مطلوب معلومات عن السيمبول ؟

[chico]

السلام عليكم , انا حاليا بفكر فى شراء سيارة جديدة و بفكر فى عدد من العربيات مثل النيو اكسنت , الافيو , الريو و اخيرا انضمت السيمبول و يمكن اكمل عصر اليمونة و افكر فى الياريس او الانسر 1300 .

السيمبول عربية مجهولة تماما بالنسبالى , مجرد صور و مواصفات مكتوبة فى اعلاناتهة و النهردة فى ملحق السيارات للأهرام كان فى اعلان للسيمبول حلو كدة وكبير بس بصراحة معرفش حد جبهة او حتة جربهة علشان اسئلة ,مفيش غير التقييم الرائع للأستاذ ashrafsadaany فى هذا المنتدى المتميذ , بس يا ريت لو فية اكتر من حد جربهة او جبهة يقلى رئيهة فيها بصراحة و لو يقدر يجوبنى على الاسئلة دى يبقى جزاة اللة خيرا.

1- اخبار العفشة اية؟ نعمة ولا رياضية ؟ اهم حاجة عندى عشان انا عاوز عربية تكون نعمة و مريحة و ياريت لو علية
2- هل المتور 1400 كويس فى الاتوماتيك ولا ضعيف علية و بتعمل مشاكل مع التكيف فى السفر زى النسر 1300 و خصوصا لو محملة ولا لأ ؟
3- اخبار قطع الغيار اية ؟ متوفرة و اسعار معقولة و لا هلبس فى الحيطة بتاعت قطع الغيار الفرنساوى مع ئلى جابو الميجان و السيتروين السى ثرى و فور
4- هل هية عربية عملية و اعتمادية ؟ يعنى جمدة و تستحمل التشغيل فى ظروف صعبة مع الشوارع المصرية العظيمة بتعيتنا ولا مش اد كدة ؟ هية تقفيل اية او منشائة اية ؟

اسف للئطالة بس يا ريت اى حد عندة اى معلومات عن العربية دى يقلى ولة جزيل الشكر.

[Amr_Moh]

http://www.nilemotors.net/Nile/showthread.php?t=74455

العربية لسة إنتشارهة محدود فتفاصيل كتير مبنتش لسه

[mitch102]

فعلا العربية لسة محدودة زي أستاذ عمرو ما قال لكن بناء على تجربتي معاها من منتصف فبراير الى الآن أقدر أقولك ان العفشة بتاعتها ناشفة سنة بس كله قال لي انها علشان لسة جديدة و لا يجوز المقارنة بينها و بين عربيتي القديمة ، عموما من غير مطبات هي زي الفل ، أما بخصوص الأتوماتيك مش تاعبني نهائي و ماشية معايا زي الفل، و التكييف تأثيره على سحب العربية غير ملحوظ تماما و عزل الصوت الداخلي فيها ممتاز ، أما عن قطع الغيار فمازالت غير معلومة بالنسبة لي و لكن فيه موضوع مثبت بالقسم فيه بعض أسعار السيمبول ، و الحاجة الوحيدة اللي احتاجت لها الى الأن كانت البطاحة الشمال (عيب تصنيع) و لم تكن متوفرة في مركز خدمة الأسكندرية ولكنهم وفروهالي و كلموني و رحت غيرتها علطول بعد حوالي اسبوعين (كان فيهم اجاوات كتير) و ربنا يوفقك للقرار السليم ان شاء الله و يبارك لك في أي عربية تختارها

[chico]

شكرا يا استاذ عمر و انا فعلا شفت الموضوع دة بس دة هوة هوة الاعلان بتعهة , هوة الكلام حلو بس المهم العملى.

و الف شكر يا استاذ mitch102 بس انتا ئلقتنى شوية من حتيت العفشة دى وعلى العموم ربنا يباركلك فيهة و ميطلعلكش مشاكل فيهة تانى بس ان كان لية سؤال لحضريتك و ارجو انو ميديئكش , هل انتا جربت الياريس او ركبتهة مع حد ؟ و لو اة يبقى مين احسن او انعم من وجهت نظرك و الف شكر مرة تانية