Tweet
آخوانى الاعزاء
السلام عليكم و رحمه الله
طبعا بعد لما انضميت للوحوش كان ليه احساس تاني خالص
قبل الميجان كان عندي دايو لانوس .. اشترتها سنة ٢٠٠٤ زيرو و كانت اول عربيه امتلكها في حياتي
اشترتها من معرض في مدينة نصر و يوم الاستلام مكنش معايا رخصة سواقه مطلعتهاش اصلا :)
و كماان مكنتش بعرف اصلا اسوق (( مجنون ))
المهم فرحتي بالعربيه كانت مش كبيره اوي ليه؟؟ معرفش .!!
اتعلمت علي العربيه و خبط فيها كتير لكن كنت بخاف عليها اوي
و بعد لما اشترتها بحوالي سنه واحد صحبي اشتري عربيه اسمها رينو ميجان
قولت في نفسي ( ايه ياخويا ميجان دي هو الراجل ده مجنون في حد يشتري رينو دي عربيات شكلها وحش اوي و كمان دافع فيها ١٤٥٠٠٠ جنيه ده اكيد مجنون )
المهم رحت ركبت معاه و اول لما شفتها من بره ( اذبهليييت )
ولما قعدت جوه ( ياخرابييييييييي ... ايه الحلاوه دي )
ولما طلعنا نلف بالعربيه ( اجمن عليه علي طووول )
ولما رجعت عربيتى ( افففففف )
المهم كانت العربيه دي هدف ليه لغاية السنادي لما قررت اغير العربية و تبعتوني انتم في المنتدي وانا بدور
لغايت لما لقتها .....
امتع يوم في حياتي وانا بستلم العربيه من الراجل و بوديها علي البيت محستش احساس زي ده وانا بشتري الانوس علي الرغم انها كانت اول عربيه ليه
و ملاحظاتي عن العربيه كلاتي :
١- الراحة الداخليه
كرسي عاظمه علي عاظمه مع المساند الي فوق الراس جامده جداا
الفرش شكله حلو لكن مش مريح اوي
التبولوه وهمي و احلي حاجه انك تقدر تتحكم في العربيه كلها من مكانك
سوا كانت المريات او السقف او الراديو او التكيف ومع مثبت السرعه خلاص انت بطلت تسوق
انت بس قعد و العربيه بدلعك
الستاير الخلفيه مع التقفيل الجيد جدا مديلك احساس بانك مش في الشارع انت في بيتك
التكيف مش جامد ذي الانوس بس شغاال
٢ - الامكانيات الخارجيه
اولا اضاءه جمده جدا و امكانيه رفع الاضاءه بتخليك تقدر تكشف طريقك برحتك
ده غير ان العربيه في المطبات حاجه تانيه خالص مريحه جدا
السحب غريب جدا سعات احس انها طلقه
و ساعات النقله تاخد وقت كتير جداا و السحب يبقي بطيء
صوت العربيه عالي سنه صغيره
ولكن وهيه وقفه متسمعش حاجه ولا تحس بحاجه لدرجة اني مره سحبت الكارت و نزلت من العربيه
و جيت اقفل العربية مقفالتش انا قلت ان الكرت بااظ
لكني اكتشفت ان العربيه ديره وانا مش واخد بالي
٣- الشكل
شكلها من بعيد فخم اوي و خصوصا ان عربيتي سودا وكمان مع فتحة السقف
بتجمع مابين الفخامه و العربيه الاسبور
و بليل مع اضاءة التابلوه و الاضاءه الخارجيه الشكل محترم اوي
٤ ٠ التوكيل
بما اني اشتريت العربيه في الضمان فرحت علي طول اعمل صيانه ال ١٥٠٠٠
و لقيت ان العربيه معملتش صيانه ال ١٠٠٠٠ عندهم ف دفعوني ٨٨ جنيه
و غيرولي التيل الامامي و كان مجموع الحساب ٥٥٠ جنيه
انا رحت توكيل العبور ليق نظام جامد جداا و المعمله كانت كويسه علي الرغم من ان مهندس الاستقبال كان رخم جداا لكن الناس كانت في العموم كويسين
حولت القي بعض الاكسسورات لكن ملقتش عندهم الا الدواسات العاديه و بعض الاكسسوارات الي ملهاش لزمه
اشتريت المدليه ب ٨،٥٠ جنيه و غسلولي العربيه غسله منيله و استلمت العربيه
كان فيه صوت صفاره مع الفرامل و الشاشه الي قدامي كانت بتقولي تغير الزيت
بس قلولي ان الزيت تمام لكن اتغير بره التوكيل و معمللوش ريست
و سبولي الرساله زي مهيه لكن واحد صحبنا علمني الزاي اعمل ريست ليها
و الدراع الداخلي بتاع البابين الامامين كان مجرح فقلولي انه في الضمان لكن مش موجود عنهم دلوقت
و هيبعته يجبولي واحد
و كوتش الباب كان فيه قطع قالولي انه بره الضمان
من الاخر التوكيل كويس بنسبه ٧٠٪
٥- فرحتي بالعربيه
لاتوصف وخوفي عليها مخليني افكر اركب فرش داخلي و استغني عن الاير باجز
ومش عارف رئيكم ايه في الموضوع ده ؟
انا اسف اني طولت عليكم لكن في النهايه احب اقولكم ان الميجان من احسن الحاجات الي حصلتلي في حياتي
السلام عليكم و رحمه الله
طبعا بعد لما انضميت للوحوش كان ليه احساس تاني خالص
قبل الميجان كان عندي دايو لانوس .. اشترتها سنة ٢٠٠٤ زيرو و كانت اول عربيه امتلكها في حياتي
اشترتها من معرض في مدينة نصر و يوم الاستلام مكنش معايا رخصة سواقه مطلعتهاش اصلا :)
و كماان مكنتش بعرف اصلا اسوق (( مجنون ))
المهم فرحتي بالعربيه كانت مش كبيره اوي ليه؟؟ معرفش .!!
