يا خبراء الميجان 2 أنجدوني بسرعة

[HSAM]

السلام عليكم يا وحوش
معلش انا مش هطول عليكم بس رجاء أي حد يعرف حاجة عن الموضوع يرد عليي بأقصى سرعة لأني مش عارف أنام من قلقي على الميجان بتاعتي

أنا عندي ميجان موديل 2006 وبهتم بيها جدا بس حصلت حاجة غريبة معايا إمبارح جيت أول ماشغلتها حسيت إنها بتترج وعايزة تبطل بس مبطلتش ولما جيت أمشي بيها كان فيها رجة جامدة جداً وكأنها عايزة تقف بس لما أزود سرعة محسش بحاجة والعربية بتجري عادي كنت عايز أعرف إيه اللي حصلها ؟ وإذا فيها مشكلة تتصلح إزاي وبكام ؟ وهل لما أمشي بيها كده لحد التوكيل هيعمل فيها مشكلة ولا أجيب عربية تقطرها ؟

رجاء الرد بسرعة يا وحوش لأنها أول مرة ومخضوض جداً

[mfarouk5]

اعتقد الرجه دي بسبب قواعد الموتور ومفيش مشكله لو رحت بيها التوكيل

[chato_eg]

أنا فاكر من فترة فى حد كان اشتكى نفس الشكوى....لكن مش فاكر المشكلة طلعت...تقريبا كان حساس سرعة....المهم ما تقلقش....روح بيها من غير عربية تقطرها و لا حاجة...أو لو حابب ...كلمهم على 16202 و احكى لهم المشكلة بعد ما يوصلوك لمهندس و هو هيقولك تعمل إيه....و ما تقلقش هما ناس محترمين و مش هيبتزوك فى الموقف و لا حاجة...و ابقى طمننا عملت إيه...و تطلع بسيطة إن شاء الله

[Sharky]

دى حاجة من الإتنين
1- حساس الكامة
2- كويلات

و إحتمال الأكبر تكون حساس الكامة و دا تكلفته 600 جم
أو لو كويلات الواحد تمنه 500 جم

[Ahmed Selim]

كلام شاركى غالباً صح........

بس أنت بتحس العربية على أقل من 2 أو 3 rpm بتترج و لو عليت عن 3 rpm بتبقى عادية ؟؟؟؟

لو ده اللى بيحصل معاك غالباً هيبقى كويل....أو أكتر.

[ahmed_gamal]

الاعراض دي حصلت معايا و طلع كويل ضارب
و غيرته بره التوكيل ب 350 جنيه الكلام ده من شهر

[Amr_Moh]

السلام عليكم يا وحوش
معلش انا مش هطول عليكم بس رجاء أي حد يعرف حاجة عن الموضوع يرد عليي بأقصى سرعة لأني مش عارف أنام من قلقي على الميجان بتاعتي

أنا عندي ميجان موديل 2006 وبهتم بيها جدا بس حصلت حاجة غريبة معايا إمبارح جيت أول ماشغلتها حسيت إنها بتترج وعايزة تبطل بس مبطلتش ولما جيت أمشي بيها كان فيها رجة جامدة جداً وكأنها عايزة تقف بس لما أزود سرعة محسش بحاجة والعربية بتجري عادي كنت عايز أعرف إيه اللي حصلها ؟ وإذا فيها مشكلة تتصلح إزاي وبكام ؟ وهل لما أمشي بيها كده لحد التوكيل هيعمل فيها مشكلة ولا أجيب عربية تقطرها ؟

رجاء الرد بسرعة يا وحوش لأنها أول مرة ومخضوض جداً

ده أعراض الكويل
ودة سعره ٥٥٠ فالتوكيل أما برة التوكيل فسعره ببدأ من ١٢٥ لحد ٣٥٠ حسب النوع

[HSAM]

السلام عليكم شكراً يا وحوش على الرد السريع
أنامش عارف من غيركم كنت عملت إيه
وهو بالظبط زي ما بتقول يا أحمد عبد المقصود لما بكون أقل من 2 أو 3 rpm بترج بس فوق عن كده مفيش رجه
بس الغريب بأى قوي إن نزلت النهاردة الصبح أتطمن عليها ومشيت بيها عادي وجريت بيها كمان ومحصلتش أي رجة من أول التشغيل
فهل كانت حاجة معلقة ولا أجرب يومين كده أمشي بيها قبل ما أغير حاجة ؟
ولا أغير علطول قبل ما حاجة تانية تشتكي ؟
وعايز أعرف منين أجيب قطع غيار رخيصة وأصلي وميتضحكش عليي ؟

[Mohd_Adel_Amin]

بس الغريب بأى قوي إن نزلت النهاردة الصبح أتطمن عليها ومشيت بيها عادي وجريت بيها كمان ومحصلتش أي رجة من أول التشغيل
فهل كانت حاجة معلقة ولا أجرب يومين كده أمشي بيها قبل ما أغير حاجة ؟

انا كان عندي الكويل في الميجان 1 بيعمل نفس المشكلة وكان احيانا بيفصل واحيانا بيشتغل واحيانا وانا ماشي بيها يفصل ويرجع يشتغل ومكنتش عارف المشكلة ايه وتأكدت ان المشكلة منه لما فصل تماما , رأيي الشخصي ان ما دامت المشكلة لسه مش واضحة اصبر لحد ما تتأكد انها من الكويل وبعد كده غيره بس يا ريت يكون في التوكيل لأنه الأضمن وبيكون عليه ضمان ,, وشوف رأي الوحوش الكبار ايه في الموضوع ده أكيد هيفيدوك اكثر مني .

[Amr_Moh]

أنا معايا كويل زيادة لو عايز تجرب

[bishoy02010]

طمنا عملت إيه :)

[Ahmed Selim]

الكويل كده يا باشا أبتدى يودع.........قدامك حل من 2

1- تسيبه لحد لما الموضوع يبقى ظاهر بأستمرار وبعد كده تروح تغيره.
2- تتوكل على الله و تغيره دلوقتى.

أنا سمعت قبل كده أن لو كويل واحد بايظ و سبته ممكن يأثر على كويل تانى سليم.......بس مش متأكد 100% من الكلام ده.

أنا لو مكانك هغيره على طول.

أسعار التوكيل هى 550 جم و عليه ضمان سنة......و سمعت أن عندهم نوع تانى ب 350 جم بس ضمانه 6 شهور بس........بس برضه مش متأكد من الموضوع ده 100%.

أعتقد أن أحمد جمال كان غيره عند واحد فى المعادى بناءً على نصيحة أيمن.......بس مش عارف مدى كفاءة الكويل ده مقارنة ببتاع التوكيل.

[triton]

هم دول الوحوش والروح الجميله اللي بينهم ... تسلموا يا وحوش

[akmal_hamdi]

ده الكويل التمام

[shady]

:k49:begad ento 10/10 ya reglaaaaaaaaaa enot gamedn gedan:k49::k49::k49: