية
بس لسة القطعة الألماني فالبم عمر أطول من القطعة الصيني رغم تشابه ظروف التشغيل

يبقه العربية سواء و صيانة و منشأ

[dr_abooody]

انا الحمد شاريها من شهر و شغاله زي الفل الحمد لله ..... ربنا يستر بقي و تفضل كويسه كده علطول خصوصا ان انا شاريها مستعمله موديل 2006

انت شاريها بكام

عشان انا معروض عليا واحدة موديل 2006 ب 60 الف و فول اوبشنز فبريقة

[Amr_Moh]

manual? .

[triton]

75 automatic

[eleanor]

بص ياباشا اى عربيه فى الدنيا مهما كان نوعها هاتحفظ عليها هاتبقى معمره لكن لو اهملت فيها اكيد مش هاتبقى معمره
يعنى مثلا هات عربيه صينى واهتم بيها هاتعيش وهات مرسيدس واهمل فيها هاتقف وتبوظ
يعنى المحافظه اهم حاجه

[icehearted girl]

بقالي فترة بفكر ف الميجان فعلا بس سعرها بقي اوفر اوي فابتديت افكر ف الستيب واي

بس عاوزة اعرف safety measures فيها كام من كام...وليها صرفة برة التوكيل ولا صعب ؟؟؟ اصل كل التوكيلات تيكيلام تيكيلام

[وائل مختار]

انا ركبت عربيات كتير والميجان من افضل العربيات اللى انا ركبتها لما تكون حالتها كويسه ومن اقوى العربيات الجديده مقارنه بفئه سعريه اعلى منها كمان ، اول ميجان جبتها كانت 2006 اشتريتها بعد ما بعت البومه بتاعتى 2008 وكنت اول مالك ليها لكنى محبتش الانسر خالص لانها عربيه عاديه جدا انما الفرنساوى ماشاء الله انبهار طول الوقت ، وجربت يابانى تانى بعد ما بعت الميجان وقرفت منها بعد اقل من شهر ودلوقتى الحمد لله رجعت لاصلى واشتريت فلوانس ( الفرنساوى فرنساوى يا معلم ) والله الميجان كرهتنى فى العربيات الكورى واليابانى كلها

[Patrickologyy]

لو الكلام على الميجان فهى غير معمره نهائياً .. عربيه الكمبيوتر بتاعها أعطاله كتيره جداً و أصغر هفوه فيها تخليك تروح التوكيل اللى أسعاره نار علشان تترفع على الجهاز .. انا كنت بفكر فى ميجان 2 هاتشباك بس ناس كتير قالتلى لأ علشان الكمبيوتر بتاعها كله مشاكل مش أكتر

[dedo_ryo]

معلش كلام حضرتك غير واقعي بالمره انا برضه كنت خايف من الاشاعات اللي طالعه عليها و من الاخر طلعت اشاعات العربيه قطع غيار رخيصه و اسعارها ارخص كمان من الكوري و كشف التوكيل بالجهاز اللي حضرتك بتقول نار ب 60 جنيه و عند اي ميكانيكي رينو ب 25 جنيه و لو حضرتك كنت ناوي عليها ياريت تشوف حد يمتلكها بجد لان الكلام في مصر هنا و الفتي مالهوش نهايه و بيضخم الواقع الف مره و الصراحه عربيه فيها امكانيات مش في اي حاجه بنفس سعرها و مش بنفس الدقه في التقفيل و الصناعه الصراحه عربيه تستحق كل جنيه مدفوع فيها