انا خلاص هاستلم اللوجان الروماني

[hoka13]

اولا احب اشكر كل الموجودين في المنتدي لاني كنت محتار خلال الفتره اللي فاتت في قرار الشراء لغايه ما استقريت في النهايه علي رينو لوجان الجميله.
انا الحمد لله حجزت لوجان الروماني (لون فيراني غامق) فول اوبشن وهاستلمها بعد بكره ان شاء الله.
وانا يا جماعه هاكون معاكم في اي سؤال انتو عايزين تعرفوه واحده بواحده مع تجربتي الجديده مع اللوجان.

بس انا كنت عايز اي حد اشتري اللوجان يقولي ايه الاكسسورز اللي بتيجي معاه (هل في ولاعه او شنطه عده او دوسات ولا هو مجرد الكتالوح والكوريك والاستبن؟)

كمان عايز استفيد بخبراتكم في استلام العربيه وايه بالظبط اللي مفروض اخد بالي منه وانا باستلم؟

[hesham_tawfiq]

الف مبروك مقدما على الانضمام لملاك العربيه الجميله دى
العربيه بييجى معاها بس الولاعه والطفايه واكوريك والاستبن وطبعا مفتاح العجل والايريال وبس كده :-)
اما عن الحاجات اللى تاخد بالك منها اتاكد بس ان مفيش تجريحات فالدهان عند حروف الابواب والمناطق المستخبيه ( اكتشفت ان الباب متجرح بسيط بعد ما استلمت باسبوع بس بصراحه طنشت لانها كانت حته صغيره اوى ومش بينه خالص فى حلق الباب من جوه )
ربنا يباركلك فى العربيه ويبعد عنك شرها وان شاء الله تعجبك جدا

[Mostafa Hessen]

مبروووك مقدما

وبالتوفيق

وربنا يبركلكم فيها

[أبو صلاح]

الف الف مبروك عليك:b4_592:

[haany_ghazy]

ياريت يا جماعه حد يقول لينا اسعار قطع الغيار اية
و هل فى فرق بين المغربى و الرومانى

[haany_ghazy]

قطع الغيار

ياريت يا جماعه حد يقول لينا اسعار قطع الغيار اية
و هل فى فرق بين المغربى و الرومانى

[skuleofdie]

ياريت اعرف الفرق بين سعر الرينو المغربي والروماني

[tahanimassoud]

ألف مبروك ربنا يبارك لك فيها ويديلك خيرها ويكفيك شرها

[ahmedfra]

الف مبروك ربنا يبارك لك فيها و يكفيك شرها .
بس ايه الفرق بين المغربى و الرومانى

[Sharky]

الف مبروك و ربنا يبارك كل فيها

ياريت يا جماعه حد يقول لينا اسعار قطع الغيار اية
و هل فى فرق بين المغربى و الرومانى

ياريت اعرف الفرق بين سعر الرينو المغربي والروماني

موجودة فى الموضوع دا

http://www.nilemotors.net/Nile/showthread.php?t=29289

[hoka13]

ياريت اعرف الفرق بين سعر الرينو المغربي والروماني

الهاف مغربي 63 الف روماني 65 الف
الفول مغربي 67 الف روماني 69 الف

الفرق ان الروماني موجوده وهتستلم فوري لكن المغربي لسه هتنزل في شهر مايو واول حجز موجود في شهر 9
وانا اعتقد ان بالتاكيد التقفيل الاوربي هيكون احسن من التقفيل المغربي وده رأي الشخصي وممكن اصحاب الخبره طبعا يفيدونا في الموضوع ده

[lastsamurai98]

الف مبروك ربنا يباركلك فيها.بس كنت عاوز اعرف حضرتك حجزتها من الوكيل ولا منين والاسعار بتاعت الروماني دية فين بالظبط والتسليم فوري ولا حضرتك بقالك مدة حاجزوشكرا واسف لكتر الاسئلة.

[ahm3d ham>ed]

الف مبروك ربنا يديك خيرها ويبعد عنك شرها

[hoka13]

الف مبروك ربنا يباركلك فيها.بس كنت عاوز اعرف حضرتك حجزتها من الوكيل ولا منين والاسعار بتاعت الروماني دية فين بالظبط والتسليم فوري ولا حضرتك بقالك مدة حاجزوشكرا واسف لكتر الاسئلة.

الاسعار دي كانت موجوده في الطارق لغايه السبت اللي فات وهي ارخص من بره فعلا بمقدار الف جنيه وكان بيقول انه هيغلي الف علشان يبقي زي باقي المعارض والتوكيل ماعندوش غير العربيات المغربي بس وبالنسبه للاستلام فهو فوري بس انا متأخر بس علشان بخلص اجراءات البنك يعني انا حجزت يوم السبت ومتوقع استلم علي يوم الخميس ان شاء الله

[islamallam]

الف مبروك يا باشا وربنا يباركلك فيها وانا كمان ان شاء الله نويت اشتريها واسيبنى من المستعمل خالص اصل ده وجع دماغ وعايز واحد خبرة فى العربيات وفاهم
بس كان نفسى اشوف صور للسيارة اللوجان المغربية اللى نزلت مصر لان الصور مش موضح اوى