تسعير كليو بعد حادثه و الاصلاح

[eng_mmm2004]

السلام عليكم
انا معايا كليو 2008 لم تكمل 15 الف كيلو و عملت بها حادثه.
مشاكل الحادثه لم تكن فى الصاج خالص و لكن كانت فى بعض الميكانيكا الداخليه مش عارف ازاى.
فى التصليح غيرت كل حاجه كان فيها مشاكل (ردياتير , قواعد موتور , كمبرسور تكييف , سيور و بعض الحساسات , قنطره و مقصات)
المهم حاله العربيه كويسه بعد التصليح. و عاوز اعرف لو حبيت ابيعها تجيب كام تقريبا مع العلم ان الايرباج فتحت فى الحادثه و لم اصلحها انا قفلت مكانها بس.
ارجو الافاده

[Amr_Moh]

منصحكش تبيع

[عمرو عمارة]

حضرتك عاوز تببع ليه؟......هل في عيب ظاهر مش عارف تحله؟

[bishoy02010]

اعتقد مش هتأل كتير لو اتعملت صح لأنها أعتقد هتتباع عادى على انها راشة برة هيا رشة جوة كمان ولا لأ ؟؟؟

[eng_mmm2004]

اولا هو مفيش عيب ظاهر الحمد لله بس سبب التفكير فى البيع هو فقط عدم الراحه النفسيه لاستخدام السياره بعد الحادثه لان الحاجات التى تم تغييرها كتير اوى.
ثانيا السياره لم ترش لا من جوه و لا من بره. و لا حتى فيه فوانيس اتكسرت و لا كبوت اتعوج و لا اى حاجه من دى خالص.الاكصدام الامامى بس هو اللى تم اصلاحه و رشه و هو بحاله معقوله.غير كده الشغل كله ميكانيكا و دى حاجه غريبه مش عارف جت ازاى.
انا مش ناوى ابيع بس انا عاوز اعرف ممكن تجيب كام.

[bishoy02010]

اولا هو مفيش عيب ظاهر الحمد لله بس سبب التفكير فى البيع هو فقط عدم الراحه النفسيه لاستخدام السياره بعد الحادثه لان الحاجات التى تم تغييرها كتير اوى.
ثانيا السياره لم ترش لا من جوه و لا من بره. و لا حتى فيه فوانيس اتكسرت و لا كبوت اتعوج و لا اى حاجه من دى خالص.الاكصدام الامامى بس هو اللى تم اصلاحه و رشه و هو بحاله معقوله.غير كده الشغل كله ميكانيكا و دى حاجه غريبه مش عارف جت ازاى.
انا مش ناوى ابيع بس انا عاوز اعرف ممكن تجيب كام.

يعنى ولا رشة برة ولا جوة مفيش غير اكصدام سعرها العادى فى السوق ياباشا اطمن :)

[khalid_adel]

بس اعتقد انها كده اتعمل فيها لحامات بسيطه (بتاعت القنطره او قواعد الموتور )
انا مش متأكد اوي برضه
وطبعا الايرباج فتحت يبقى لازم تقول للي حتبيعهالو ان الايرباج فتحت ومش موجوده ده غير ان في اللمبه منوره
واكيد لو قلت للي حيشتريها ان الايرباج فتحت حيشك فيها
من الاخر طنش موضوع البيع ده وخليها معاك احسن او بيعها لحد معرفه اوي ويكون عارف اللي فيها وفاهم ومقدر للي حصل
بس اهم حاجه الامانه في البيع والشراء

[د.محمود صلاح]

لو نفسك وقفت منها ماكنتش صلحتها وكنت بعتها على حالتها لشخص غاوى الاستلقاط , ولكن طالما صلحتها يبقى خليها معاك بس حاول تصلح الايرباج وبالتالى رجعت زى الاول بالضبط !

ولا تنسى خروجك بالسلامة من الحادث بفضل الله ثم بامان السيارة


انا ليه صديق هنا فى عمان معه كرولا قديمة - رحمة الله عليه - توفى فى حادث هاااايف جدا جدا بسبب عدم وجود الايرباج ( لاداعى لذكر التفاصيل ) , والأعمار بيد الله