اتعلمت علي العربيه و خبط فيها كتير لكن كنت بخاف عليها اوي
و بعد لما اشترتها بحوالي سنه واحد صحبي اشتري عربيه اسمها رينو ميجان
قولت في نفسي ( ايه ياخويا ميجان دي هو الراجل ده مجنون في حد يشتري رينو دي عربيات شكلها وحش اوي و كمان دافع فيها ١٤٥٠٠٠ جنيه ده اكيد مجنون )
المهم رحت ركبت معاه و اول لما شفتها من بره ( اذبهليييت )
ولما قعدت جوه ( ياخرابييييييييي ... ايه الحلاوه دي )
ولما طلعنا نلف بالعربيه ( اجمن عليه علي طووول )
ولما رجعت عربيتى ( افففففف )
المهم كانت العربيه دي هدف ليه لغاية السنادي لما قررت اغير العربية و تبعتوني انتم في المنتدي وانا بدور
لغايت لما لقتها .....
امتع يوم في حياتي وانا بستلم العربيه من الراجل و بوديها علي البيت محستش احساس زي ده وانا بشتري الانوس علي الرغم انها كانت اول عربيه ليه
و ملاحظاتي عن العربيه كلاتي :
١- الراحة الداخليه
كرسي عاظمه علي عاظمه مع المساند الي فوق الراس جامده جداا
الفرش شكله حلو لكن مش مريح اوي
التبولوه وهمي و احلي حاجه انك تقدر تتحكم في العربيه كلها من مكانك
سوا كانت المريات او السقف او الراديو او التكيف ومع مثبت السرعه خلاص انت بطلت تسوق
انت بس قعد و العربيه بدلعك
الستاير الخلفيه مع التقفيل الجيد جدا مديلك احساس بانك مش في الشارع انت في بيتك
التكيف مش جامد ذي الانوس بس شغاال
٢ - الامكانيات الخارجيه
اولا اضاءه جمده جدا و امكانيه رفع الاضاءه بتخليك تقدر تكشف طريقك برحتك
ده غير ان العربيه في المطبات حاجه تانيه خالص مريحه جدا
السحب غريب جدا سعات احس انها طلقه
و ساعات النقله تاخد وقت كتير جداا و السحب يبقي بطيء
صوت العربيه عالي سنه صغيره
ولكن وهيه وقفه متسمعش حاجه ولا تحس بحاجه لدرجة اني مره سحبت الكارت و نزلت من العربيه
و جيت اقفل العربية مقفالتش انا قلت ان الكرت بااظ
لكني اكتشفت ان العربيه ديره وانا مش واخد بالي
٣- الشكل
شكلها من بعيد فخم اوي و خصوصا ان عربيتي سودا وكمان مع فتحة السقف
بتجمع مابين الفخامه و العربيه الاسبور
و بليل مع اضاءة التابلوه و الاضاءه الخارجيه الشكل محترم اوي
٤ ٠ التوكيل
بما اني اشتريت العربيه في الضمان فرحت علي طول اعمل صيانه ال ١٥٠٠٠
و لقيت ان العربيه معملتش صيانه ال ١٠٠٠٠ عندهم ف دفعوني ٨٨ جنيه
و غيرولي التيل الامامي و كان مجموع الحساب ٥٥٠ جنيه
انا رحت توكيل العبور ليق نظام جامد جداا و المعمله كانت كويسه علي الرغم من ان مهندس الاستقبال كان رخم جداا لكن الناس كانت في العموم كويسين
حولت القي بعض الاكسسورات لكن ملقتش عندهم الا الدواسات العاديه و بعض الاكسسوارات الي ملهاش لزمه
اشتريت المدليه ب ٨،٥٠ جنيه و غسلولي العربيه غسله منيله و استلمت العربيه
كان فيه صوت صفاره مع الفرامل و الشاشه الي قدامي كانت بتقولي تغير الزيت
بس قلولي ان الزيت تمام لكن اتغير بره التوكيل و معمللوش ريست
و سبولي الرساله زي مهيه لكن واحد صحبنا علمني الزاي اعمل ريست ليها
و الدراع الداخلي بتاع البابين الامامين كان مجرح فقلولي انه في الضمان لكن مش موجود عنهم دلوقت
و هيبعته يجبولي واحد
و كوتش الباب كان فيه قطع قالولي انه بره الضمان
من الاخر التوكيل كويس بنسبه ٧٠٪
٥- فرحتي بالعربيه
لاتوصف وخوفي عليها مخليني افكر اركب فرش داخلي و استغني عن الاير باجز
ومش عارف رئيكم ايه في الموضوع ده ؟
انا اسف اني طولت عليكم لكن في النهايه احب اقولكم ان الميجان من احسن الحاجات الي حصلتلي في حياتي
Comment