إعـــــــلان

Collapse

.

,
See more
See less

مفتاح جديد مشفر للكليو

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    مفتاح جديد مشفر للكليو

    السلام عليكم

    من حوالي 8 شهور أحد مفاتيح الكليو باظ وكنت ناوي أعمل واحد جديد...بس إنشغلت وكسلت وكبرت ....المهم الفترة الأخيرة في المنتدي لاحظت في موضوعات كثيرة فيها شكوى من مفتاح الكليو.... والفار بداء يلعب في عبي وقربت أعلق المفتاح في صدري من كتر خوفي عليه

    أخذت قرار حاسم إني لازم أعمل مفتاح جديد فوراً

    بداء المشوار بإطلاعي على موضوع "عرض مفاتيح مشفرة " الي كان كريم منير عامله الله يجازيه خير على مجهوده.....العرض كان على مركز إسمه سعيد لعمل المفاتيح المشفرة.....كلمت صاحب المحل وسألته على مفتاح الكليو....قالي موجود وبيعمل من 150 لـ350جم.....قولتله إيه الفرق ؟؟....قالي على حسب نوع المفتاح والخامة.....روحتله في نفس اليوم ده والصبيان بتعه قابلوني....أول حاجة سألوني عليها هو رقم كود المفتاح معاك؟.....قولتلهم مش معاية طبعاً بس مش إنتوا بتجيبوا الرقم بالجهاز بتاعكم ده؟؟.....هنا بقى بداءت الإشتغالة ......قالولي طيب طيب مفيش مشكلة.....إتصلوا بالحاج سعيد وشرحوله الموقف ( قال يعني في مشكلة ) وخالوني أكلمه.....قالي إنت مش معاك الرقم يا باشا.....قولتله لأ عشان العربية مش معاية من الزيرو.....قالي هو بيبقى كارت عليه الرقم وبيدخدش عشان تعرف الرقم ( الإشتغالة بدأت تزيد ).....قالي إهنا كده هانعملك chip جديدة ونبرمج عليها كود العربية.....قولتله ما أنا عارف الكلام ده وجايلك عشان كده.....قالي المفتاح هايكلفك 400جم ...قولتله كتير قوي وإنت قايلي في التليفون 150جم.....قالي خلاص هاتلي إنت كود المفتاح من التوكيل وهاعملهولك بـ270جم!!!؟؟؟ ......مشيت من عنده وأنا تايه مش عارف أعمل إيه؟؟.....كلمت أيمن كبير الوحوش وقالي هايشوفلي الموضوع ده في التوكيل وبعد كده كلمت حبيب قلبي د.أكمل الله يجازيه خير وقالي روح فوراً لمحل عزب الي في شارع السودان في المهندسين وقعد يشكر في الراجل وقالي ناس كتيرة عاملة عنده وزي الفل

    وبداء مشوار عزب بمكالمة تليفون بسؤالي على إمكانية عمل المفتاح....قالي موجود وبيعمل 150جم.....قولتله عايز مني كود المفتاح وأي حاجة تانية؟؟....قالي لأ.....بينا على عزب ......وصلتله الساعة 7:30 ودخلت عنده المحل ولقيت أجهزة كميبوتر ولاب توب وأجهزة كده غريبة مش عارف بتاعت إيه؟.....المهم قال لكبير الفنيين بتعوهُ روح فكلي الـImmboliser من العربية......أنا طبعاً سمعت الكلمة دي ودمي هرب .....جريت ورا الراجل وكلمته على جنب وقولتله معليش يعني إنت عارف إنت بتعمل إيه؟؟؟ عملت الوضوع ده قبل كده ؟؟.....قالي يا باشا دي تقريباً الكليو رقم 30 الي هاعمل فيها كده......الراجل فك الـImmboliser في دقيقة بدون مبالغة....أخذ الوحدة جوة المحل وبداء شغل المعلم الكبير.....في IC أو Chip على البوردة بتاعت الوحدة الي بيبقى متخزن عليها الكود....فك الIC بالـHot Air وحاطها على Chip Reader واصل بالكمبيوتر....أخذ الكود.....جاب Chip جديدة وبرمج عليها الكود وركبها في مفتاح شبه بتاع الكليو بس من غير ريموت....برمج المفتاح الجديد وهو في الكونتاكت على الـImmboliser بجهاز بيركب في الفيشة الي تحت الطفاية زي بتاع التوكيل
    الحمد لله كله تمام والمفتاح شغال زي الفل......الله ينور يا نجم
    الموضوع كله خد نص ساعة

