زيت وش السلندر بقى طحينة

[kimo]

من حوالى اسبوعين روحت اغسل العربية كليو 2004 وجة العامل يلح علية كالعادة بغسيل الموتور كنت كل مرة ارفض المرة دى وافقت العربية اتلخبطت كانى راكب توك توك اربع ايام غيرت طقم بوجيهات شامبيون وفلتر هواء وبنزين وبعد اسبوع قلت بالمرة زيت وفلتر العامل وهو بيفضى الزيت من تحت كان الزيت كويس لانة المفروض يتغير بعد 2000 ك المشكلة وهو بيفتح الغطاء العلوى علشان يضيف الزيت الجديد لقين وش السلندر من جوة طحينة نضفنا بفوطة وضفنا الزيت وقلت اشوف بعد كام يوم واتابع وانا لم اضيف مياة للقربة منذ 3 شهور انا بقول المشكلة دى سببها الغسيل فية مياة دخلت على وش السلندر عايز راى الاخوة الاعضاء
شكرا

[عمرو عمارة]

كيمو باشا......طالاما المياة عندك مش بتنقص إن شاء الله مفيش مشكلة والأهم إن الزيت الي فيها نزل نضيف
إنت بس تابع الفترة الي جاية إنك كل شوية تبص على غطا الزيت

إنت نضفت وش السيلندر إزاي بفوطة ؟؟؟.....

[kimo]

متشكر يا عمرو باشا على سرعة الرد ودائما سباق انا والراجل اللى بغير زيت فى البنزينة دخلنة فوطة من فتحة تزويد الزيت ( هو مش تنضيف وش السلندر كلة هو الجزء المقابل للفتحة فقط على قد ما قدرنا)

[medohai510]

الحمد لله
(طالما الزيت بعد كدة لونة تمام والمياه لم تنقص يبقه الميه دخلت من الغسيل)