عايز كليو من فضلكم

[DR/WAFEK]

ان سعيد ان معاكم فى منتدى قسم الرينو لانى مكنتش اعرف ان العربيه دى حلوه كده الا منكم ولكن ليا بعض الاستفسارات والدى كان عايز يجيب لوجان المغربيه بالتقسيط وكنا خلاص رايحيين نخلص فيها ولكن لما عرف ان مفيش اوتوماتيك صرف نظر عنها لان موضوع الاوتو ده شرط لذلك البديل هو الكليو ولكنها زيرو هتبقى اغلى كتير خصوصا لو اوتو واحتمال اساسا تكون مفيش منها زيرو لو عايز اجيب واحده 2007 اوتو ممكن اجيبها منين مع العلم ان هندفع نص تمن العربية و الباقى تقسيط خلال سنه لو فى فى التوكيل يا ريت حد يوضحلى ويا ريت اعرف هل 1400 سى سى يمشى الاوتوماتيك كويس ولا سحبها بطئ معلش طولت عليكو

[عمرو عمارة]

الكليو الأوتوماتيك نزلت في 2005 فقط بموتور 1400 سي سي 16صباب والعربية جميلة ما شاء الله......بس هاتجبها طبعاً مستعملة ومش عارف دلوقتي ممكن تعمل كام لأن أنا شايف أسعار الكليو في النازل جامد.....يعني مثلاَ ممكن العربية تعملها 50الف بالكتير

لو جديد هايبقى السيمبول وهي بـ90ألف

[abohalmos]

تقسيط رينو لوجان .... مغربى او رومانى ؟؟؟؟؟؟؟؟؟

السلام عليكم ...
يا جماعة حد يعرف مكان ممكن اشترى منه لوجان مغربى او رومانى بالتقسيط ( تقسيط مباشر ) يعنى معرض او مكان كده؟؟؟؟
عشان انا معجب بالعربية جدا جدا بس مش معايا تمنها كاش دلوقتى ..و اقدر ادفع مقدم حوالى 20 الف جنيه ....
بالمناسبة انا عجبانى الفول اوبشن .

[chato_eg]

التوكيل نفسه فاتح باب التقسيط المباشر على سنتين تقريبا و بفائدة أقل بكتير من المعتاد لكن لابد من دفع 50% مقدم...على كل أنا مش متأكد من التفاصيل فحضرتك تقدر تكلم 16202 الرقم المختصر للشركة العالمية للسيارات ( وكلاء رينو فى مصر ) ز هما يقدروا يوصلوا معلومة أكيدة لحضرتك

[DR/WAFEK]

طب يا جماعه جاتلى فكره هل ممكن التوكيل يركبلى فتيس الكليو الاتوتوماتيك على اللوجان الجديده وياخد فرق

[DR/WAFEK]

التوكيل نفسه فاتح باب التقسيط المباشر على سنتين تقريبا و بفائدة أقل بكتير من المعتاد لكن لابد من دفع 50% مقدم...على كل أنا مش متأكد من التفاصيل فحضرتك تقدر تكلم 16202 الرقم المختصر للشركة العالمية للسيارات ( وكلاء رينو فى مصر ) ز هما يقدروا يوصلوا معلومة أكيدة لحضرتك

انا كلمت التوكيل وقالى ان الموضوع ده مش على اللوجان المغربى للاسف ولكن على الرومانى