    إسلام باشا جاتلك على التبطاب

    د.أكمل ربنا يجازيك خير

    الراجل ده فعلاً يا جماعة محترف وعارف هو بيعمل إيه وعنده مفاتيح مشفرة لمركات كتير أوي



    الجهاز الي بيبرمج المفتاح على الـImmboliser


    المفتاح الجديد ( بدون ريموت ) وما شاء الله زلطة


    الجزء الأحمر ده المكان الي بيركب فيه الـChip الجديدة




    ده محل عزب.....ماتخفوش ده الجزء الي على الشارع فقط....المحل الرئيسى في شارع بجانبهُ


    الحمد لله
    اللهم اجعل سائرُ أعمالنا خالصةً لوجهك الكريم
    [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]
    الكلمات الدلالية (Tags): 1500, 20, 2009, 316, 40, 400, 50, إيه, التو, التوكيل, الجديدة, الزيرو, السعودية, اللهم, الي, بدون, بيع, تحذير, توكيل, جديد, جماعة, جين 2, رائع, ريس, رينو, زيرو, شار, شرح, شكوى, عايز, عربية, عرض, على, عن, فرق, في, فيشة, قابل, قلب, كل, كليو, لانسر, للكليو, مركز, مشفر, مشكلة, مصر, مع, مفاتيح مشفر, مفتاح, مفتاح مشفر, من, موضوع, نور, هنا, هي, واجا, وكيل
  • #2
    الف الف مبروك و بجد موضوع رائع جدا جدا ربنا يباركلك فيه
    [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
    [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
    [/SIZE][/COLOR][/COLOR][/SIZE][/CENTER]

    Comment

    • #3
      عمرو باشا .... جزاك الله خير يا ريت تبعثلي نمرة الراجل ده لأني رحت لسعيد وعانيت من نفس الاشتغالات ..
      المفاجئة السارة جدا ان المفتاح الجديد اللي عمله ليك هو نفس المفتاح بتاع الميجان 99 !!
      [CENTER][SIGPIC] [/SIGPIC][/CENTER]

      Comment

      • #4
        المشاركة الأصلية كتبت بواسطة Mohammed_Adel_Amin مشاهدة المشاركة
        عمرو باشا .... جزاك الله خير يا ريت تبعثلي نمرة الراجل ده لأني رحت لسعيد وعانيت من نفس الاشتغالات ..
        المفاجئة السارة جدا ان المفتاح الجديد اللي عمله ليك هو نفس المفتاح بتاع الميجان 99 !!
        نعم يا فندم وسألتلك على مفتاحك بيعمل 150جم بردهُ.... وعنده الأصلي الي بريموت بـ700جم
        [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

        Comment

        • #5
          مبروك يا عمرو باشا وما شاء الله شغل عالي، بس انت عارف في السعودية كان في جهاز بيبرمج المفتاح لوحده هوا عبارة عن انه بيحط المفتاح في ناحية من الجهاز والناحية التانية بيحطها في الكونتاكت لحد ما الجهاز يتبرمج على المفتاح بس ده اعتقد ان المفتاح كان مفهوش امبوليزر، كنا عملناها على عربية سيفك 2003 المفتاحيين كانو ضايعين
          [SIGPIC][/SIGPIC]

          Comment

          • #6
            ما شاء الله يا عمرو
            مبارك عليك المفتاح الجديد
            [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
            [COLOR="Olive"]قال رسول الله صلى الله عليه وسلم :[/COLOR]
            [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

            Comment

            • #7
              المشاركة الأصلية كتبت بواسطة عمرو عمارة مشاهدة المشاركة
              نعم يا فندم وسألتلك على مفتاحك بيعمل 150جم بردهُ.... وعنده الأصلي الي بريموت بـ700جم :b4_592:
              شكرا ليك يا عمرو باشا على الاهتمام .. اتمنى انك تبعثلي الرقم والعنوان .
              [CENTER][SIGPIC] [/SIGPIC][/CENTER]

