متى يتم تغيير قطع الغيار فى الميجان

[habashi]

السلام عليكم ورحمة الله
يا جماعه في حاجة مهمه جدا أنا محتاج أعرفها وأكيد كلكم محتاجينن تعرفوها
علشان نحافظ علي العربية دي لازم نعرف امتي بتتغيير قطع الغيار , يعني بعد كام كم

أتمني لو فيه جدول يبين كل قطعة غيار بعد كام كم ممكن تتغير

ولكم تحياتي جميعا

حبشي

[habashi]

في حاجة بردو خطرت في بالى ... هل فيه حد منكو حس برجرجة في العجلات الامامية و وهو بيحاول يطلع بسرعة لو كانت ظروف الطريق اضطرته لكدة ... لان الموضوع دة انا حسيت بيه وبعدين بطل يحصل ودة ساعتها كنت عامل بس حوالي 12000 كم .. انا لما لاقيت الموضوع بطل صرفت نظر عن التوكيل .. اصلي مخبيش عليكم الصيانة هنا اعلي بكتير اوي في التكلفة من الصيانه في مصر ... لما حبيت اركب البارك سينسور لاقيت انه بس تركيبه 800 ريال بدون القطعة نفسها ... فابتديت اراجع نفسي اني لازم ابص ورا وانا جاي اركن ارخص

[Ahmed Selim]

السلام عليكم ورحمة الله
يا جماعه في حاجة مهمه جدا أنا محتاج أعرفها وأكيد كلكم محتاجينن تعرفوها
علشان نحافظ علي العربية دي لازم نعرف امتي بتتغيير قطع الغيار , يعني بعد كام كم

أتمني لو فيه جدول يبين كل قطعة غيار بعد كام كم ممكن تتغير

ولكم تحياتي جميعا

حبشي

بص يا باشا هى أهم حاجات اللى بتتعمل مع الصيانات الكبيرة زى 20000 كم و 40000 كم و 60000 كم
باقى الحاجات بيبقى حسب الأستعمال زى التيل والطنابير والمساعدين و مختلف مكونات العفشة لأن الحاجات دى بتتأثر بطريقة السواقة و طبيعة الشوارع.

يعنى على حسب معلوماتى
التيل ( فى الأتوماتيك ) بيقعد من 20 ألف الى 40 ألف
الطنابير من 60 ألف الى 80 ألف
المساعدين من 120 الى 200 ألف ( حسب نوع الشوارع و المطبات و و و و ده بالأضافة لنوع المساعدين نفسهم - ماركتهم يعنى )

طبعاً الكاوتش من 40 ألف الى 60 ألف