              Comment

              • #8
                المشاركة الأصلية كتبت بواسطة Mohammed_Adel_Amin مشاهدة المشاركة
                شكرا ليك يا عمرو باشا على الاهتمام .. اتمنى انك تبعثلي الرقم والعنوان .
                بص يا سيدي.....عشان أسهل عليك.....خد شارع أحمد عرابي الي في المهندسين لحد أخره....هتلاقي شارع السودان.....هاتخش شمال في شارع السودان وتفضل ماشي لغاية ما تلاقي بنزينة موبيل على يمينك....بص على شمالك الناحية التانية هاتلاقيه
                هو 277 ش السودان....موبايل الراجل 0105161786
                [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                Comment

                • #9
                  انا رايي يا عمرو انك تعمل الموضوع في الورشة علشان الناس كلها تستفاد من موضوع المفاتيح دي
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment

                  • #10
                    مبروك المفتاح الجديد .....و دائما كده تتحفنا بموضوعاتك الحلوة و المبذول فيها مجهود...منكم نستفيد
                    [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                    [SIGPIC][/SIGPIC]
                    [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                    [/CENTER]

                    Comment

                    • #11
                      عمرو باشا اخيرا عملتها

                      ياريت بقي تقولي عنوان المحل بالتفصيل الممل لاني مش من القاهرة

                      وياريت تقولي خد معاك وقت قد اية تقريبا

                      جزاك الله كل الخير وربنا يكرمك علي اللي بتعملو معانا دا
                      [CENTER][SIZE=6][B][COLOR=Sienna]سبحان الله وبحمده ... سبحان الله العظيم[/COLOR][/B][/SIZE]
                      [/CENTER]

                      Comment

                      • #12
                        مبروك المفتاح ياباشا ...

                        احسن حاجة ان الواحد مايستسلمش للنصابين وبتوع الاشتغلات

                        واللى بيدور هيلاقى بدل الفنى الشاطر 10 ويكون عنده ضمير

                        شكرا على الموضوع الجميل
                        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                        [/CENTER]
                        [/CENTER]
                        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                        [CENTER] _______________[B]
                        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                        [/CENTER]
                        [B][COLOR=Blue][B][SIZE=2]
                        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                        _______[COLOR=Blue]_______________
                        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                        Comment

                        • #13
                          الف مبروك يا باشا علي المفتاح الجديد...

                          و شكراً علي الموضوع الجميل...
                          [COLOR=Blue][B][U]لا إله إلا الله[/U][/B][/COLOR]

                          [URL="http://www.nilemotors.com/Nile/showthread.php?t=58104"]حصرياً أول نيو سكودا أوكتافيا A5 توصل مصر بالصور...[/URL]

                          [URL="http://www.nilemotors.com/Nile/showthread.php?p=707533#post707533"]العلامات المروريه و معانيها...[/URL]

                          Comment

                          • #14
                            المشاركة الأصلية كتبت بواسطة Eslam_A مشاهدة المشاركة
                            عمرو باشا اخيرا عملتها

                            ياريت بقي تقولي عنوان المحل بالتفصيل الممل لاني مش من القاهرة

                            وياريت تقولي خد معاك وقت قد اية تقريبا

                            جزاك الله كل الخير وربنا يكرمك علي اللي بتعملو معانا دا
                            الله يباركلك يا إسلام

                            شوف يا سيدي.....أكيد إنت عارف شارع جامعة الدول في المهندسين....أول الشارع ده في ميدان سفينكس الي متفرع منه أول شارع أحمد عرابي......هاتمشي لأخر الشارع ده.....هاتلاقي في أخره مطلع كوبري على إيدك الشمال....ماتطلعوش وخليك مكمل على طول....هاتلاقي الطريق خلص ومفبش قدامك غير شمال ويمين...ده شارع السودان......هاتخش شمال وتمشي فيه لغاية ما تلاقي بنزينة موبيل على يمينك.....المحل قصادهُ الناحية التانية ....277 ش السودان

                            الموضوع كله خلص في نصف ساعة

                            دي رسمة توضيحية من جوجل.....الخط من على اليمين ده يعتبر أخر أحمد عرابي لغاية السهم الأحمر الي بيشاور على البنزينة



                            وفقق الله
                            [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                            Comment

                            • #15
                              موضوع جامد جداجدا
                              مبروك عليك
                              [SIZE=6][I][COLOR=#000000][FONT=Comic Sans MS][SIZE=6]
                              [/SIZE][/FONT][/COLOR][/I][/SIZE]

                              Comment

                              السابق 1 2 3 4 template التالي
                              Working...
                              X